Slettuskjótt

01/01/2026

Nýtt ár framundan, ég mun flytja mikið af minni vinnslu og prjónavélanar líka í Þingborg. Þar verður því áfram til mikið úrval af slettuskjóttri ull!
Smá upprifjun:

Katrín Andrésdóttir, fyrrverandi héraðsdýralæknir, hefur undan­farin ár litað íslenska ull í öllum regnbogans litum undir merkinu Slettuskjótt sem selst eins og heitar lummur á Þingborg. Katrín segir mikil verðmæti felast í íslensku ullinni og að ullin sé framtíðarefni í te...

08/11/2025

Í jólapakkann!

Tilboð á öllum vörum frá Louët fram að áramótum! 15% afsláttur í vefverslun og í verslun.

07/10/2025

Nú eru til Biggaponsjó í ýmsum litum!

Vélprjónað ponsjó úr Þingborgarbandi, prjónað í Varma. Handlitað af Katrínu Andrésdóttur/Slettuskjótt.

Machine knit poncho made from Þingborg yarn, knit in Varma. Handdyed by Katrín Andrésdóttir/Slettuskjótt.

26/07/2025

Ragnheiður er frábær prjónakona! Peysan Pauline, hönnun Maja Siska. Uppskrift og lopi í Þingborg.

15/05/2025

Og Slettuskjótti lopinn minn verður áfram fáanlegur í Þingborg!

Eftir fund Ullarverslunarinnar með Vegagerðinni er ljóst að verslunin verður áfam í Gömlu Þingborg enn um sinn og að öllum líkindum í mörg ár enn. Það verður annar fundur á næstunni þar sem mál skýrast enn betur og samið verður um næstu ár. Það er mikils virði að þessari óvissu sem kom upp við söluna á Gömlu Þingborg til Vegagerðarinnar hefur verið eytt í bili.

Svo eru að verða þær breytingar að gamla Þingborgar-samvinnufélagið sem kom þessu ævintýri öllu af stað og hefur verið til húsa í Gömlu Þingborg frá 1990 flytur í burtu. Kembivélin og starfið í kringum hana verður flutt í Hrísmýri 5 á Selfossi. Þar verður einnig komið upp litunar- og þvottaaðstöðu fyrir félagskonur. Þetta er tilraunaverkefni út næsta ár og þá verður framhaldið metið. Þarna verður einnig námskeiðsaðstaða og ef vel tekst til er hugmyndin að þarna verði til nýtt fyrirtæki í framtíðinni í bæði ullarvinnslu og kynningu á íslensku ullinni.

Félagið mun kynna þetta betur eftir því sem það vinnst áfram. Við þennan flutning á kembivélinni opnast aftur tækifæri fyrir Ullarverslunina Þingborg að nýta herbergið sem kembivélin hefur verið í hingað til.

01/03/2025

Endurunnin uppskrift frá síðustu öld.
Tvöfaldur Þingborgarlopi og Slettuskjótt, sú gamla úr Álafosslopa og tvöfaldur léttlopi í mynstri.

06/12/2024

Sveitahúfurnar í Bændablaðinu

06/12/2024

Sjá bls 60,https://www.bbl.is/media/1/bbl22.tbl.2024.pdf