Radin Crafts

07/09/2026

අද අපි බලමු… 💕
Cot Mobile එකක් Balance කරන පළමු පියවර කොහොමද කියලා! 🧸✨

1️⃣ වෙනි Comment එකේ තියෙන පින්තූරය Save කරගෙන, ඔයාලටත් මේක පහසුවෙන්ම කරගන්න පුළුවන්. 🌸

මේ වගේ තවත් Felt Craft Tips & Ideas ඕනද? 🥰
ඔයාලගේ අදහස අපිට කියන්න…

Comment එකක් දාගෙනම යන්න! 💬💗

🌷 Radin Crafts 🌷

06/09/2026

06/09/2026

“නෑ බෑ…” කියලා නවතින්න එපා.
පොඩි අඩියක් වුණත්… ඉස්සරහට තියන්න. 🌻

මහන්සි වෙලා කරන දේකට සාධාරණයක් වෙනවා කියලා දැනෙන්නෙ,
ඔයාලා එවන ඒ ලස්සන ෆොටෝ එකක් දැක්කම… 🤍
පෝස්ට් ඔෆිස් රිසිට් ෆයිල් එක පිරෙද්දි,
කුරියර් ෆයිල් එක පිරෙද්දි,
“අනේ… මං මෙච්චර දුරක් ඇවිල්ලද?” කියලා

මටම මං ගැන පුංචි පුදුමයක් දැනෙනවා. 🥹✨
ඒත් මං තාමත් ඉන්නේ
දවසේ වියදම බැලන්ස් කරගන්න ගමන්,
මගේ හීනේ මුල් පියවර ටික හෙමින් හෙමින් තබන
පුංචි ව්‍යාපාරිකයෙක් විදියට. 🌱

ඉවසීමෙන් සැනසීම ලැබෙනවා කියනවනෙ…
ඉතින් මමත් මගේ දියුණුව දිහා
ඉවසීමෙන් බලාගෙන ඉන්නවා.
හෙමින්… නමුත් නවතින්නේ නැතුව. 🤍

මට තව ගොඩක් දේවල් ඉගෙනගන්න තියෙනවා.
තව ගොඩක් දේවල් නිර්මාණය කරන්න තියෙනවා.
තව ගොඩක් දුර යන්න තියෙනවා. ✨

ඒ හැම දුරක්ම යන්න මට ශක්තිය දෙන්නේ ඔයාලා. 🫶🏻

මාව දවසින් දවස ඉහළට ඔසවලා තබන
මගේ හැම කස්ටමර් කෙනෙක්ටම
හදවතින්ම ස්තූතියි. ❤️

ඔයාලා දෙන හැම ඕඩර් එකක්ම
මට නිකම්ම ඕඩර් එකක් නෙවෙයි…
මගේ හීනේ තවත් එක පියවරක්. 🌸

කවදාවත් “නෑ… බෑ…” කියලා
පස්සට හැරෙන්න මං කැමති නෑ.
මට ඕනේ…
අඩියෙන් අඩිය ඉස්සරහට ගිහින්,
මාව මටම ආඩම්බර හිතෙන තැනකට අරගෙන යන්න. 🥹✨

ඉතින් අදත්…
පොඩි පියවරක්.
හෙට තවත් එකක්.
දවසක ආපහු හැරිලා බලද්දි,
“මං නතර නොවී ආපු දුර!” කියලා සතුටු වෙන්න පුළුවන් තරමට. 🌻

ඔයාලා නිසා තමයි මං තාමත් අඩියෙන් අඩිය ඉස්සරහට යන්නේ.
ආදරෙයි… ස්තූතියි… හැමදාමත්. 🤍

03/09/2026

01/09/2026

පොඩ්ඩක් අහන්නකෝ… 🥹🌸
0
මේ වීඩියෝ එකෙන් ගෙනාවෙත් පහුගිය සතිය පුරාවට ලැබුණු ඕඩර්ස්වලට මම ආදරෙන් කරපු ඩිසයින් ටිකක් ඔයාලට පෙන්නන්නයි. 🧸✨
අනේ ඉතින්… චුට්ටක් ඉවසන්න හොඳේ. 🥺❤️

හැමෝගෙම ෆොටෝස්, වීඩියෝස් එකින් එක දානවා.

මේ දවස් ටික නම් හරිම මහන්සියි… වැඩත් එක්ක ඇහැ ආයෙත් රිදෙනවා, කොන්දෙත් අමාරුවක් ඇවිත්. 😔

ඒත් ඉතින් ඒ හැමදේම ඉවසගෙන, ඔයාලා ආදරෙන් දීපු ඕඩර්ස් කොහොම හරි ලස්සනට හදලා ඔයාලගේ අතට යවන්න තමයි උත්සාහ කරන්නේ. 🥹💗

මගේ මහන්සියට හොඳම සැනසීම ඔයාලා “ඕඩර් එක ලැබුණා” කියලා කියන එකමයි. 🌷
සමහර වෙලාවට මැසේජ් අතරේ මැසේජ් මග ඇරෙනවා. 😔

අලුත් මැසේජ් එද්දි කලින් ආපු ඒවා පෙන්නන්නෙත් නැති වෙලාවල් තියෙනවා. ඒ නිසා පුළුවන් වුණ ගමන් මම හැම මැසේජ් එකක්ම බලනවා. 🤍

ඕඩර් එක ඔයාලගේ අතට ලැබුණාම මටත් පොඩි මැසේජ් එකක් දාන්න හොඳේ… 🥹💌
පරක්කු වෙලා හරි මම බලනවා. ❤️

📌 දැනටමත් සැප්තැම්බර් මැදක් වෙනකම් ඕඩර්ස් බුක් වෙලා ඉවරයි.

ඒ නිසා ඕඩර් එකක් දාන්න හිතාගෙන ඉන්නවා නම්, කලින්ම වෙන්කරවා ගන්න. 🌸

📲 WhatsApp – 077 896 7786

ඔයාලගේ ඉවසීම, විශ්වාසය සහ ආදරය වෙනුවෙන්…
ගොඩක් ස්තූතියි. ❤️

01/09/2026

අවුරුද්දත් හෙමින් හෙමින් ගෙවිලා යනවා… 🍂

අපි හැමදාම දුවන්නේ හෙට දවස ලස්සන කරගන්න.
දේවල් එකතු කරනවා… මුදල් හොයනවා… දියුණු වෙන්න මහන්සි වෙනවා…
ඒත් අතරමගදී අපිට අමතක වෙන දෙයක් තියෙනවා…

අද දවස සතුටින් ජීවත් වෙන්න. 🤍

හැමදාම උදේට මගේ ජනේලෙන් දකින ගිරව් රංචුවයි, ලේන්නු ටිකයි මට ඒක මතක් කරනවා.
එයාලට හෙට ගැන ලොකු සැලසුම් නැහැ…
ඊයේ ගැන පසුතැවීමකුත් නැහැ…
තියෙන්නේ මේ මොහොත විතරයි. 🌿

අපිට තියෙන හැම දෙයක්ම අතරින්,
අපිට නැති වෙලා තියෙන්නේ ඒ නිදහසද?

හැමදේම අවබෝධයෙන් කරන්න.

අනිත් අයව විනිශ්චය කරන්න කලින්, තමන්වම විනිශ්චය කරගන්න.

අන්තිමේදී අපි හැමෝම මේ ගමනේ ගමන්කරුවෝ විතරයි..

30/08/2026

පුංචි හිතකට ලොකු සතුටක්… 🦒🦁🐒💚

එකම ඩිසයින් එකක් නෙවෙයි…
ආදරයෙන් තෝරගත්ත පාට,
පුංචි පුංචි අත්කම් හැඩ
අන්තිමට එකතු වෙලා හැදෙන
ඔයාගේ පුංචි පැටියාටම වෙන්වුණු ලස්සන මතකයක්… 🥹💚

අලුත්ම Safari Friends Collection එකෙන්
👜 Cute Felt Bag
📖 Matching Book Cover.
නමත් එක්කම ඔයාට කැමති විදිහට customize කරගන්න පුළුවන්. 🌿✨

ආදරයත් එක්ක අතින්ම නිමවන නිර්මාණයක්. 🧵💚

🌸 Radin Crafts — Made with Love 🌸

whatsapp- 0778967786

30/08/2026

මිනිස්සු මොන විදියට හිතුවත් අත දෙන්න කෙනෙක් නැති උනත් ඔයාගෙ ගමන නවත්තන්න එපා... තමන් ගැන විශ්වාසය තියාගෙන ඔයාගෙ ගමන යන්න...

ජීවත් වෙන්න ඔයා කරන සටන දන්නෙ ඔයාමයි... ඉතින් කවුරුවත් කියන දේවල් නෙමෙයි ඔයාගෙ හිතට දැනෙන හොදම.විදියට ඔයා ඉස්සරහට යන්න...

මට මම කියන්නෙ brand එකක්... දන්නවද අද 8500ක් දන්න මාව හෙට ලෝකයක් දකින්න පුලුවන්... මගේ නිර්මාණ ගැන ඒ මහන්සිය ගැන මීට වඩා කතාකරන දවස් එයි...

මං මට ආදරෙයි... ඉතින් දවසක මං දිනයි... එදාට ගොඩාක් දේවල් කතා කරන්නත් තියෙයි...

සුභ දවසක් ඔයාලා හැමෝටම...

29/08/2026

🌧️ මහ වැස්සෙම අපි කොහෙද ගියේ...? 🥹❤️

ඔන්න ඉතින්… ඔයාලගේ ඕඩර්ස් ඉක්මණින්ම ලෑස්ති කරලා දෙන්න ඕන නිසා බෑග් ගේන්න දුර ගමනක් තමයි මේ ගියේ. 👜🚗🌧️

පහසු නැති ගමනක් වුණත්,
ඔයාලා වෙනුවෙන් කරන නිසා ඒ හැම මහන්සියක්ම ආසාවෙන් විඳිනවා. ❤️

ඔයාලා ආදරෙන් දෙන හැම Order එකක්ම අපිට ලොකු වටිනාකමක්… 🥹🌸

ඉතින් කොච්චර දුර ගියත්, කොච්චර මහන්සි වුණත්…
ඔයාලගේ Orders අනිවාර්යයෙන්ම ඔයාලා අතටම එවනවා! 📦❤️

Radin Crafts — ඔයාලගේ ආදරය වෙනුවෙන් කරන හැම මහන්සියක්ම අපිට වටිනවා. 🌷✨

28/08/2026

මට හැමදාම ඕන උනේ ජීවිතේ ඉස්සරහටම යන්න... මං කවදාවත් මොන ප්‍රශ්නය ආවත් ඒ වෙලාවට දුක හිතුනත් අතැරපු කෙනෙක් නෙමෙයි.... මාව තදින් අල්ලගෙන් මගේ අයව තදින් අල්ලගෙන මම මගේ ගමන ගියා... මගේ ගමනට ශක්තියක් උන ගොඩාක් අය හිටියා.. මගේ උත්සාහය අගය කරපු අය ගොඩාක් හිටියා.. මාව වැටෙන්න නොදී ශක්තිමත් වෙන්න වචනයෙන් හරි උදව්වට ගොඩාක් අය හිටියා... ඒ අතරෙ මගේ නිර්මාණ කොච්චර වටිනවද කියලා මුලින්ම මාව දිරිමත් කලේ සමාජය ඉදිරියට ගන්න මුලින්ම මට උදව්වට ආව දිනේෂ් එම් පතිරාජ සර්.. ඊට පස්සෙ වීඩියෝ එකකින් ලෝකයක් අතරට මට යන්න පුලුවන් කියන එක මට ඒත්තු ගැන්වූයෙ අපේ Gangasiripura Dhammaloka Thero හාමුදුරුවො... එතනින් එහාට මං ගැන තිබුණ පුංචිම හීනමානයත් මගේ අතින් ගිලිහිලා මට මාව දැනෙන්න මාව තව කොච්චර දුරක් මට අරන් යන්න පුලුවන් නේද කියන විශ්වාසය ආවා.... ඇත්තමයි අපෙ හාමුදුරුවනේ ඔබවහන්සේට ගොඩාක් පින්... ගොඩාක් අයට දියුණු වෙද්දි මට උදව් කලේ මේ අය කියන්න දිව නැමෙන්නෙ නෑ.. ඒත් අද වෙනකම් මට එකම එක වචනෙකින් හරි උදව් කරපු කිසිම කෙනෙක් මට අමතක නෑ... මං මේ ගමනෙදි තව එක කෙනෙක් ගැන කියන්න ඕන දියුණු වෙන්න ආස කෙනෙක් නම් Pabara Fashion අක්කගෙ එකම එක වීඩියෝ එකක් බලන්න... නිහඩ ආශිර්වාදයක් ඒක දියුණු වෙන්න උණ තියෙන ඕනම කෙනෙක්ට.. ඉතින් ඒ යන ගමනෙ එක තල්ලුවක් , පන්නරයක් මේ අවස්ථාව... Cake & Cake අක්කා මට ලබාදීපු අවස්ථාව මාව තවත් පිරිස අතරට අරන් යන්න ලොකු තල්ලුවක් වෙයි.. ඇත්තටම අක්කා හරිම සුහදශීලී කෙනෙක්... අක්කගෙ පේජ් එකත් Radin Crafts මගේ පේජ් එකත් දෙකම follow කරන්න... මටත් දවසක් එනවා මගේ හීන හැබැහින් දකින්න.. මං ඕනම වෙලාවක තව කෙනෙක්ට උදව්වක් කරන්න දෙපාරක් හිතන්නෙ නෑ මට පුලුවන් නම්.. කදුලු හංගන් කදුලු අතරින් හිනාවෙන්න මටත් පුලුවන් ...