26/01/2024
عرفتو شباب رجعت تفرجت في ملخصات مباريات 3 ديال المنتخب جنوب افريقيا في دور المجموعات كتشفت بلي مدرب البلجيكي هوغو بروس معندوش نظام استراتيجي واحد كيلعب بيه، كل ماتش كيفكر فيه على حدى ، مثلن ماتش الأول مع منتخب المالي ، لعب بنظام 4/4/2 مسطحة في ملعب وفي الضغط كانت كتحول إلى 3/4/3 كانو 3 لاعبين كيضغو في مربع عمليات مالي بيرسي تاو و زواني و إيفيدنس ماكجوبا مهاجم اورلاندو بيراتس ، وكانت مساندة قوية من الاظهرة خولیسو مودا ظهير الأيمن وأوبري موديبا الظهير الأيسر لي كانو كيلعبو عرضيات مزيانة المهاجمين.
في ماتش ناميبيا لعب ب 4/2/2/2 نفس الاسماء لي بدات مباراة مالي لكن غير استراتجية إنتشار في الملعب بهد الأسماء في تحولات هجومية كانت تتحول إلى 2/4/3 دائما ما كان دخول تاو لعمق ديال ملعب هو مورينا لكن كان تسديد من العمق هوغو بروس اعتمد على العمق بزاف في هذ الماتش .
فس ماتش تونس غير استراتجية لعب لعب ب 4/2/3/1 وكانت في إنتشار في ملعب كتحول إلى 4/1/4/1 عكس مباراة ناميبيا في تونس عتمد على الأطراف بشكل كثير بزاف خلى كرة لتونس لكن كيان يلعب على مرتدات في فكر ديالو كان ضمن التأهل وكان لاعب على نقطة واحدة كانت كافية باش يتأهل إلى الدور 16.لعيب لي عندنا هو الاظهرة سواء حكيمي ولا عطية الله كيخصهم يضعفو من الواجبات الدفاعية كثيرة غدي تكون مسؤولية كبيرة عليهم حتى لاعبين الوسط كيف ما قالت من قبل هوغو بروس معندوش أسلوب لاعب واضح هذاما يميز المنتخب جنوب افريقيا هو ان تشنيط الهجومي كيعتمد عبى بناء من المدافعين واهم شيء هوما الاظهرة لي كلنا تنعرفوهم كنعرفو الخطورة ديالهم على مستوى التنشيط الهجومي .
سفيان مرابط عندو مسؤولية كبيرة عليه في التغطية بخصوص على جهة حيكمي لي كيصعد بزاف المساندة الهجومية مرابط عليه فرض مراقبة لاصيقة على خولیسو موداو ظهير الأيمن وخص التحضير "فرديا" له بمشاهدة كل ما يخصه .. لأن المواجهة ستكون صعبة.
أهم ميزة عندهم بدنيا واقفين مزيان ، في مرتدات منتخب خطير نقدر نقول ليكم نفس الأسلوب صنداونز في المرتدات والبناء على الأطراف
جنوب أفريقيا يمكن تواجهنا 5 مرات جنوب افريقيا انتصرت علينا ثلاث مرات، بينما انتصرنا مرتين فقط !
أكثر حاجة خايف منها هيا العمق الملعب والله، حيقاش الدراري عندنا كينساو راسهم مني كرة تكون عند الخصم كيضغطوش كيخلويهم بكل اريحة في تسديد على بونو ، وثاني تخوف كرة خلف مدافعين منتخب الكونغولي بين واحد الضعف كبير في ماتش معاهم لي اي مدرب مبتدئ أول حاجة غدي يعتمد عليها ضددنا
سؤال واش الركراكي غدي يعتمد على نفس الأسلوب اللعب السابق أو غدي يغير ،حيقاش في نظري مباراة جنوب افريقيا ماشي كباقي مباريات.
#منقول
