11/02/2026
ඇත්ත,,,, මගෙත් හිතට හැගෙන දේවල් එලෙසින්ම අකුරු කර ඇත,,,,, නිකන්ම fb එකේ කාලය කාපු තරුණ තරුණයින් කීයක් නම් අපේ Gangasiripura Dhammaloka Thero ගෞරවනීය ස්වාමීන්ස නිසා කිසියම් හෝ ව්යාපාරයක් කරමින් ජීවිතය ජයගනිමින් ඉන්නවාද,,,, ඒ වගේම නිවාස තනාදී වැනි කරන උපකාර වලට ඔබ වහන්සේටත් වැදූ දෙමාපියන්ටත් මහත් පිං ලැබේවා,,,,, ඔබ වහන්සේ වැනි හිතන තව හිටියා නම් ලක් මව බබළවන්නට පුලුවන් වුවත් මින් පෙර මා එවැනි අයෙක් දැක නැත... ඔබ වහන්සේ ම පමණි.... ගොඩාක් පිං...!!!
මේ ලියමන කෙසේ ලිවිය යුතුදැයි මා බොහෝ කල් සිට සිතමින් ගතකලෙමි. දෙගුරුන්ගෙන් පටන් ජීවිතයේ මෙතක් මට හමුවූ ගුරුවරු බොහෝවෙති. ඇතැමෙක් මට අකුරු ඉගැන්වූ අතර අකුරු මෙන්ම සමාජයද ඉගැන්වූ ගුරුවරු ඒ අතර විය. අකුරු නොවන පාඩම් ඉගැන්වූ අයද නැතුවාම නොවේ. ඇතැමෙක්ගෙන් මා ජීවිතය උගත්තෙමි.ඉතින් මට අනූව , මට ජීවිතයේ හමුවූ සෑම පුද්ගලයෙක් ම ගුරුවරයෙක් ලෙස මා දකිමි.
ඒ සියල්ලන් අතරින් සුවිශේෂී දෙදෙනෙක් පමණක් මගේ හදවතේ ගැඹුරුම තැනක , ඔවුන් විසින් මාහැර ගියද මා කිසි දිනක හැර නොයමියි යන සිතුවිල්ලෙන් රදවා තබාගත්තෙමි. ඉන් එක් ගුරුවරයෙකු මේ රූපයෙන් ඔබ දකින්නට ඇති. Gangasiripura Dhammaloka Thero ඔබ වහන්සේ මගේ ජීවිතයේ මට හමුවූ හොදම ගුරුවරයා..❤️
දුෂ්කර කටුක බිමක , මහා තද ඉඩෝරයක කවදාහෝ පිපී සුවඳ දෙමින් අන් අයද පුබුදුවමියි සිතා අපමණ වෙර දැරුවද , දිය පොදක් වත් ලැබුණේ අතලොස්සකගෙන් පමණි. එවන් මොහොතක අනෝරාවක් වී කඩා හැලෙන්නට හැකි වූ එකම ශ්රේෂ්ඨතම මනුෂ්ය රුවන හැටියට මා ඔබවහන්සේ දකිමි.
මා ලග බොහෝ විට ගුණ වැයීම් , වර්ණනා අඩු ම ස්තූති කතා නොමැති තරම් ය. ඇත්තේ වර්ග කිරීම සහ ඒ ඒ වර්ග කිරීමට අදාලව හදවතෙහි හා මතකයේ අදාල තැන්වල ගැඹුරින් තැන්පත් කර ගැනීමක් පමණයි.
ඔබ වහන්සේ පෙන්වූ මාර්ගයේ කෙමෙන් කෙමෙන් ඉදිරියට යද්දී මගේ සිහින , බලාපොරොත්තු , අරමුණු එකිනෙක සැබෑ වෙන අයුරු දෑසින් ම දැක ගතිමි. ඉතින් ඒ ගමනේ කෙලවර කොතැනකදැයි නතර විය යුතු කොතැනකදැයි නොදනිමි, නොසිතමි. ඉදිරියට පමණක් යමි.
මා මෙන්ම උන්වහන්සේ පෙන්වූ මාවතේ ගිය උන් බොහෝ වෙති. ඇතැමුන් මගින් හැරෙද්දී සමහරු නතර වී ඇති. නමුත් අස්වැන්නක් නෙලන තුරු නොනවතිමියි සිතන්නෝ තවමත් යති. ඉදිරිය දකිති. මල්ඵල නෙලති.
ලාබ ප්රයෝජන කිසිත් නොලබා, නින්දා ගැරහුම් දායාද ලබමින් ,දහදිය මුගුරු වගුරවමින් අනුන්ගේ සිහින සැබෑ කරවීම තමන්ගේ සිහිනය කරගත් මනුෂ්ය රත්නයක් තවත් මට හමු වී නැත. මිහිපිට දී හමු වන්නේ ද නැත.
උන් වහන්සේ ගේ අරමුණ කුමක් වුවත් එය පාරමිතාවකි. ඒ වචන වලින් විවරණ ලැබූ මා නොනවතිමි. ❤️
