02/10/2025
Antelope Canyon – ලෝකේම අලංකාරම ස්වභාවික පාරාදීසය
ඇමරිකාවේ Arizona රාජ්යයේ Page නගරය අසල පිහිටි Antelope Canyon කියන්නේ ලෝකේම අලංකාරම සහ විශේෂම ස්වභාවික canyon අතර එකක්. මේ තැන Navajo Nation කියන ඉන්දියන් ගෝත්රයේ ආරක්ෂාවට යටත්ව තිබෙන Protected Area එකක්. වසර ලක්ෂ ගණනාවක් තිස්සේ ගලා ගිය ගංගා ජලය ගලා යෑම ,ගල් කඩා වැටිම්, උෂ්ණත්ව වෙනස්වීම් සහ කාලයාගේ ඇවෑමෙන් ගල් මත අමුතු හැඩගැස්මක් නිර්මාණය වෙලා අද අපි බලන මෙම canyon දක්නට ලැබෙනවා. ඇතුලට ඇතුල්වෙද්දී narrow මාර්ග, මනෝහර හැඩගැස්ම සහ ගල් වලට ඇතුල්වන සූර්ය beams නිසා දකින හැම මොහොතකම නව දසුනක් දකින්න ලැබෙනවා. ගල් වල වර්ණ ගැලපීම් රතු, තැඹිලි, කහ, දුඹුරු, මදු වර්ණවලින් යුතුව ඇතුලත සුන්දර අත්දැකීමක් ලබාදෙනවා.
Antelope Canyon කොටස් දෙකකට බෙදෙනවා. Upper Antelope Canyon (The Crack) කියන්නේ Light Beams බලන්න හොඳම තැන. මෙය වැඩිපුරම ගමන්කරුවන්ට ආකර්ෂණීය. Lower Antelope Canyon (The Corkscrew) තරමක් පහලට වැටෙන narrow මාර්ග සහ adventure ආකර්ෂණය නිසා විශේෂයි. මේ තැනට යන්න පුළුවන් March – October අතර විශේෂයෙන් උදේ 11.00am – 1.00pm අතර, හිරු beams ඇතුල්වෙන වෙලාවයි.
Antelope Canyon ඇතුලට ගිය හැක්කේ Navajo Guide ලා එක්ක විතරයි.. Permit සහ Ticket අරගෙන Tour එකකට join වෙන්න වෙනවා. Self trip යන්න බෑ. Narrow මාර්ග සහ Flash Flood අවදානම් නිසා සුරක්ෂිත ක්රමයන්ට යටත්ව පමණක් ගිය හැකයි.
මෙම ස්ථානය Lake Powell සහ Horseshoe Bend වගේ තවත් ලෝකප්රසිද්ධ ස්ථාන අසල පිහිටි නිසා ගමන්කරුවන්ට එකම ගමනකදී කිහිප තැනක් දකින්න හැකි වෙනවා. ඡායාරූප 📸 ගන්න හොඳම තැන් අතර ආකර්ෂණීය ස්ථානයක් ලෙස ලෝකයේම ප්රසිද්ධයි. ගොඩක් චිත්රපටවලත්, ප්රසිද්ධ ෆොටෝවලත් මේ තැන බහුලව දකින්න ලැබෙනවා.
මෙම ස්ථානයට මෙම නම ලැබුනෙ අසල වාසය කළ Antelope කියන සතුන්ගෙන්. අද වන විට ගමන්කරුවන්ට අමතක වෙන්න නොහැකි ස්වභාවික අත්දැකීමක් ලබාදෙන ලෝක විස්මයයකි.. 🌄❤️
