28/04/2026
සමහර දවස් තියෙනවා ජීවිතේ,
“මොනවද මට වෙලා තියෙන්නේ?” කියලා හිතෙන…
උදේ ඇදෙන් නැගිටපු තැනින් පටන් ගත්තාම,
රෑ ආයෙත් ඇදට වැටෙනකල්ම,
“මේ ඇත්තටම ඉන්නේ මමමද?” කියලා
ඔලුවට තට්ටු කරලා අහන්න හිතෙන..
එහෙම වෙද්දි කරන්න පුළුවන් දෙවල් දෙකක් තියනවා…
එකක් “අපි ගෙවන්නේ මහම මහ කරදරකාරී,
විනාශකාරී දවස් ටිකක් නේද?” කියලා හිත හිත,
“ඇයි මේ හැමදේම මටම?” කියලා හිත හිත
“කොහොමද මේකෙන් ගොඩ එන්නේ?” කියලා
හිත හිත
තව තවත් හෙම්බත් වෙන්න පුළුවන්…
නැත්තං,
“ඔය වෙච්ච හැමදේම පිටිපස්සේ අපිට තේරෙන්නෙ නැති හේතුවක් තියෙනවා” කියලා හිතලා බලලා
ඒ හේතුව හොයාගන්න උත්සහ කරන්නත් පුළුවන්..
ඒක පොඩි බලයක් වගේම අපිව ඉදිරියට තල්ලු කරන අදෘශ්‍යම අත් දෙකක් වගේ වෙන්න ගන්නවා…
අනික ඔයා තව දුරටත් ගමනේ තියාගන්න ඒක හරි වැදගත්..
ඉතින් මට කියන්න තියෙන්නේ,
“මේක මහ පීඩනයක්” කියලා දැනෙන හැම වෙලාවකම,
ඔය අවුල ඇතුළේම පොඩිම පොඩි හිනාවක් එක්ක සරල ලස්සන මොහොතක් හොයන්න…
ඔයා ඔයාවම තදින්ම අල්ලගෙන ඉන්න…
ඒ පොඩි ලස්සන දේ දිගේම යන්න…
ඒ විදිහට දිගටම යද්දි,
ඔයා ඔයාටම ආදරේ කරන්න ඉගෙන ගන්නවා…
මතක තියාගන්න,
ඔයා ඔයාට ආදරේ නොකරනවා නම්,
ඔයා ඔයාව බලාගන්නේ නැත්තම්,
වෙන කාටවත් බෑ ඔයාව සතුටින් තියාගන්න…
ඒ ඔවුන්ට ඒක බැරි නිසාම නෙමෙයි,
ඔයාව ඔයාට සතුටෙන් තියන්න ඕන තරම් වෙන කාටවත් ඔයාව සතුටෙන් තියන්න අවශ්‍ය නැති නිසා..
ඒ නිසා, ඔයා වෙනුවෙන් ඔයා ඉන්න…
අද ඔය “මායාකාරී” කියලා හිතෙන දවස්,
කවදාහරි අනාගතේදි
පස්ස හැරිලා බලනකොට,
“අහ්… ඒකත් මං ගෙව්වා නේ…” කියලා හිතට අමුතුම සැනසීමක් දේවි…
ඒ වෙලාවේ ඔයාටම පුංචි හිනාවකින් ඒ අතීතය මතක් කරන්න හිතේවි… ✨️🫶😊
