Whimsical Memories Craftstore

28/02/2021

Koggala beach 🌊


🇱🇰

15/02/2021

Pidurangala & Sigiriya

10/02/2021

Athugala

14/10/2018

07/10/2018

වේවැල්තලාව
Wewalthalawa




වේවැල්තලාව/වෑවියතලාව යටියන්තොට ප්‍රදේශයේ පවතින ඉතාම සුන්දර ස්ථානයක්.වේවැල්තලාව
හංගොල්ල තේ වතු යායේ එක් කොටසක් වන අතර බ්‍රිතාන්‍ය සමයෙහි මේ තේ වතු යාය නිර්මාණය කර තිබේ.මෙහි ඇතුල් වීම සදහා මෙම වතු සමාගම වෙතින් අවසර ලබා ගැනීම අනිවාර්ය කරුණක්.
ලංකාවේ පවතින එකම කේබල් කාර් පද්ධතිය දැකගත හැක්කේ මෙම ස්ථානයේ වීම විශේෂත්වයක්.නමුත් මෙම කේබල් ක්‍රමය භාවිතා කරනුයේ හුදෙක් තේ දලු ප්‍රවාහනයට පමණි.
කදුගැට අතරින් ලදු කැලෑ හා තේ වතු මැදින් යන ගමන ඉතාම සුන්දරයි.මෙම මාර්ගයේ ගමන් කරන විට drippin rock නැමැති ස්ථානය දක්නට ලැබෙනවා.මෙම ස්ථානයේ ඉහළ ගලක සිට පහල ගලට නිරන්තරයෙන් කුඩා ජල බිංදු වැටෙනු දක්නට ලැබෙනවා.මේ පිටුපස ගලට මුවාවී වැස්සකින් වුවත් ආරක්ෂා වී සිටිය හැකියි.

ස්වභාවික සුන්දරත්වයෙන් අනූන මෙම පරිසරයට රැගෙන යන ආගන්තුක ද්‍රව්‍ය දමා අපවිත්‍ර නොකර,සුන්දර මතකයන්,සේයාරූ හා අත්දැකීම් හැර රැගෙන යන සියල්ල මේ භූමියෙන් රැගෙන ඒම සොබාදහමට ආදරය කරන අප සැමගේ වගකීමකි.

07/10/2018

ඕලු ඇල්ල
Olu ella




සබරගමුව පළාතේ කෑගල්ල දිස්ත්‍රික්කයේ යටියන්තොට ප්‍රාදේශීය ලේකම් කොට්ඨාශයේ පිහිටා තිබෙන ඕලු ඇල්ල කෑගල්ල දිස්ත්‍රික්කයේ උසම දියඇල්ලයි.මෙය උසින් 127mක් හා පළලින් 18mක් වනවා.
යටියන්තොට මලල්පොළ හරහා සීපෝත් වලට තිබෙන පාරේ ගමන් කරන විට ඕලු ඇල්ල දැක ග්න්න පුළුවන්.
යටත් විජිත සමයේදී තේ කොළ ප්‍රවාහනය කිරීම සදහා ඕලු ඇල්ල හරහා සාදා ඇති ලී පාලම නිසා දියඇල්ල කොටස් දෙකකට වෙන් වෙනවා.මේ ලී පාලම දැනට ලංකාවේ භාවිතා වන පැරණිතම ලී පාලම ලෙස හදුන්වනු ලබනවා.වර්ෂා කාලයේදී මේ ලී පාලම ජලයෙන් යටවන බව දැනගන්නට ලැබුණා.

ඕලු ඇල්ල වෙත යන ගමන් මාර්ගයේ වී ඔය ඇල්ල හා වැසි කාලයට පමණක් දැකගත හැකි දියඇලි කීපයක්ද හමුවනවා.(මලල්පොල ඇල්ල,ගොරොක් ඇල්ල,කිතුල් ඇල්ල)

ස්වභාවික සුන්දරත්වයෙන් අනූන මෙම පරිසරයට රැගෙන යන ආගන්තුක ද්‍රව්‍ය දමා අපවිත්‍ර නොකර,සුන්දර මතකයන්,සේයාරූ හා අත්දැකීම් හැර රැගෙන යන සියල්ල මේ භූමියෙන් රැගෙන ඒම සොබාදහමට ආදරය කරන අප සැමගේ වගකීමකි.

07/10/2018

කඩදොර විහාරය
Kadadora viharaya,Kothmale



ජල විදුලිය ලබා ගැනීම පිණිස නිමවුණු කොත්මලේ ජලාශයට යටවුණු ගම් අතර කඩදොර යනු එක් ගමකි.මේ වතුරට යටවුණු කඩදොර විහාරය තවමත් නියං කාලයට ජලය සිදී ගිය විටදී දැකගත හැකි වෙනවා..
කඩදොර විහාරයේ බුදු පිළිමය,මල් ආසනය,දේව පිළිම කිහිපයක් සහ බුදුගෙට ඇතුළු වෙන ස්ථානයේ මකර තොරණ මෙන්ම පැරණි නගරය මෙලෙස නියං කාලයට මතුවන නටඹුන් අතර වෙනවා.
කාලාන්තරයක් තිස්සේ රැල්ලට සහ වතුරට හසුව වර්ණ සේදී දැන් සිමෙන්ති පැහැයෙන් තිබෙන මේ බුදුපිළිම වහන්සේ බොදු බැතිමතුන්‍ට ශාන්තිදායක බුද්ධාලම්භන ප්‍රීතියක් ඇතිකිරීමට සමත්.
මෙම පරිසරයට රැගෙන යන ආගන්තුක ද්‍රව්‍ය දමා අපවිත්‍ර නොකර,සුන්දර මතකයන්,සේයාරූ හා අත්දැකීම් හැර රැගෙන යන සියල්ල මේ භූමියෙන් රැගෙන ඒම සොබාදහමට ආදරය කරන අප සැමගේ වගකීමකි.

07/10/2018

බුලත්කොහුපිටිය
Bulathkohupitiya



සබරගමුව පළාතේ කෑගල්ල දිස්ත්‍රික්කයේ බුලත්කොහුපිටිය ප්‍රදේශය ස්වභාවික සුන්ද‍රත්වයෙන් අනූන පරිසරයකි. බුලත්කොහුපිටිය සිට දේදුගල,පැලම්පිටිය හරහා දොලොස්බාගේ වෙත යන ගමන සුන්දර තේ වතු,දියඇලි මැදින් ඇදී යන සුන්දර ගමනකි.
අවිස්සාවේල්ල - කෑගල්ල මාර්ගයේ වරාවල හන්දියෙන් හැරී බුලත්කොහුපිටිය හරහා දේදුගල මාර්ගයේ ගමන් කරන විට අලංකාර දියඇලි හතරක් දක්නට ලැබෙනවා..මේ දියඇලි වල සුන්දරත්වය අත්විඳින්නට නම් වර්ෂා කාලයේ මෙහි යාම වඩාත් සුදුසුයි. වර්ෂා කාලයේ මෙහි යන විට කූඩැල්ලන්ගෙන් ප්‍රවේශම් වීමටත් නාය යෑම් ඇතිවිය හැකි ප්‍රදේශයක් බැවින් ඒ පිළිබඳවත් සැලකිලිමත් වීමට මතක තබා ගත යුතුයි..
~පූනහැල සුරඹා ඇල්ල~
වරාවල හන්දියේ සිට බුලත්කොහුපිටිය වෙත එන විට පූනහැල ප්‍රදේශයේදී මෙම ඇල්ල දැක ගත හැකියි.. 15m-20m උසින් යුත් මෙම ඇල්ල පාරේ සිටම නැරඹිය හැකියි.
~රිකිලි ඇල්ල~
බුලත්කොහුපිටිය - දේදුගල මාර්ගයේ 8km පමණ ගමන් කරන විට වම් පසින් රිකිලි ඇල්ල දැක ගත හැකියි.75m-80m පමණ උසින් යුත් මෙම ඇල්ලද මාර්ගයේ සිටම නැරඹිය හැකියි.
~රුක්මල් ඇල්ල~
බුලත්කොහුපිටිය නගරයේ සිට දේදුගල,පැලම්පිටිය මාර්ගයේ 20km පමණ දුරක් ගිය විට මාර්ගයේ වම් පසින් මෙම දියඇල්ල පිහිටා ඇති අතර ප්‍රධාන මාර්ගයේ සිට නැරඹිය හැකියි. උසින් 20m පමණ වන මෙම දිය ඇල්ල තද වර්ෂා කාලයේදී මාර්ගයේ ගමන් ගන්නා අය නහවමින් ඇදහැලේ. මෙම දියඇල්ල රුක්මල් කඩාහැලෙන තරම් සුන්දරත්වයක් ගන්නා බැවින් එනමින් හැදින්වෙන බව පැවසේ..
~නලගන ඇල්ල~
බුලත්කොහුපිටිය නගරයේ සිට දේදුගල,පැලම්පිටිය මාර්ගයේ 20km පමණ දුරක් ගිය විට නලගන ඇල්ලේ නාමපුවරුව දැකිය හැක. එතැනින් හැරී පාරේ ගමන් කර නැවත වම්පසට වූ මාර්ගයේ 150m පමණ යන විට දර්ශනීය වූ මෙම දියඇල්ල දිස්වේ. උසින් 20m පමණ වන මෙම දියඇල්ල කාන්තාවකගේ වරලසක් ලෙසින් ඇදහැලෙනා බැවින් නලගන ඇල්ල ලෙසින් හැදින්වෙන බව පැවසේ..
ස්වභාවික සුන්දරත්වයෙන් අනූන මෙම පරිසරයට රැගෙන යන ආගන්තුක ද්‍රව්‍ය දමා අපවිත්‍ර නොකර,සුන්දර මතකයන්,සේයාරූ හා අත්දැකීම් හැර රැගෙන යන සියල්ල මේ භූමියෙන් රැගෙන ඒම සොබාදහමට ආදරය කරන අප සැමගේ වගකීමකි.