26/05/2024
خوذ مني هاد النصيحة للي ماغادي تسمعها عند حتى شي واحد
راه والله وخا تكون خدمتك واقفة على الصح و تعيا تزوق وتقن فالخدمة ديالك الى مكانوش فيك جوج حوايج غايبقى الزبون إشوفك ناقص وماغاديش تزيد للقدام .
*الحاجة اللولة هي النظافة خاص دائما تخلي مكان العمل ديالك نظيف ونقي, وحيد ديك الفكرة ديال نخلي النظافة حتى الأخير عاد ننقي الشانطي دقة وحدة هذا خطأ خاصك تخلي بلاصتك نقية من البدية حتى النهايه وماتخلي حتى شي نقطة صباغة تبقى فالأرض وخلي الدوزان مجموع مرتب فشي زاوية وتجنب التشتيت والعشوئية.
*الحاجة الثانية لي خاص تركز عليها هي الورق اللاصق لي خاصك تديرو فالملاقيات سواء فالبلينتا ولا الكوادر ديال الخشب والالمنيوم ولا الملاقية بين الحيط والسقف السكوتش كايبين انك حرفي محترف وحيد ديك الفكرة ديال لي تقاست ندوز عليها شيفون ، دير السكوتش 🫡
