Chehiwat Ilham Bady

07/04/2026

لكل بداية نهاية ولكل نهاية بداية،ولكل مجتهد نصيب فلا تقنطو من رحمة الله،سبحان الله والحمد لله ولا إله إلا الله والله أكبر ولاحول ولا قوة إلا بالله
👍😊

30/03/2026

السلام عليكم مقادير البيتزا بدون دقيق أبيض،المقادير والطريقة:😊200غ قمح الفينو+100غ القمح الكامل+10غ خميرة الخبز+10غ سكر+10غ ملح+شوية زعيترة أو زعتر+زيت الزيتون،تعجن المقادير جيدا،تكون العجين مرخوفة باش تجي البيتزا رطبةوفي الأخير نضيفو ليها الزيت حتى تشربو العحين،نخليوها تخمر 3 مرات أو أكتر فكل مرة ضغطو عليها وخرجو منها الهواء هاكا كتعطي النتيجة زوينة،المرة الأخيرة سرحوها ورشو قمح الفينو،وديرو صوص طوماط+الحشوة كتبقى حسب الرغبة+الفرماج درت مودزريلا 250غ باش تجيني معلكة+دخلوها الفرن مسخن من قبل على أعلى درجة باش ماتقصاحش ليكم في طياب وردو لبال راه دغيا كتوجد👍😋،بالنسبة الفرن عندي ديال الرخامة دخلتها طيب الفوق وهبطتها لتحت درت ليها الفرماج من الفوق وعاودت دخلتها الفرن غير ذاب الفرماج خرجتها،بالنسبة مقادير العجين ممكن ديرو العكس راه في كلتا الحالتين كتجي بنينة ورطبة😊

29/03/2026

بيتزا بدقيق القمح الكامل والفينو😋😊

24/03/2026

معلكة بالكوك والكاوكاو كتجي بنينة😋
كليو كاوكاو بلدي حمرتو شوية وطحنتو بقشورو+كأس ونصف سنيدة+كأس الزيت+ 2 خمارات الحلوة+قبصة ملح+رابعة صغيرة الكوك+6 بيضات،تطهى على طريقة البهلة وضروري تفندوها في سكر كلاصي سبيسيال،الفران يكون سخون من قبل،دغيا كطيب،مع المراقبة باش ماتقصاحش ليكم في طياب،ممكن ضيفو بودر كاكاو،أنا ماكنش متوفر عندي،عجين الحلوة تكون مرخوفة شوية والبيض زيدوه بالتدريج أنا درت 6 حيت صغير😊

20/03/2026

20/03/2026

السلام عليكم عيدكم مبارك سعيد أهله الله علينا وعليكم باليمن والبركات،جيت نشارك معاكم معلكة بالكاوكاو بلدي والكوك،ناجحة 100 ٪100 من أول تجربة😊،نسالي إن شاء الله ونكتب ليكم المقادير والطريقة وسكر كلاصي باش خدمت👍

06/03/2026

السلام عليكم مقادير وطريقة ميني حرشة هي نفسها إلي كتباع في المحلات،خديت الوصفة(من عند ناس مختصين في المجال هما إلي عطاوني المقادير والطريقة جزاهم الله كل خير)كتجي بنينة وهشيشة وخا تبات كتبقى رطبة،كيلو سميدة رقيقة+معلقة كبيرة ملح+نصف كأس عنبة سكر سنيدة+ربع كأس حليب نيدو بودرة+فاني+2 خمارات+كأس عنبة زيت وزبدة مذوبة(أنا خدمت بزبدة اللذة للتوريق)نخلطو المقادير جيدا حتى تتشرب الحرشة الزيت والزبدة تم نضيفو معلقة كبيرة خميرة الخبز مذوبة في الماء،ونخلط الكل بأطراف الأصابع بطريقة دائرية مع إضافة الماء تدريجيا حتى يصبح الكل متجانس،نخليو الخليط يرتاح نوجدو المقلة التقلية وندهنوها بالزيت،نخدمو الحرشة على شكل كويرات،ندوزوهم في سميدة رقيقة مخلطة مع سنيدة ونحطوهم في سيركل القطر ديالو 8.5 هو إلي كنخدم بيه،نضغطو على الحرشة شوية نخليوها حتى تشد راسها ونبقاو نقلبوها كل شوية حتى تحمر من الجهتين،ونقدموها بالصحة والراحة😊ثمن البيع 2 دراهم حتى 2.5 دراهم بغيتو تخدمو بالميزان غديرو في كل كرة 75غ حتى ثمن 80غ كتجي هي هاديك👍السر إلي كيخلي الحرشة تجي بنينة وتبقى رطبة هي الزبدة والحليب والخليط يكون مرخوف باش ملي طيب تبقى رطبة ماتكونش قاصحة😊

04/03/2026

السلام عليكم إن شاء الله نشارك معاكم مقادير وطريقة ميني حرشة بدون دقيق كتجي بنينة ورطبة😊،مع ذكر ثمن البيع وقطر سيركل إلي كنخدم بيه👍

02/03/2026

بسم الله توكلت على الله ولا حول ولا قوة الله إلا بالله🤲
ملوي مورق بزبدة اللذة خاصة للتوريق هي إلي كنخدم بيها كتجي بنينة😊 الوزن 100غ في كرة المسمن ثمن البيع 3 دراهم معجون بالدقيق النوعية الجيدة وقمح الفينو👍

01/03/2026

اللهم يسر يارب🤲😊
مسمن معمر بحشوة كتشهي والأهم كتجي بنينة:فيها الطون النوعية الجيدة+بصلة مشلضة ومشحرة مع فلفلة ألوان+التوابل ملح إبزار تحميرة كمون شوية كركم مطحون شوية زنجبيل+صوص صوجا تقلية+عصير الحامض وإلى متوفرة عندكم هريسة ديروها+الشعرية الصينية ديال الأرز+الزيتون أخضر مقطع+قزبر مطحون+فرماج،وزن المسمن 40غ حتى 45غ ثمن البيع من 6 دراهم حتى 7 دراهم،بالصحة والراحة👍

26/02/2026

اللهم يسر أمري وأمر جميع المسلمين🤲ليوم سوق الخميس جماعة أسكاون إقليم تارودانت
بطبوط متوسط عبار 120غ ثمن البيع 2 دراهم معجون بالدقيق النوعية الممتازة وبقمح الفينو😊

19/02/2026

رمضان مبارك كريم😊