13/04/2026
#وصفات #طبخ
بخاري الدجاج على أصوله :
بنحمر ٣ جزرات مقطعين رفيع جدا بزيت نباتي وبرش عليهم ملعقة سكر
بعدها بصفيهم من الزيت وبحط في الطنجرة الزبيب الي صفيته بعد ما نقعته ربع ساعة بماء ساخن (مقدار كوب من الزبيب)
نفس الشيء بصفيه من الزيت وفي نفس الطنجرة وبنفس الزيت بحمر الدجاج وبضيف عليه راسين بصلةمقطعين جوانح (ملح ، فلفل أسود البهارات السبعة ، كمون حب ) بقلبهم منيح وبعدها بضيف عليهم ملعقتين رب البندورة كبار
كوب عصير طماطم ونصف كمية الجزر والزبيب الي صفيتهم وماء ساخن لحتى نغمر الدجاج فيه و
بنغطيه وبنتركه نصف ساعة لحتى يستوي الدجاج
وبعدها بصفي الدجاج وبضيف الرز إلى مرقة الدجاج (مقدار ٤ أكواب رز حبة طويلة مغسولين ومنقعوين ومصفيين )
بترك الرز على نار عالية واول ما يبلش الرز يتشرب الماء بغطي عليه وبوطي النار
تتبيلة الدجاج ( البهارات السبعه، ملح، كركم، زيت نباتي، فلفل اسود)
وبعدها اخر ١٠ دقائق قبل استواء الرز النهائي بضيف اخر كمية الجزر والزبيب على وجه الرز وبتركه لحد ما يستوي الرز نهائيا
وصحتين وعافية 😍❤️❤️
