18/12/2025
https://www.facebook.com/share/p/1BoksAgXF6/
ඉබේ හැදුනත් ආරක්ෂා කරගන්න ඕන එඩරු ගහේ ගුණ
මේ තියෙන්නෙ බෙහෙත් එඩරු ගහක කොලයක්
හොද ට සරුවට වැවිලා නිසා අතත් එක්ක බලනකොට කොලේ කොච්චර ලොකුද පේනවනේ.🙂🙂
ඉතින් අපේ වත්තෙ පැත්තක් අල්ලගෙන හැදිලා ඉන්න මේ එඩරු ගහ තියනකොට ලොකු ආරක්ෂකයෙක් ගෙදරම ඉන්නව වගෙ තමා..
ඇයි මං එහෙම කියන්නෙ??
ඕනම තැල්මකදි ඉදිමීමකදි වැටීමකදි වෙන ඉදිමුම් කැක්කුම් මග හරවා ගන්න පුලුවන් හොද ම බේතක් තමා මේක..
එඩරු කොල ටිකක් විතරක් තම්බලා ගත්ත වතුරෙන් ඇග හෝදලා බලන්න.ඇග කැක්කුම් නැති වෙලා යාවි..මොකද මේක වාත දෝෂය හින්දා එන කැක්කුම් නැති කරලා දාන්න සමත් ඖෂධයක්.
ඒ වගෙම තමා එඩරු කොල ටිකක් කහ කෑල්ලක් තලලා දාලා ඒකට ලුනු කැට පොඩ්ඩක් සුදුලූණු බික් දෙක තුනක් දාලා තලලා හදාගන්න බෙහෙත් පොට්ටනිය වණ්ඩුවෙ තම්බලා අරගෙන ඒකෙන් හන්දි කැක්කුම් තියන තැන් එහෙම තවලා බැලුවොත් ලොකු සහනයක් තියෙයි..
ඇයි යටි පතුල් වල කෙණ්ඩා කැක්කුම්..මේ හැම එකටම ගොඩක් ගුණදායකයි.. දැන් ඉතින් බාල මහලු තරුණ වෙනසක් නැතුව මේවා හැමෝටම තියනවනේ 🙂🙂
එඩරු ගහක වටිනාකම තමා මේ මුලු ගහම ඒ කියන්නෙ පංචාගයම බෙහෙත් වලට ගන්නවා. ඒ කියන්නෙ අභ්යන්තර ඖෂධයක් විදියට සෙම් රෝග තත්ව , ආමවාත ඒ කිය්න්නෙ ආතරයිටීස් වගෙ ත්ත්ව, හිස කැක්කුම් ශිරෝ රෝග මේවගෙ රෝග ගණනාවකට යොදාගන්නවා හැබයි වෛද්ය උපදෙස් මත.
අර උඩින් කීව වගේ සාමාන්ය තත්ව වලදි මේක පාවිච්චි කරන්න පුලුවන් ..අත් බේතක් විදියට.
නැත්තම් වෛද්යවරයෙක් හම්බෙන්න යනකම්..
එඩරු තෙල් ගැන මම කලින් ලිපියක විස්තර දාල තියනවා.මෙන්න මේ ගහේ බීජ වලින් තමා එඩරු තෙල් හදාගන්නෙ 🩷🩷🩷..
සටහන
ආයුර්වේද වෛද්ය එම්.රසාංජනා ඉලංකෝන්
BAMS ( කැලණිය විශ්වවිද්යාලය)
