09/07/2023
ඔයත් overthinker කෙනෙක්ද ??
(කොහොමද overthinking කියන දේ නවත්තගන්නෙ ??)
දැන හෝ නොදැන, හුඟක් දෙනෙක්ට පොදුවෙ තියෙන ගැටළුවක් තමයි මේ overthinking කියන්නෙ. අපි අතරින් සමහරක් ඒක manage කරගන්නවා, හැබැයි කීපදෙනෙක් මේ නිසාම එයාලගෙ එදිනෙදා වැඩ පවා මඟ ඇරගන්නවා..
ඉතින් දැන් ඔයා වැටෙන්නෙ මේ දෙකෙන් මොන ගොඩටද කියලා ඔයාලම හිතලා බලන්න. Overthinking කියන එක overcome කරන්න ඔයාටම පුළුවන්.. ඒකට අවශ්ය වෙන්නෙ පුංචි උත්සාහයක් තමයී.. හැබැයි ඔයාව හුඟක් stress වෙනවා නම් මේ නිසා, අනිවාර්යයෙන්ම ඔයා counselling යන එක ඔයාගෙ ඉස්සරහ ජීවිතේට හොඳයී.. ඒත් එක්කම අමතක කරන්න එපා, එහෙන් මෙහෙන් ඉඳලා හිටලා අපි හැමෝම overthinkers ලා වෙනවා..
Overthinking කියන එක දෙවිදියකට ඔයාගෙ අතින් වෙන්න පුළුවන්.
1. අතීතය ගැන ඕනවට වඩා වදවෙන එක
උදා - මං මගෙ කලින් ජොබ් එකෙන් අයින් වුණේ අපරාදෙ. මං ඒක කළා නම් මීට වඩා හොඳට ඉන්නවනේ.. වගේ දෙයක් ගැන හිත හිත ඔයා දුක් වෙනවා.
2. අනාගතය ගැන ඕනවට වඩා වදවෙන එක
උදා - මගේ වයස හැම කෙනෙක්ම මට කලින් හොඳ තැන් වලට යයී... වගේ අනාගතේ ගැන දෙයක් හිත හිත ඔයා හිත කරදර කරගන්නවා.
Overthinking ඔය දෙකෙන් එක විදිහකට හරි, විදි දෙකටම හරි වෙන්න පුළුවන්. දැන් අපි බලමු කොහොමද මේ දේ වළක්වගන්නෙ කියලා.
💫 ඔයාගෙ ඔළුව එකම දෙයක් ගැන හිතනකොට ඒක අඳුනගන්න.
සමහර වෙලාවට ඔයාලා දන්නෙම නැතුව ඔයාගෙ හිත, ඔයාගෙ ඔළුව එකම දෙයක් ගැන වදවෙනවා වෙන්න පුළුවන්. ඒ දේ නිසාම ඔයාට ඔයාගෙ අනිත් වැඩ වලටත් හරියට focus කරන්න බැරුව ඇතී.
ඒ වගේ වෙලාවට ඒ මොකක්ද කියන එක අඳුනගන්න. මොකද positive විදිහට නොහිතන තාක් ඔයාට ඒ හිතන එකෙන් වෙන හොඳක් නෑ.
💫 ප්රශ්නෙ විසඳන එකට අවධානය දෙන්න.
දැන් ඔයා හිත හිත හිටපු දේ කොළයක් අරගෙන හරි කමක් නෑ ලියන්න. ලියලා බලන්න ඒ ප්රශ්නෙට මොනාද තියෙන උත්තර කියලා. උත්තරත් ඒකෙම ලියන්න.
ඔයාට කිසිම idea එකක් නැත්නම්, කතා කරන්න ඔයාගෙ යාළුවෙක්, වැඩිහිටියෙක්.. කවුරුම හරි එක්ක.
💫 ඔයාගෙම සිතිවිලි වලට අභියෝග කරන්න.
පොඩ්ඩක් relax වෙන්න. ඔයාට පොඩි විවේකයක් දීලා, ඔයාම හිතලා බලන්න ඇයි ඔයා මෙහෙම වුණේ කියලා. ඔයාව මේ තත්ත්වෙට වැටෙන්න හේතුව මොකක්ද බල්න්න.
ඊළඟට, ඔයාගෙම සිතිවිලි වලට අභියෝග කරන්න. අපි හිතනවට වඩා ලොකූ මානසික ශක්තියක් අපි ඇතුළෙ තියෙනවා. ඒ නිසා ඒ ශක්තියෙන් මේ වගේ වෙලාවට උපරිම ප්රයෝජන ගන්න.
💫 Thinking time එකක් තියාගන්න.
හැමවෙලේම ඔහේ කොහෙහරි බලාගෙන දේවල් හිත හිත ඉන්නවට වඩා, වෙනසකටත් එක්ක දවසෙන් එක වෙලාවක් වෙන් කරගන්න ඔයාගෙ ප්රශ්න ගැන හිතන්න. අනිත් වෙලාවට හුස්ම ගන්න බැරි තරම් වැඩ කරන්න. පාඩම් වැඩ, office එකේ වැඩ, ගෙදර වැඩ, පොතක් කියවන්න, පැළයක් හිටවන්න... ඔය වගේ මොනාමහරි දෙයක්.
දවසට විනාඩි 20ක් වගේ thinking time එකක් තියාගන්න. ඒ වෙලාවෙදි විතරක් ඔයාගෙ ප්රශ්න වලට ඔයා මොනාද කරන්න ඕන කියලා හිතන්න.
💫 වර්තමානයේ ජීවත්වෙන්න.
ඔයා මේ අද දවස උපරිමෙන් විඳිනවා නම්, overthinking කියන දේට ඔයාගෙ ජීවිතේ පුංචිම පුංචි ඉඩක්වත් නෑ. ඔයාලා දැකලා ඇතී, මහා ලොකුවට සල්ලි නැති වුණත් සතුටින් කාලා බීලා ජොලියෙ ඉන්න මිනිස්සු. ඒ අය මෙන්න මේ වගේ අය.
එයාලා වර්තමානයේ ජීවත්වෙනවා. එහෙම අයට ජීවිතේ සතුටින් ඉන්න හරිම ලේසියි. ඒ වගේම එයාලගෙ මානසික නිදහසත් උපරිමයී..
ඉතින් ඔන්න අද ඉඳලා ඔයත් overthinker කෙනෙක් වෙන එකක් නෑ. Try කරලා බලන්න මේ දේවල් ටික. අනිවාර්යයෙන්ම ඔයාට පුළුවන් වෙයී, ඒ කරදකාර පුරුද්දට bye bye කියන්න..
හීන වෙනුවෙන් කැප වෙන ඔයාට ජයෙන් ජය💪..
©️ Study with Gimi
