02/06/2024
Mai
ဘဝမှာ အချစ်ဆိုတာဘာလဲမသိခဲ့တဲ့ သူတစ်ယောက်
အချစ်ဆိုတာဘာမှန်းမသိပဲ ချစ်ရမှာကိုကြောက်နေတဲ့သူတစ်ယောက်
သူ့ဖအေရဲ့ ငွေမက်မောမှုကြောင့် ဘဝမှာ ခက်ခက်ခဲခဲရုန်းကန်ရပြီး
Singal Mom တစ်ယောက်အနေနဲ့ သမီးလေးအပေါ် တတ်နိုင်တာထက်ပိုပြီး ကြိုးစားခဲ့သူတစ်ယောက်
နေ့နေ့ညည မပင်မပန်းအလုပ်တွေကြိုးစားပြီး
ဘဝမှာ ပျော်စရာတွေကို စတေးထားသူတစ်ယောက်
မင်းသားနဲ့တွေ့ပြီးနောက်မှာ စိတ်ညစ်စရာတွေ ခဏတာပြေပျောက်ခဲ့ပြီး ပျော်ရွှင်နိုင်ခဲ့တယ် ဒါပေမယ့်ချစ်ရမှာကိုကြောက်နေတုန်းပါပဲ
Doon
မိခင်ရဲ့ ပိုးမွေးသလိုမွေးခံခဲ့ရတဲ့ လိုလေသေးမရှိပြည့်စုံတဲ့ လူငယ်တစ်ယောက်
အချစ်ဆိုတာကို ဘာမှန်းမသိတဲ့သူတစ်ယောက် မိန်းမတကာနဲ့ ပျော်မွေ့နေသူ ဆိုးချင်တိုင်းဆိုး အလုပ်လုပ်တယ်ရယ်မရှိ ပေါ့ပေါ့တန်တန် နေထိုင်ခဲ့တဲ့ လူငယ်တစ်ယောက်
စိတ်ညစ်စရာရယ်မရှိ ပူပန်ကြောင့်ကြမှုကင်းစွာ လွတ်လပ်ပျော်ပါးစွာနေတဲ့ လူငယ်တစ်ယောက်
မင်းသမီးကိုတောင် လောင်းကြေးနဲ့လိုက်ခဲ့တဲ့သူ
ဒါပေမယ့် တကယ်ချစ်သွားတော့လေ
အရာရာပြောင်းလဲခဲ့တယ် မင်းသမီးကြုံလာသမျှ အခက်အခဲတွေကို ထွက်မပြေးပဲ ရှေ့ကနေကာကွယ်ပြီး မင်းသမီးဘက်ကရပ်တည်ခဲ့တယ်
ဘာမဆို စွန့်လွှတ်ပြီး မင်းသမီးကိုရွေးချယ်ခဲ့တယ် ပိုးမွေးသလိုမွေးခံရတဲ့ ဘာမဆိုပြည့်စုံနေတဲ့ဘဝကနေ မင်းသမီးအတွက် ကြိုးစားပြီးအလုပ်လုပ်ခဲ့တယ်
တစ်ယောက်အတွက် တစ်ယောက်က Right Person ဖြစ်ခဲ့ပေမယ့်
နှစ်ယောက်လုံးအတွက်ကတော့ Wrong Time ဖြစ်ခဲ့တယ်
နှစ်ယောက်ပေါင်းစည်းဖို့အတွက် အရမ်းခက်ခဲတယ်ဆိုတာထက်ကို ပိုခဲ့တယ်
စွန့်လွှတ်မှရမယ့် Relationship တစ်ခုကို ရင်နာနာနဲ့ စွန့်လွှတ်ခဲ့ကြတယ်
ဒါပေမယ့် ချစ်ခဲ့မိတာကို နောင်တမရခဲ့ကြဘူး
ဘယ်လောက်ထိချစ်ခဲ့တယ် ဘယ်လောက်ထိနာကျင်ခဲ့တယ်ဆိုတာ နှစ်တွေကြာလို့ ပြန်တွေ့တဲ့အခါ မျက်လုံးတွေကတောင် စကားပြောတယ်
ဒါပေမယ့် Right Person Right Time မဖြစ်ခဲ့တာကြောင့် ကိုယ်ဆက်လျှောက်ရမယ့် ဘဝခရီးလမ်းကိုယ်စီ ဆက်လျှောက်ခဲ့ကြရတာပါပဲ
မင်းသမီးကတော့ ပြီးပြည့်စုံတဲ့ စီးပွားရေးသမားတစ်ယောက် ဖြစ်အောင်ကြိုးစားခဲ့တယ်
မင်းသားကတော့ သာယာပျော်ရွှင်တဲ့ မိသားစုဘဝလေးတစ်ခုထူထောင်ခဲ့တယ်
လွမ်းလွန်းလို့ ဘယ်သူမှသေသွားကြတယ်ဆိုတာ မရှိဘူးလေ
ဘဝမှာလေ Right Person Right Time ဖြစ်ဖို့က တကယ်ကိုအရေးကြီးတာ
Right Person Wrong Time ဖြစ်ရင်တော့ နာကျင်စရာဇာတ်သိမ်းလေးပေါ့
နောက်ဆုံးတော့ မင်းသားတို့မိသားစုက ပျော်နေပြီး မင်းသမီးကတော့ ကားမှန်လေးတင်ပြီး ငိုချလိုက်တယ်
သူတစ်ယောက်ထဲတော့မဟုတ်ဘူး တို့တွေရောပါတယ် နောက်ခန်းလေးထဲမှာ ပြုံငိုနေကြတာလေ🤧
