АрхиПростор

17/11/2025

08/04/2025

Иако доследноста во бои и материјали низ целиот простор е нешто кон што ние тежнееме во сите проекти, сепак овде природно дојде оваа канцеларија да биде поразлична од остатокот од ентериерот. Просторија во која може да се одржуваат состаноци со соработници и потенцијални клиенти и инспиративно место за поставување на нови цели 🎯

06/04/2025

Деловен простор за транспортна компанија | Проект кој го сработивме со неверојатна леснотија, а на наше огромно задоволство првичното решение беше веднаш прифатено од инвеститорот и веќе се реализира.

На 3д приказите е претставена просторија со повеќе работни единици, смирен дизајн за работна атмосфера, а акцентот е ставен на ѕидот со тапета - технички цртеж од карго брод кој ја претставува дејноста на компанијата.

Кујната во овој деловен простор не ја криеме, напротив таа е дел од ентериерот и преку неа ја истакнуваме отвореноста на компанијата и нејзината индивидуалност.

Во следен пост ќе ви ја претставиме и канцеларијата наменета за управителот на компанијата.

27/02/2025

Стилско и персонализирано решение, врата од метал во комбинација со стакло, како преграда помеѓу влезен дел и кујна која и во отворена и во затворена варијанта го прави овој простор посебен.

25/02/2025

Како да поставите плакар (речиси) во дневна соба, со доволно простор за складирање, а тоа да не изгледа наметливо и да го оплеменува целиот простор? Вака👇

23/02/2025

Со задоволство ви го презентираме овој преубав минималистички ентериер чие проектирање одеше со неверојатна леснотија.

Станува збор за стан за клиент со јасно дефинирани желби во однос на просторот и стил на уредување кој дефинитивно може да го наречеме безвременски.
Благодарение на добрата комуникација архитект - клиент идејното решение беше прифатено веднаш, а поради големото внимание на детали од наша страна не очекуваме измени при реализацијата која следува. (дел 1)

09/02/2025

Станбена единица со површина од 100м2 наменета за живеење на трочлено семејство. Проектната задача беше целосно уредување на станот, а желба на клиентите беше елегантен и функционален простор со впечатлив и современ изглед. Одбраната палета на бои е суптилна и софистицирана, основа од кремасти тонови која во комбинација на антрацит и дрво декор придонесува за разиграност на целиот ентериер.

15/01/2025

Проектиран за млад човек со карактер, овој простор ја поттикнува индивидуалноста, негувајќи ги навиките на корисникот.
Овој ентериер ја слави уметноста, оставајќи простор за постоечки и идни уметнички дела, избор на корисникот.

30/12/2024

03/09/2024

Проект на кој работевме со месеци и сме неверојатни горди на крајниот резултат.
Им благодариме на сите соработници кои беа целосно посветени нашата визија да стане реалност и на инвеститорите за целосната доверба кои патем беа максимално вклучени во целиот процес.
Ве покануваме да го посетите во Џевахир Мол и да уживате во ентериерот и италијанската кујна ✨