What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 16:00

https://www.facebook.com/661336190661090/

SUNNY Painting & Home Decoration, lutlatyay Street, Thingangyun (2026)

17/04/2026

နှစ်ဆန်းတစ်ရက်နေ့ဆုတောင်း

ယနေ့မြန်မာသက္ကရာဇ်(၁၃၈၈)ခုနှစ်
နှစ်ဆန်းတစ်ရက်နေ့မှစတင်ပြီး၊မြန်မာနိုင်ငံအတွင်းမှီတင်းနေထိုင်ကြသော နိုင်ငံသူ၊နိုင်ငံသားအပေါင်းဘေးဘယာတွေကင်းဝေး၍၊နှစ်သစ်မှာစိတ်ချမ်းသာ၍ ကိုယ်ကျန်းမာခြင်းများနှင့်ပြည့်စုံပြီးလိုအင်ဆန္ဒအလုံးစုံပြည့်၀ပါစေ လို့ SUNNY Painting & Home Decoration အဖွဲ့မှနှစ်သစ်ဆုမွန်ကောင်းဆုတောင်းပေးပါသည်၊၊

Painting & Home Decoration
#မျက်နှာကျက်အလှဆင်
#ဆေးသုတ်
#လျှပ်စစ်မီးတပ်ဆင်သွယ်တန်းခြင်း
#အခန်းဖွဲ့ပေးခြင်း
ဖြင့်အလှဆင်ပေးခြင်း

11/04/2026

9mile project

SUNNY Painting & Home Decoration အဖွဲ့မှတာ၀န်ယူ၍မရမ်းကုန်းမြို့နယ် ၊(၅)ရပ်ကွက်၊ဝိဇ္ဇာလမ်းမပေါ်ရှိ နေအိမ်အကျယ် 35'×45အရှည်ကို အိမ်တွင်းအလှဆင်လုပ်ငန်းပိုင်းကိုပစ္စည်း+လက်ခ 150သိန်းကျပ်တိတိလက်ခံဆောင်ရွက်ပေးနေခြင်းဖြစ်ပါသည်။

25/03/2026

SUNNY Painting & Home Decoration အဖွဲ့တာ၀န်ယူ၍‌‌ေမြာက်ဒဂုံ 33ရပ်ကွက် ၊ကံ့ကော်မြိုင် 2လမ်း အိမ်အမှတ် (96)/ 6ထပ်တိုက်အိမ်အပြင်ဘက်ခြမ်းအား‌ေဆးသုတ်အလှဆင်ဆောင်ရွက်ပေးနေသောလုပ်ငန်းဖြစ်ပါတရ်

17/11/2025

Fix All putty မိတ်ဆက်ပွဲအခမ်းအနားသို့တက်ရောက်ခြင်းအမှတ်တရ

18/09/2025

#လိုက်ဖက်မယ့်ဆေးအရောင်ကိုဘယ်လိုရွေးချယ်မလဲ..❓

အိမ်ရှင်တွေအတွက် လိုက်ဖက်မယ့် ဆေးအရောင်ရွေးချယ်ရာမှာ အောက်ပါအချက်တွေကို ထည့်သွင်းစဉ်းစားလို့ရအောင် ဖော်ပြပေးလိုက်ပါတယ်ခင်မျာ

၁။ အိမ်၏ အသုံးပြုမှုနှင့် လူနေမှုပုံစံ

ဧည့်ခန်း/ထမင်းစားခန်း အတွက်ဆိုလျင် နွေးထွေးသော အရောင်များကိုရွေးချယ်ပါ (ဥပမာ - လိမ္မော်နုစပ်စပ်၊ အဝါနုစပ်စပ်) သို့မဟုတ် သဘာဝနှင့်လိုက်ဖက်သော အစိမ်းနု/အပြာနုတို့ကို ရွေးချယ်နိုင်ပါသည်။

အိပ်ခန်းအတွက် စိတ်ငြိမ်စေသော အရောင်များ (ဥပမာ - ပန်းနုရောင်၊ အပြာနုရောင်၊ မီးခိုးနုရောင်)။
မီးဖိုချောင်အတွက် သန့်ရှင်းမှုကိုဖော်ပြသော အဖြူရောင်၊ ခရမ်းနုရောင် သို့မဟုတ် သစ်သားအရောင်များကိုရွေးပါ။

၂။ အလင်းရောင်

သဘာဝအလင်းရောင်များသောအခန်းအတွက်ဆိုလျင် အေးမြသော အရောင်များကိုရွေးချယ်ပါ (ဥပမာ - အပြာ၊ အစိမ်း)။
အလင်းနည်းသော အခန်းများအတွက် နွေးထွေးသော အရောင်များ (ဥပမာ - နှင်းဆီ၊ လိမ္မော်နု)များရွေးနိုင်ပါသည်။

၃။ အခန်း၏ အရွယ်အစား

သေးငယ်သော အခန်းများအတွက် အဖြူရောင်၊ နုရောင်များက အခန်းကိုကျယ်ပြန့်သယောင် ခံစားရစေပါသည်။
ကျယ်ဝန်းသောအခန်းအတွက် ရဲရင့်သော အရောင်များ (ဥပမာ - အနက်နု၊ မက်ရွန်းရောင်) များရွေးချယ်လို့ရပါသည်

၄။ အိမ်တွင်းပရိဘောဂများနှင့် လိုက်ဖက်မှု

သင်၏ ပရိဘောဂ၊ ကြမ်းခင်း၊ ကုလားကာတို့နှင့် လိုက်ဖက်သော အရောင်များကို ရွေးချယ်ပါ။
ဥပမာ သစ်သားအရောင်ပရိဘောဂများအတွက် ကြမ်းတမ်းသောအရောင်များ (ဥပမာ - အညိုနု၊ မီးခိုးရောင်)။

၅။ စိတ်ခံစားမှုနှင့် လိုက်ဖက်မှု

စိတ်လန်းဆန်းစေလိုလျင် အဝါ၊ လိမ္မော်နု။
အေးဆေးတည်ငြိမ်စေလိုလျင် အပြာ၊ အစိမ်း။
ခေတ်မီသောအသွင်လိုလျင် မီးခိုးရောင်၊ အနက်နုကိုရွေးချယ်ပါ။

၆။ အကြံပြုချက်

အရောင်ရွေးချယ်မှုမပြုလုပ်မီ ဆေးနမူနာများ(Sample) ကိုအရင်စမ်းသုတ်ကြည့်ပါ။
အရောင်များကို တစ်ထပ်တည်းမဟုတ်ဘဲ အနုအရင့် အသုံးပြုပါ (ဥပမာ - နံရံအရောင်နုပြီး ပရိဘောဂအရောင်ရင့်)။

အရောင်ရွေးချယ်မှုသည် အိမ်ရှင်များစိတ်ကြိုက်ဖြစ်ရန် အလွန်အရေးကြီးပါသည်။ မိမိနှစ်သက်သောအရောင်များကို ရွေးချယ်ကာ အိမ်ရှင်များကိုစိတ်ချမ်းသာစွာနေထိုင်နိုင်စေရန် SUNNYPainting & Home Decoration မှ အကောင်းဆုံးဝန်ဆောင်မှု့ပေးနေပါသည်ခင်မျာ ...🥰🥰🥰

🏠SUNNY Painting & Home Decoration
Contact:☎️-09-450025226(vb)/09-964525226

# SUNNY Painting & Home Decoration

16/09/2025

#🏘️အခန်းပြင်ဆင်တဲ့အခါမှာဒီအမှားလေးတွေကိုသတိထားပါ🏠

အခန်းတစ်ခန်းကို နေထိုင်ဖို့ပြင်ဆင်တော့မယ်ဆိုရင် ဒီအမှားလေးတွေကိုဖြစ်လေ့ဖြစ်ထရှိတာမလို့ သတိထားဖို့လိုအပ်ပါတယ်။ အခန်းပြင်ဆင်တာဟာ အခန်းလွတ်တစ်ခုကို ကိုယ့်ရဲ့မိသားစုအိမ်အနေနဲ့ ပြောင်းလဲခြင်းပဲဖြစ်ပါတယ်။ တချို့အမှားလေးတွေဟာ အစမှာမသိသာဘူးဆိုပေမယ့် နောက်ဆုံးလက်စသတ်ရတော့မယ် အဆင့်ရောက်မှ မဖြစ်သင့်တဲ့ ပြဿနာလေးတွေပေါ်လာတတ်ပါတယ်။ ဒီလိုပြဿနာတွေကနေ ကင်းဝေးအာင်နဲ့ အိမ်ခန်းပြင်ဆင်တော့မယ်ဆိုရင် ဒီအချက်လေးတွေကို အရင်ဂရုစိုက်ပါ။

၁။ Budget 💰ကြိုတင်မချထားခြင်း
အိမ်ခန်းပြင်တဲ့အခါမှာ အများဆုံးကြုံတွေ့ရတတ်တဲ့ပြဿနာက ကုန်ကျစရိတ် ကြိုတင်တွက်ချက်မထားဘဲ တဖြည်းဖြည်းနဲ့မှ အကုန်အကျအရမ်းများနေတာကို သတိထားမိလာတာပဲဖြစ်ပါတယ်။ ဒါတွေက အရည်အသွေး ကောင်းတာသုံးရမယ့်နေရာတွေမှာ ပစ္စည်းကောင်းမသုံးရဘဲ မလိုအပ်တဲ့နေရာတွေမှာ ငွေတွေအများကြီးသုံးမိထားတာမျိုးကို ကြုံတွေ့ရတတ်ပါတယ်။
အကောင်းဆုံးဖြေရှင်းနည်းကတော့ ပြင်ဆင်စရိတ်အတွက် သုံးမယ့်ငွေပမာဏကိုသတ်မှတ်ပါ။ မီးဖိုချောင်၊ ဧည့်ခန်း၊ အိပ်ခန်းစသဖြင့် နေရာတစ်ခုချင်းစီအတွက် ကုန်ကျစရိတ်တွက်ချက်ပြီး budget သေသေချာချာ သတ်မှတ်ပါ။ Budget သတ်မှတ်တဲ့အခါမှာလည်း personalize ဖြစ်ဖို့လိုပါတယ်။
အရေးအကြီးဆုံးအနေနဲ့ budget ရဲ့ 10% - 15% ကို အရေးပေါ်ဖြစ်လာနိုင်တဲ့ ကုန်ကျစရိတ်တွေအတွက် ဖယ်ထားဖို့လိုအပ်ပါတယ်။

၂။ စီမံကိန်းတစ်ခုလုံးကို စနစ်တကျ မစီစဉ်ထားခြင်း
Floor Plan နဲ့ ဒီဇိုင်းစဥ်းစားပြီး ဆုံးဖြတ်ချက်ချတဲ့အခါမှာ ဧည်ခန်းပြီးမှ မီးဖိုချောင် စသဖြင့် တစ်နေရာပြီးမှ တစ်နေရာကို ချတတ်ကြပါတယ်။ ဒါကြောင့် နေရာတွေ ညီညွတ်မှုမရှိတာ၊ စတိုင်တွေ မကိုက်ညီတာတွေ ဖြစ်လာပြီး နောက်ဆုံးမှာ ရလဒ်တစ်ခုလုံးကို ထိခိုက်စေပါတယ်။ ဒါဟာ လျှပ်စစ်နဲ့ ရေပိုက်လိုင်း စတဲ့ အခြေခံအဆောက်အအုံနဲ့ ပတ်သက်တဲ့ အလုပ်တွေမှာ အထူးသဖြင့် ပြဿနာဖြစ်စေပါတယ်။ ဒီလိုအလုပ်တွေကို စီစဉ်မထားရင် နောက်ပိုင်းမှာ အခက်အခဲတွေ ကြုံရနိုင်ပါတယ်။
ဖြေရှင်းနည်း -
စနစ်တကျ ဒီဇိုင်းစီမံကိန်း ရေးဆွဲပါ - စတင်မယ့်အချိန်မှာ ဒီဇိုင်နာနဲ့အတူ စတိုင်တွေ၊ အရောင်အသွေးတွေ၊ နေရာခွဲဝေမှုတွေကို ခြုံငုံပြီး စီမံကိန်းတစ်ခုလုံး ရေးဆွဲပါ။ ဒါမှ အိမ်တစ်ခုလုံးမှာ ညီညွတ်မှုရှိမှာပါ။
လျှပ်စစ်နဲ့ ရေပိုက်လိုင်းကို ကြိုတင်စီစဉ်ပါ - အထူးသဖြင့် မီးဖိုချောင်၊ ရေချိုးခန်းလို နေရာတွေမှာ လိုအပ်ချက်တွေနဲ့ ကိုက်ညီအောင် စီစဉ်ပါ။ ဒါမှ ပလပ်မလောက်တာ၊ ရေပိုက်လိုင်းတွေ မှားယွင်းတာတွေ မဖြစ်မှာပါ။

၃။ ပစ္စည်းရွေးချယ်ရာမှာ ခေတ်ရေစီးကြောင်းကို မျက်စိမှိတ်လိုက်နာခြင်း
လူတွေဟာ ခေတ်ရေစီးကြောင်းတွေ၊ ကြော်ငြာတွေကို လိုက်ပြီး ပစ္စည်းတွေ ရွေးချယ်တတ်ကြပါတယ်။ ဒါပေမယ့် လက်တွေ့လိုအပ်ချက်တွေနဲ့ အိမ်နဲ့ ကိုက်ညီမှုတွေကို လျစ်လျူရှုမိတတ်ပါတယ်။ ဒါကြောင့် မသင့်တော်တဲ့ ပစ္စည်းတွေ ရွေးမိတာ၊ ဘတ်ဂျက်ထက်ကျော်တာ၊ နောက်ပိုင်းမှာ အရည်အသွေးပြဿနာတွေ ကြုံရတာတွေ ဖြစ်တတ်ပါတယ်။
ဖြေရှင်းနည်း -
လက်တွေ့လိုအပ်ချက်ကို အခြေခံပြီး ပစ္စည်းရွေးချယ်ပါ - ဥပမာ ကြမ်းခင်းကို ရွေးတဲ့အခါ ရေစိုခံနိုင်တာ၊ ချော်မလဲတာ၊ ခံနိုင်ရည်ရှိတာတွေကို ဦးစားပေးရွေးပါ။ အထူးသဖြင့် မီးဖိုချောင်၊ ရေချိုးခန်းလို နေရာတွေမှာ ခေတ်ရေစီးကြောင်းကို လိုက်နာတာထက် လက်တွေ့အသုံးဝင်မှုကို ဦးစားပေးပါ။
အရည်အသွေးနဲ့ သဘာဝပတ်ဝန်းကျင်နဲ့ သင့်တော်တဲ့ ပစ္စည်းတွေကို ရွေးချယ်ပါ - အဆိပ်မရှိတဲ့ သုတ်ဆေး၊ ဖော်မလ်ဒီဟိုက်လျော့နည်းတဲ့ ကြမ်းခင်းတွေလို ဘေးကင်းပြီး သဘာဝပတ်ဝန်းကျင်နဲ့ သင့်တော်တဲ့ ပစ္စည်းတွေကို ရွေးချယ်ပါ။ ဒါမှ ကျန်းမာရေးကို ကာကွယ်နိုင်မှာပါ။

၄။ ပစ္စည်းသိုလှောင်စရာ နေရာကို လျစ်လျူရှုခြင်း
အလှအပကိုသာ အာရုံစိုက်ပြီး လက်တွေ့အသုံးဝင်တဲ့ ပစ္စည်းသိမ်းစည်းရာ နေရာတွေကို လျစ်လျူရှုမိတဲ့အခါ အချိန်ကြာလာတာနဲ့အမျှ ပစ္စည်းတွေ ပိုများလာပြီး အခန်းတွေကို ရှုပ်ထွေးစေပါတယ်။ ပစ္စည်းတွေနေရာတကျမရှိ၊ စနစ်မကျသလို ခံစားရစေပါတယ်။
ဖြေရှင်းနည်း -
သိုလှောင်နေရာကို စနစ်တကျ စီစဉ်ပါ - အခန်းတိုင်းမှာ ပစ္စည်းထားစရာနေရာ လိုအပ်ချက်ကို ထည့်သွင်းစဉ်းစားပါ။ ဥပမာ အိမ်တံခါးဝမှာ ဖိနပ်ဘီရိုတွေ၊ အိပ်ခန်းမှာ အပိုဘီဒိုတွေ စသဖြင့် နေရာအကျိုးရှိရှိ အသုံးချပါ။
အသုံးဝင်တဲ့ ပရိဘောဂတွေ ရွေးချယ်ပါ - သိမ်းစည်းရလွယ်ကူတဲ့ ပရိဘောဂတွေ ရွေးချယ်ပါ။ ဥပမာ အိပ်ရာ၊ ဆိုဖာတွေမှာ ပစ္စည်းသိုလှောင်စရာနေရာပါတဲ့ ပရိဘောဂတွေ ရွေးချယ်ပါ။ အထူးသဖြင့် အိမ်သေးသေးလေးတွေမှာ နေရာကိုအကျိုးရှိရှိ အသုံးချနိုင်ပါတယ်။

၅။ ဘေးကင်းရေးကို လျစ်လျူရှုခြင်း
အလှအပကို ဦးစားပေးတာ၊ ကုန်ကျစရိတ်ကို ချွေတာတဲ့အတွက် ဘေးကင်းရေးကို လျစ်လျူရှုမိတတ်ပါတယ်။ ဥပမာ ရေနဲ့ လျှပ်စစ်လုပ်ငန်းတွေကို စနစ်တကျမလုပ်တာ၊ အရည်အသွေးမပြည့်မီတဲ့ ပစ္စည်းတွေ အသုံးပြုတာတွေကြောင့် ရေယိုတာ၊ လျှပ်စစ်မီးတိုတာ၊ မီးလောင်တာတွေ ဖြစ်နိုင်ပါတယ်။
ဖြေရှင်းနည်း -
လျှပ်စစ်လုပ်ငန်းတွေကို စံချိန်စံညွှန်းနဲ့ ကိုက်ညီအောင် လုပ်ပါ - ရေနဲ့ လျှပ်စစ် အပိုင်းတွေကို တကယ်ကျွမ်းကျင်တဲ့တာ၀န်ယူမူ၊တာ၀န်ခံမူရှိတဲ့ Decoration သမားတွေနဲ့လုပ်ပါ။ အရည်အသွေးမြင့် ဝါယာကြိုးတွေ၊ ပိုက်တွေ၊ Socketတွေ အသုံးပြုပါ။ ရေချိုးခန်းနဲ့ မီးဖိုချောင်မှာ ပိုက်လိုင်းတွေကို စနစ်တကျ လုပ်ပါ။ ဒါမှ နောက်ပိုင်းမှာ ရေယိုတာတွေ မဖြစ်မှာပါ။
ဘေးကင်းတဲ့၊ လိုင်စင်ရတဲ့ ပစ္စည်းတွေကို ရွေးချယ်ပါ - ဘေးကင်းရေးစံချိန်စံညွှန်းတွေနဲ့ ကိုက်ညီတဲ့ ပစ္စည်းတွေကို ရွေးချယ်ပါ။ ဥပမာ မီးမလောင်နိုင်တဲ့ ပစ္စည်းတွေ၊ အဆိပ်မရှိတဲ့ ဆေးသုတ်ဆေးတွေ စသဖြင့် ရွေးချယ်ပါ။ ဒါမှ ကျန်းမာပြီး ဘေးကင်းတဲ့ နေထိုင်မှုပတ်ဝန်းကျင်ကို ဖန်တီးနိုင်မှာပါ။

အရေးအကြီးဆုံး သော့ချက်ကတော့ အသေးစိတ် ဂရုစိုက်ခြင်းပါပဲ။ ဒီအဖြစ်များတဲ့ အမှားတွေကို သတိထားလိုက်မယ်ဆိုရင် ဒီဇိုင်း၊ အသုံးဝင်မှုနဲ့ ဘတ်ဂျက်တွေကို ကိုယ့်စိတ်ကြိုက် ကိုက်ညီအောင် စီမံနိုင်မှာဖြစ်ပါတယ်။ ရေရှည်အတွက် သေချာစဉ်းစားပြီး၊ ပစ္စည်းရွေးချယ်မှုနဲ့ အရည်အသွေးကို အာရုံစိုက်မယ်ဆိုရင် လှပတဲ့အပြင် လက်တွေ့အသုံးဝင်တဲ့ အိမ်တစ်လုံးကို ဖန်တီးနိုင်မှာပါ။

& Home Decoration 🏠 လုပ်ငန်း ရဲ့ customer များ
ဗဟုသုတရစေရန်ရည်ရွယ်၍ပြန်လည်မျှဝေရခြင်း ဖြစ်ပါသည်ခင်မျာ ❤️🏠

📌 🏠လုပ်ငန်းအနည်းအများ အရှုံးအမြတ်ဆိုတဲ့ စီးပွားရေးစံမျီုးမထားပဲ မိ့မိ့တို့ကိုယုံကြည်မှု့နဲ့ အပ်နှံလာသမျှသော customerတစ်ယောက်စီတိုင်းရဲ့ ယုံကြည်လေးစားမှု့ကိုအစဉ်အမြဲတန်ဖိုးထားပြီး ဆောင်ရွက်ပေးလျက် ရှိပါတယ်ခင်မျာ
Contact ☎️- 09_450025226(vb)
09-964525226

SUNNY Painting & Home Decoration
#နေအိမ်အဆောက်အဦးဆေးသုတ်လုပ်ငန်း
#အခန်းပြင်တဲ့အခါသတိထားစရာများ

16/09/2025

Professional (ပရော်ဖက်ရှင်နယ်) ၏ အဓိပ္ပာယ်နှင့် အရေးပါမှု

၁။ အဓိပ္ပာယ်ဖွင့်ဆိုချက်Professional ဆိုသည်မှာ အတတ်ပညာ၊ ကျွမ်းကျင်မှုနှင့် စံနှုန်းမြင့်မားသော အလေ့အကျင့်များကို လိုက်နာကျင့်သုံးသူ (သို့) အလုပ်အကိုင်တစ်ခုတွင် ကျွမ်းကျင်စွာ ဆောင်ရွက်နိုင်သူဟု အဓိပ္ပာယ်ရပါတယ်

၂။ Professional ၏ အဓိက ဝိသေသလက္ခဏာများကတော့
•ကျွမ်းကျင်မှု (Expertise) : သက်ဆိုင်ရာနယ်ပယ်တွင် အသိပညာ၊ အတတ်ပညာနှင့် အတွေ့အကြုံများ ရှိခြင်း။
•တာဝန်ယူမှု (Accountability) : အလုပ်ကို စနစ်တကျလုပ်ကိုင်ပြီး အမှားအယွင်းများအတွက် တာဝန်ယူဝန်ခံခြင်း။
•စည်းကမ်းနှင့် ကျင့်ဝတ် (Ethics) : လုပ်ငန်းဆိုင်ရာ ကျင့်ဝတ်များကို လိုက်နာခြင်း (ဥပမာ - လျှို့ဝှက်ချက်များ ထိန်းသိမ်းခြင်း)။
•ဆက်ဆံရေး (Professionalism) : လုပ်ဖော်ကိုင်ဖက်များ၊ ဖောက်သည်များနှင့် ယဉ်ကျေးသိမ်မွေ့စွာ ဆက်ဆံခြင်း။

၃။ Professionalism ၏ အကျိုးကျေးဇူးများ
•ယုံကြည်စိတ်ချရမှု : လုပ်ငန်းခွင်နှင့် လူမှုအသိုင်းအဝိုင်းတွင် ဂုဏ်သိက္ခာရှိစေသည်။•အခွင့်အလမ်းများ : အောင်မြင်သော အလုပ်အကိုင်နှင့် ရာထူးတိုးမြှင့်မှုကို ဖန်တီးပေးနိုင်သည်။•အရည်အသွေး အာမခံချက် : အလုပ်ရလဒ်များ ပိုမိုကောင်းမွန်စေပြီး ယှဉ်ပြိုင်နိုင်စွမ်းကို မြှင့်တင်ပေးသည်။

၄။ Professional ဖြစ်အောင် ဘယ်လိုလုပ်မလဲ？•မိမိ၏ ပညာရပ်နယ်ပယ်ကို အဆက်မပြတ် လေ့လာပါ။
•အချိန်ကို ထိရောက်စွာ စီမံခန့်ခွဲပါ။
•အဖွဲ့အစည်းနှင့် လူမှုဆက်ဆံရေးစွမ်းရည်များ မြှင့်တင်ပါ။
•ကိုယ်ရည်ကိုယ်သွေး ဖွံ့ဖြိုးရေးကို အလေးထားပါ။

၅။ နိဂုံးProfessional ဆိုသည်မှာ အလုပ်တစ်ခုကို ကျွမ်းကျင်စွာ လုပ်ကိုင်နိုင်ခြင်းသာမက၊ စံနှုန်းမြင့်မားသော အပြုအမူနှင့် စည်းကမ်းများကို လိုက်နာသူဖြစ်သည်။ ဤအရည်အသွေးများသည် ဘဝတစ်လျှောက် အောင်မြင်မှုအတွက်အဓိကသော့ချက်ဖြစ်ပါသည်။

& Home Decoration

ဲ့အဓိပ္ပာယ်

09-450025226(vb)
09-964525226

15/09/2025

ရေစိုခံ၊ခြမစား၊မကြာခဏဆေးသုတ်စရာမလိုတဲ့Ecowoodလေးတွေပစ္စည်း+လက်ခအပြီးအစီးတပ်ဆင်ချင်တရ်ဆိုပါက SUNNY Painting & Home Decoration ကိုအခုဘဲဆက်သွယ်လိုက်တော့နော်
🏠အိမ်ခန်းနံရံန့ဲမျက်နှာကျက်‌ေတွကိုဆေးလဲမသုတ်ချင်ဘူး
🏠ကြွေပြားလဲမကပ်ချင်ဘူး
🏠 Luxury ဆန်ချင်တရ်
🏠ကျွန်းသစ်သုံးထားတရ်လို့လည်းထင်ချင်တရ်
🏠အိမ်အတွင်းဘက်နဲ့အပြင်ဘက်ခြမ်းပါရေစိုခံ၊ခြမစား၊နှစ်ကြာရှည်စွာခံတဲ့ECO wood wall panelတွေအသုံးပြုပြီးနံရံကပ်အလှဆင်ခြင်းနဲ့မျက်နှာကျက်designအလှဆင်ခြင်းအမျိုးမျိုးကိုSUNNY Painting & Home Decoration 🏠မှတာ၀န်ယူအလှဆင်ဆောင်ရွက်ပေးနေပါသည်။

09-450025226(vb)
09-964525226

🏢 No,6 လွတ်လပ်ရေးလမ်း၊သင်္ဃန်းကျွန်းမြို့နယ်၊ရန်ကုန်တိုင်း

design Decoration

04/09/2025

🏘️မျက်နှာကျက်တပေပတ်လည်ကို 5500ကျပ်မှစတင်၍ပစ္စည်း+လက်ခအပြီးအစီးအလှဆင်ဆောင်ရွက်လို့ရနေပါပြီနော်❤️
🏠နေအိမ်တခုရဲ့အလှကျက်သ‌ရေဆောင်နဲ့ခန်းနားထည်ဝါတင့်တယ်လှပမူအတွက်အရေးကြီးဆုံးသောအရာကမျက်နှာကျက်အလှဆင်ခြင်းလုပ်ငန်းကအဓိကပထမဦးစားပေးဘဲဖြစ်ပါတရ်

အခုလိုမျိုးခန်းနားထည်ဝါပြီးLuxuryဆန်ဆန်လက်ရာမြှောက်တဲ့Designအမျိုးမျိုးအလှဆင်ခြင်ပါက ပစ္စည်း+လက်ခ တပေပတ်လည်ကို 5500-7000ကျပ်နူန်းနဲ့အပြီးအစီးလက်ခံ‌ဆောင်ရွက်ပြီးအိမ်ရှင်စိတ်တိုင်းကျဆောင်ရွက်ပေးနေပါတရ်

interior Decoration နဲ့ Renovation ပိုင်းတွေမှာပစ္စည်းမှန်၊ဈေးမှန်ပြီး၊တာ၀န်ယူမူ၊တာ၀န်ခံမူအပြည့်ရှိပြီးစနစ်တကျနဲ့တိကျပြီးလက်ရာသေသပ်တဲ့ Decoration အဖွဲ့ကောင်းမျိုးကိုရှာဖွေနေတရ်ဆိုရင်
SUNNY Painting & Home Decoration ကိုအချိန်မဆွဲဘဲအမြန်ဆုံးဆက်သွယ်လိုက်တော့နော်

09-450025226(vb)
09-964525226

🏢 No,6 လွတ်လပ်ရေးလမ်း၊သင်္ဃန်းကျွန်းမြို့နယ်၊ရန်ကုန်တိုင်း

20/07/2025

Renovation project
ဆေးသုတ်အလှဆင်ပေးခြင်း
လျှပ်စစ်မီးတပ်ဆင်သွယ်တန်းခြင်း
ကြွေပြားခင်း၊ကပ်ပေးခြင်း
အလူမီနီယမ်အခန်းဖွဲ့ပေးခြင်း
လိပ်တံခါးတပ်ဆင်ပေးခြင်းစသည်တို့ကိုအိမ်ရှင်စိတ်တိုင်းကျ၀န်ဆောင်မူပေး၍အောင်မြင်စွာလုပ်ငန်းအပ်နှံနိူင်ခဲ့ပါသည်၊၊

14/06/2025

ဆေးသုတ်ချိန်
သတိထားသင့်တဲ့ အချက် 6 ချက်နှင့်
ပြင်ဆင်နည်းလေးများ 🌞

1 - Blisters
အသီးအသီးလေးတွေထတဲ့ Error ပါ။ စိုစွတ်တဲ့မျက်နှာပြင်/စိုထိုင်းစမြင့်တဲ့မျက်နှာပြင် တွေအပေါ် ဆေးသုတ်တဲ့အခါ ကြွတက်လာတာပါ။ ပထမ coat မခြောက်ခင် နောက်တစ် coat တင်လိုက်တဲ့အခါမျိုးမှာလည်း ဖြစ်တတ်ပါတယ်။ မျက်နှာပြင်ကို သန့်ရှင်းအောင်မလုပ်တဲ့အခါမျိုးမှာလည်း ဖြစ်တတ်ပါတယ်။
Undercoat ကောင်းကောင်းရွေးချယ်ခြင်း၊ အစိုဓာတ်ညီမျှမှုရှိအောင် Exhaust Fan တပ်ခြင်း၊ မျက်နှာပြင်ကိုသေခြာပြင်ဆင်ခြင်းနဲ့ နံရံယိုစိမ့်မှုမရှိအောင် သေချာစေခြင်းတို့ကသာ မှန်ကန်တဲ့နည်းလမ်းဖြစ်ပါတယ်ခင်ဗျာ…

2 - Chalking
ဆေးသားမကောင်းတဲ့အခါ အမှုန်လေးတွေထွက်ပါတယ်။ အရောင်နဲ့သက်တမ်းပေါ်မူတည်ပြီးတော့လည်း ဆေးပြယ်တတ်ပါတယ်။ ဆေးသားအရမ်းပါးတဲ့အခါမှာလည်း အမှုန်လေးတွေအဖြစ် လွင့်ပြယ်တတ်ပါတယ်။
ဦးစွာ အစက်အပြောက်နဲ့လွင့်ပြယ်နေတဲ့နေရာတွေကို ကော်ပတ်စားရပါမယ်။ ဆေးအသစ်တင်တဲ့အခါ တောက်တဲ့အရောင်တွေသုံးမယ်ဆိုရင်တော့ ဆေး quality ကောင်းကောင်းကို လုံလောက်အောင်အသုံးပြုခြင်းနဲ့ ကာကွယ်နိုင်ပါတယ်။

3 - Cracking
ကွဲအက်လာခြင်းအဓိကအကြောင်းအရင်းကတော့ ပထမတစ် Coat လုံးဝမခြောက်ခင် နောက်တစ် Coat တင်လိုက်ခြင်းကြောင့် အဖြစ်များပါတယ်။
မှန်ကန်တဲ့ Primer Coat ကို ကော်ပတ်စားပြီး၊ ပြန်တင်ပြီးမှ Quality မြင့်၊ ပျံ့နှံ့နှုန်းကောင်းတဲ့ နောက်တစ် Coat ထပ်တင်ရပါမယ်။

4 - Mold
မှိုတက်ခြင်းကတော့ လေဝင်လေထွက်မကောင်းခြင်း၊ နေရောင်လုံလောက်စွာမရရှိခြင်း၊ Quality နိမ့်တဲ့ ဆေးသား (Bacteria Shield) မပါဝင်တဲ့ ဆေးကိုအသုံးပြုတဲ့အခါတွေမှာ ဖြစ်ပေါ်တတ်ပါတယ်။
ရှာလကာရည်နဲ့ မှိုတွေကိုသတ်ရပါမယ်။ အစွန်းထင်းကာကွယ်တဲ့ Primer သုတ်ရပါမယ်။ ဆီဆေးကိုရှောင်ပြီး လေဝင်လေထွက်ကောင်းအောင် Exhaust Fan တပ်ဆက်ခြင်းအားနဲ့ အစိုဓာတ်ကိုထိန်းသိမ်းရပါမယ်။

5 - Peeling
ဖြစ်ရိုးဖြစ်စဉ် ဆေးကွာကျခြင်းကတော့ အောက်အလွှာနဲ့အပေါ်လွှာကြား ကပ်နိုင်စွမ်းလျော့နည်းခြင်း၊ အစိုဓာတ်မြင့်ခြင်း သို့မဟုတ် ဖုန်ထူသောနံရံပေါ်နောက်တစ် Coat သုတ်ခြင်းတို့ကြောင့် ဖြစ်တတ်ပါတယ်။
မျက်နှာပြင်ကို ချောမွေ့အောင်ကော်ပတ်စားပြီး၊ Sealer ကောင်းကောင်းပြန်တင်ပြီးမှ Quality မြင့်တဲ့ဆေးသားကို အသုံးပြုရပါမယ်။

6 - Wrinkling and Shrivelling
အတွန့်အတွန့်တွေဖြစ်တာဟာ ဆေးအထူကြီးသုတ်လိုက်ခြင်း၊ ပထမ Coat မခြောက်ခင် နောက်တစ် Coat တင်ခြင်း၊ Cure မဖြစ်ခင် မိုးပက်ခြင်း၊ စိုထိုင်းမှုမြင့်ခြင်းတို့ကြောင့် ဖြစ်ပေါ်တတ်ပါတယ်။
ရာသီဥတုနဲ့နေရာဒေသပေါ်မူတည်ပြီး ချင့်ချိန်နိုင်ရပါမယ်။

ဒီလို Painting ပြဿနာတွေကတော့ ကျွမ်းကျင်သူမကိုင်တွယ်တဲ့အခါမှာဖြစ်တတ်တာမျိုးတွေပါ။ အမှန်တကယ်ကျွမ်းကျင်တဲ့ ဆေးသုတ်ဝန်ဆောင်သူတွေနဲ့ဆိုရင်တော့ ကိုယ်သုတ်မယ့်ဆေးရဲ့အကြောင်းတွေ၊ အခြေအနေပေါ်လိုက်ပြီး လုပ်ဆောင်တတ်တာတွေကပဲ Profession နဲ့ ဆေးလက်ရာမှာ သိသာစေမှာပဲဖြစ်ပါတယ်

🏠2. Local ဆေးသုတ်နည်းစနစ် ( အိမ်ရှင်များအတွက် )
****************************************************

✅အကောင်းဆုံး အိမ်သုတ်ဆေးကို ရွေးချယ်နိုင်ဖို့ ဆေးသုတ်နည်းစနစ်ကို သိဖို့လိုပါတယ်။ ဆေးသုတ်နည်းစနစ်တွေ အများကြီးရှိပါတယ်။

**အသုံးများတဲ့ ဆေးသုတ်နည်းစနစ်တွေကတော့

၁.နိုင်ငံတကာမှာ ကျင့်သုံးတဲ့ ဆေးသုတ်နည်းစနစ် နှင့်
၂. Local ( မြန်မာ ) မှာ အသုံးပြုကြသည့် ဆေးသုတ်နည်းစနစ် တို့ဖြစ်ပါတယ်။

✅အင်တာနက်တွေမှာ ဆေးသုတ်နည်းစနစ်တွေကို ရှာဖတ်လေ့လာမယ်ဆိုရင် ဆေးသုတ်ရာတွေ အဆင့် ( ၆ ) ဆင့် အသုံးပြုကြတာကို တွေ့ရပါတယ်။

**အဲဒါတွေကတော့

Step 0 - အရင်ဆုံး ဆေးသုတ်မယ့် နေရာကို သန့်ရှင်းအောင် ရှင်းလင်းပေးရမယ်။
Step 1 - မထပဆုံး Sealer အောက်ခံဆေးကို သုံးတယ်။
Step 2 - Putty ပတ်တီးရိုက်တယ်
Step 3 - နောက်ထပ် Putty ပြန်ရိုက်တယ်။ ပတ်တီး နှစ်ခါရိုက်တယ်။
Step 4 - Sealer အောက်ခံဆေး ပြန်သုတ်တယ်။
Step 5 - ဆေးသား Paint ကို သုတ်တယ်။
Step 6 - ဆေးသား Paint ကို ပြန်သုတ်တယ်။ ဆေးသား Paint နှစ်ခါ သုတ်တာပေါ့။ ပထမ တစ်ကုတ်ခြောက်ပြီး နောက်တစ်ကုတ်ကို သုတ်တာဖြစ်ပါတယ်။

♻️အပေါ်မှာ ဖော်ပြပေးတဲ့ နည်းလမ်းက နိုင်ငံတကာမှာ အသုံးများတဲ့ နည်းလမ်းတွေဖြစ်ပြီး ကျွမ်းကျင်တဲ့ ဆေးဆရာ အတော်များများက Quality ကောင်းတဲ့ ဆေးသားရရှိအောင် အသုံးပြုကြတဲ့ နည်းလမ်းတွေဖြစ်တယ်။

🖌မြန်မာမှာတော့ ဆေးသုတ်လုပ်ငန်းမှာ Local ဆေးသုတ်နည်း ( ၅ ) ဆင့်ကိုဘဲ အသုံးများကြတာတွေ့ရပါတယ်။

** အဲဒါတွေကတော့

Step 0 - အရင်ဆုံး ဆေးသုတ်မယ့် နေရာကို သန့်ရှင်းအောင် ရှင်းလင်းပေးရမယ်။
Step 1 - Putty ပတ်တီးရိုက်တယ်
Step 2 - နောက်ထပ် Putty ပြန်ရိုက်တယ်။ ပတ်တီး နှစ်ခါရိုက်တယ်။
Step 3 - Sealer အောက်ခံဆေး သုတ်တယ်။
Step 4 - ဆေးသား Paint ကို သုတ်တယ်။
Step 5 - ဆေးသား Paint ကို ပြန်သုတ်တယ်။ ဆေးသား Paint နှစ်ခါ သုတ်တာပေါ့။ ပထမ တစ်ကုတ်ခြောက်ပြီး နောက်တစ်ကုတ်ကို သုတ်တာဖြစ်ပါတယ်။

🏠Local ဆေးသုတ်နည်းစနစ်မှာတော့ာ နိုင်ငံတကာ ဆေးသုတ်နည်းစနစ်မှာသုံးတဲ့ Step 1 - Sealer မခံဘဲ Putty ပတ်တီး တစ်ခါတည်း ရိုက်တာပါ။ Budget အခြေအနေကြောင့် Local ဆေးသုတ်နည်းစနစ်ကိုဘဲ အသုံးများကြတာတွေ့ရပါတယ်။ Sealer အကြောင်းကို ရှင်းပြပေးထားပါတယ်။

ဆေးသုတ်နည်းစနစ် နှင့် အဆင့်ဆင့်တွေကို နားလည်ပြီး Step အဆင့်တိုင်းမှာ လိုအပ်တဲ့ဆေးတွေကို အသုံးပြုပေးရမှာဖြစ်တယ်။ အချို့သော အိမ်ရှင်တွေက အပေါ်ဆုံးမှာ သုတ်တဲ့ဆေး Paint သုတ်တာလောက်ဘဲ နားလည်ကြတယ်။

Local နည်းကို အသုံးပြုပြီး ဆေးသုတ်မယ်ဆိုရင်တောင် အနည်းဆုံး အိမ်သုတ်ဆေး ပစ္စည်းသုံးမျိုးလိုပါတယ်။ ပတ်တီး ၊ အောက်ခံဆေး၊ ဆေး Paint တို့ဖြစ်ပါတယ်။အိမ်သုတ်ဆေးလုပ်ငန်းက လွယ်ပြီး အကုန်အကျနည်းတဲ့ လုပ်ငန်းတော့ မဟုတ်ပါဘူး။ ပိုသုံးနိုင်ရင် ပိုကောင်းတဲ့ ဆေသား နှင့် ဝန်ဆောင်မှုတွေကို ရှိမှာဖြစ်တယ်။

ဆေးသုတ်တော့မယ်ဆိုရင် ဆေးသုတ်မယ့်နေရာကို အပူချိန်တိုင်းတာ၊ အစိုဓာတ်တိုင်းတာ ၊ အခြား လုပ်စရာတွေလဲ လုပ်ဖို့လိုပါသေးတယ်။ ဒီအကြောင်းတွေကိုတော့ နောက်မှထပ်ရှင်းပြပေးပါမယ်။

🛑အခုတော့ Step တစ်ခုချင်းစီကို နည်းနည်း အသေးစိတ်လေး ရှင်းပြပေးချင်တယ်။

0 - အရင်ဆုံး ဆေးသုတ်မယ့် နေရာကို သန့်ရှင်းအောင် ရှင်းလင်းပေးရမယ်။ ဆေးသုတ်မယ့်နေရာက ညစ်ပတ်နေရင် ဒါမှမဟုတ် အဆီ အစွန်းအထင်းတွေရှိနေရင် အဲပေါ်မှာ ဆေးတစ်ခါတည်းသုတ်လို့မရပါဘူး။ သုတ်မိရင်တောင် ဆေးသားတွေ ရက်ပိုင်းအတွင်းဘဲ အကုန်ပြန် ကွာကျပါလိမ့်မယ်။

ဒါကြောင့် အမြဲတမ်းဆေးသုတ်မယ့်နေရာကို ဆေးဆရာတွေ လမ်းညွှန်ချက်အတိုင်း သန့်ရှင်းအောင်လုပ်ပေးဖို့လိုပါတယ်။

1 - Putty ပတ်တီးရိုက်တယ်
ဆေးသုတ်မယ့်နေရာတွေကို သန့်ရှင်းရေးလုပ်ပြီးရင်တော့ Putty ပတ်တီး ရိုက်လို့ရပါပြီ။ ပတ်တီးရိုက်ရတဲ့ အဓိက ရည်ရွယ်ချက်က အပေါ်ဆေး Paint သုတ်တဲ့အခါ (Putty Help smooth surface to colour over )ညီညာသပ်ရပ်တဲ့ ဆေးသားရရှိအောင်ဖြစ်ပါတယ်။ အုတ်နံံရံတွေကို ပတ်တီးရိုက်ပေးခြင်းဖြင့် ဆေးသားအတွက်လိုအပ်တဲ့ ညီညာသည့် မျက်နှာပြင်ကို ရရှိစေပါတယ်။

ပတ်တီးအမျိုးအစားနှင့်အသုံးပြုပုံကိုနောက် ထပ်ပြီးရှင်းပြပေးပါအုန်းမယ်။ Comming ???

2 - နောက်ထပ် Putty ပြန်ရိုက်တယ်။ Step 1 မှာ ရိုက်ထားတဲ့ ပတ်တီးခြောက်ပြီးရင် နောက်ထပ် ပတ်တီးတစ်ခါပြန်ရိုက်ပေးရပါတယ်။ ရည်ရွယ်ချက်ကတော့ ပိုညီညာတဲ့ဆေးမျက်နှာပြင်ရရှိအောင်ပါ။ ပထမရိုက်တဲ့ ပတ်တီးက အများအားဖြင့် အုတ်နံရံတွေရဲ့ မညီညာတဲ့ ချိုင့်ခွက်မျက်နှာပြင်တွေကို ညီညာအောင်လုပ်ပေးပါတယ်။ ဒုတိယ ထပ်ရိုက်တဲ ပတ်တီးကတော့ ပတ်တီးကို ပြန်အချောကိုင်ပေးတာဖြစ်ပါတယ်။ ပိုပြီး ညီညာတဲ့ မျက်နှာပြင်ကို ရှိစေပါတယ်။

- [ ] 3 - Sealer အောက်ခံဆေး သုတ်ပေးတယ်။ အောက်ခံဆေးသုတ်ပေးတဲ့ ရည်ရွယ်ချက်ကတော့ အပေါ်ဆုံးမှာ သုတ်မယ့် ဆေးသား Paint တွေ စွဲကပ်အားကောင်းအောင်ပါ။ အချို့နံရံအဟောင်းတွေကို ဆေးသုတ်ရင် ဆေးသားစွဲကပ်အားမကောင်းတာတွေ့ရပါတယ်။ အောက်ခံဆေး Sealer ကို အသုံးပြုခြင်းဖြင့် သုတ်လုက်တဲ့ ဆေးသား Paint တွေ နံရံတွေမှာ စွဲကပ်အားကောင်းစေပါတယ်။ ( Sealer allow the paint to stick to wall or substrate )

Sealer အမျိုးအစားနဲ့ အသေးစိတ်ကို နောက် ထပ်ပြီးရှင်းပြပေးပါအုန်းမယ်။ Comming ?

4 - ဆေးသား Paint ကို သုတ်တယ်။ Sealer အောက်ခံဆေးသုတ်ပြီးရင်တော့ ဆေးသား Paint ကို သုတ်လို့ရပါပြီ။ လက်နှင့်ကိုင်တွယ်လို့ရပြီး မြင်နိုင်သည့်ဆေးသား Paint ကို သုတ်လို့ရပါပြီ။ ကိုယ်ကြိုက်တဲ့ Paint ကို ရွေးချယ်အသုံးပြုပေးလို့ရပါတယ်။ ဆေးရွေးချယ်ရာတွေ အရောင် နှင့် ဆေးအမျိုးအစားကို အဓိက ရွေးချယ်ပေးရပါတယ်။ Nippon Paint က ထုတ်လုပ်တဲ့ အိမ်သုတ်ဆေးများမှာ အမျိုးအစားအလိုက် ဆေးအရာင် လေးဆယ် မှ တစ်ရာကြားရှိပါတယ်။ ကိုယ်လိုချင်တဲ့ ဆေးအရောက်ိုလဲ ရောစပ်ပြီး ရရှိနိုင်ပါတယ်။

Type Of Paint မှာလဲ အမျိုးအစားအများကြီးရှိပါတယ်။ အတွင်းဆေး ၊ အပြင်ဆေး၊ ရာသီဥတုဒဏ်ခံနိုင်သည့်ဆေး ၊ အပူဒဏ် လျှော့ချပေးသည့်ဆေး ၊ အစွန်းအထင်း ဆေးကြောရန်လွယ်ကူစေသည့်ဆေး ၊ အနံမပြင်းသည့်ဆေး ၊ အလွန်ချောမွေ့သည့်ဆေးသားပိုင်ဆိုင်စေသည့်ဆေး ၊ အလှဆင်သည့် ဗြုတ်ဆေး ၊ သံထည်တွေအသုံးပြုသည့်ဆေး ၊ မှုတ်ဆေး စသည်ဖြင့် ရွေးချယ်စရာဆေးအများကြီးရှိပါတယ်။ ဆေးသုတ်မယ့် နေရာ အခြေအနေပေါ်မူတည်ပြီး အသင့်တော်ဆုံး ဆေးတွေကို ရွေးချယ်ပေးဖို့လိုပါတယ်။

Paints ဆေးသုတ်ရာတွင် အကောင်းဆုံးဆေးသားရနိုင်ရန် အသုံးပြုပေးရမယ့် ဆေးသုတ်နည်းလမ်းအများကြီးရှိပါတယ်။ အသုံးများတဲ့နည်းလမ်းကတော့ W နဲ့ V ပုံစံဆေးသုတ်နည်းတို့ဖြစ်ပါတယ်။

5 - ဆေးသား Paint ကို ပြန်သုတ်တယ်။ ဆေးသား Paint နှစ်ခါ သုတ်တာပါ။ ပထမသုတ်တဲ့ဆေးက အုတ်နံရံတွေထဲ စွဲကပ်တာ စိမ့်ဝင်တာတို့ရှိတာကြောင့် အမြဲတမ်းဆေးကို နှစ်ကုတ်သုတ်ပေးဖို့လိုပါတယ်။ ပထမ တစ်ကုတ်ခြောက်ပြီး နောက်တစ်ကုတ်ကို သုတ်တာဖြစ်ပါတယ်။ ပိုကောင်းတဲ့ ဆေးသား Quality ကို ရရှိစေပါတယ်။
Credit - Original Uploader

Painting & HomeDecoration

09_450025226
09-964525226

SUNNY Painting & Home Decoration

17/04/2026

11/04/2026

25/03/2026

17/11/2025

18/09/2025

16/09/2025

16/09/2025

15/09/2025

04/09/2025

20/07/2025

14/06/2025

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 16:00