DTH - Construction, Renovation and Home Decoration

05/08/2024

06/02/2024

ဥယျာဥ်ခြံမြေအကြောင်း
ြေ
၁။ ဥယျာဥ်ခြံမြေဆိုတာ
၂၀၁၂ ခုနှစ် လယ်ယာမြေ ဥပဒေ အရ ဥယျာဥ်ခြံမြေဟာ လယ်ယာမြေ အမျိုးစားမှာ ပါပါတယ်။
မြေစာရင်း ပုံစံမှာ " G" အမှတ်သားနဲ့ ဖော်ပြပေးထားပါတယ်။ လူနေရပ်ကွက်ထဲ ပါတဲ့ "G" မြေတွေက တော့ လယ်ယာမြေထဲ မပါပါဘူး။ မြေစာရင်းထဲ ဥယျာဥ်မြေ လို့ စာရင်းဝင်ထားပေမယ့် လူနေရပ်ကွက် အတွင်း ရောက်နေတဲ့ မြေကွက်တွေလဲ အများကြီးရှိပါတယ်။
၂။ ဥယျာဥ်ခြံမြေ အားသာချက်။
၂၀၁၂ နောက်ပိုင်း ပြဌာန်းချက် ဥပဒေအရ ဥယျာဥ်မြေကို ရောင်းဝယ်၊ ငှားရမ်း လုပ်ပိုင်ခွင့်တွေ အပြင် မြေက ရတဲ့ အကျိုးမြတ်အားလုံးကိုလည်း ခံစားပိုင်ခွင့် အပြည့်ရှိပါတယ်။ မြို့မြေ တွေထက် စာရင် စျေးနှုန်း အများကြီးသက်သာပါတယ်။ နောက်ပိုင်း မိမိမြေပေါ် အသီးနှံစိုက်ပျိုးပြီး အခြားနည် လျှောက်ခွင့်လဲ လွယ်ကူ လာတာကြောင့် ဥယျာဥ်မြေကို လူကြိုက်များလာပါတယ်။ ဥယျာဥ်မြေဟာ နောက်ပိုင်းပုံစံမျိုးစုံ သုံးစွဲနိုင်ခွင့် ရှိလာတာကြောင့် ရေရှည် ရင်းနှီးမြုပ်နှံဖို့ရာ အခွင့်လမ်းကောင်း တစ်ခုဖြစ်လာပါတယ်။ လူနေရပ်ကွက်ပေါ်က "G" မြေများဟာ
ခိုင်မာမှုရှိပြီး စျေးကောင်းဖြင့် အရောင်းဝယ် ပြုလုပ်နေတာ တွေ့ရမှာပါ။
၃။ ဥယျာဥ်ခြံမြေအားနည်းချက်။
လူနေအိမ်နဲ့ မနီးတဲ့ ဥယျာဥ်ခြံမြေမျိုးဟာ လယ်ယာမြေအမျိုးစားထဲ ပါဝင်နေဆဲဖြစ်ပြီး
စာရွက်စာတမ်းနဲ့ ခိုင်မာမှု့ အထောက်ထား အားနဲ့တာမျိုး တွေ့ရပါတယ်။ လူနေအိမ် အဝေးက ဥယျာဥ်ခြံမြေမျိုးဆို ပုံစံ(၇) မှာဆက်လက် အခြေတည်နေ၍ လူနေအိမ်ဆောက်လုပ်နေထိုင်နိုင်ရန် ဌာနဆိုင်ရာများသို့ အဆင့်ဆင့် ပြန်လျှောက်တင်ရပါတယ်။ အခြားနည်းလျှောက်တဲ့ခါမှာလဲ မွေးမြူ စိုက်ပျိုးအတွက်သာ လွယ်ကူစေတာမျိုး တွေ့ရပါတယ်။
၄။ ဥယျာဥ်ခြံမြေကို ဂရံလျှောက်ခြင်း။
ပထမဆုံး မြေစာရင်းမှာ ပုံစံ ၁၀၅/၁၀၆ ရေးကူးရပါတယ်။ ပြီးရင် လယ်ယာမြေပုံစံ (၇)ကိုလျှောက်ရပါတယ်။ ဒါဆိုရင် မြေပိုင်ဆိုင်မှု နှင့် လုပ်ပိုင်ခွင့် အတွက် ခိုင်မာသွားပါပြီ။ ​အခြားနည်း အသုံးပြုခွင့် အတွက် မြို့နယ်လယ်စီမှာ ကိုယ်အသုံးပြုမယ့် ရည်ရွယ်ချက် အတွက် " လ/ယ ၃၀" လျှောက် ရပါမယ်။ အသုံးပြုခွင့်ကျလာရင် (၆)လ အတွင်း စသုံးရပါမယ်။ ပြီးရင် ဂရံ လျှောက်လို့ရပါပြီ။
၅။ ဥယျာဥ်ခြံမြေဝယ်ယူတော့မယ်ဆို
အရင်ဆုံး မြေစာရင်းမှာ လယ်ယာမြေ ဟုတ်/မဟုတ် သေချာစစ်ဆေးဖို့လိုပါတယ်။ ဝယ်ယူမယ့်အချိန်မှာလဲ မြေကွက်/ခွဲစိတ်ထားခြင်း ရှိ/မရှိ သတိထားသင့်ပါတယ်။ အရပ်စာချုပ်နှင့် ဝယ်ယူတာထက် တက်ကျွမ်းနားလည်တဲ့ ရှေ့နေများနဲ့အတူ တရားဝင်စာချုပ်ဖြင့် ဝယ်ယူသင့်ပါတယ်။ မြေစာရင်းမှာ အမည်ပေါက် မှန်/ မမှန် ၊ စာရွက်စာတမ်းအစုံရှိ/မရှိ ကိုလဲ သေချာစစ်ဆေးပါ။ အကုန်မှန်ပြီဆို မြေတိုင်းရပါမယ်၊ မြေပြင်နဲ့ မြေစာရင်း အတိုင်းတာ ကွဲလွဲနေတာမျိုး ရှိနေတက်ပါတယ်။
#မူရင်း ပြုစုရေးသား တင်ပြပေးသူအား
ကျေးဇူးတင်လေးစားလျှက်
တစ်ဆင့်ပြန်လည်ကူးယူဖော်ပြပါသည်။

26/08/2023

🏗️🏗️🏗️ #သတိထားသင့်

အဆောက်အအုံဆောက်လုပ်ခွင့်ရရှိသူ လိုက်နာရမည့် စည်းကမ်းနှင့်နည်းဥပဒေများ

၁။ (၄၀ပေ x ၆၀ပေ)နှင့် အထက်မြေကွက်များတွင် လုံးချင်းအဆောက်အအုံများ ဆောက်လုပ်လိုပါက အနည်းဆုံး ရှေ့ ၅ပေ၊ နောက် ၄ပေ၊ ဘေးနှစ်ဖက်အမိုးစွန်းမှ ၂ပေစီချန်လှပ်ရမည်။

၂။ (၄၀ပေ × ၆၀ပေ) အောက်မြေကွက်များတွင်လုံးချင်းအဆောက်အအုံများ ဆောက်လုပ်ပါက အနည်းဆုံး ရှေ့ ၅ပေ၊ နောက် ၄ပေ၊ ဘေးနှစ်ဖက်အစွန်းမှ ၁ ပေစီချန်လှပ်ရမည်။ (ဘေးနှစ်ဖက် ၁ပေချန်သဖြင့် အရွက်ဖွင့်တံခါးဆောင်ရွက်၍မရဘဲ လျှောတံခါး (Sliding Window) ဖြင့် ဆောင်ရွက်ရမည်။

၃။ (၄)ထပ်နှင့် အထက်အဆောက်အအုံများတွင် အနည်းဆုံး (Plinth Level) ၁ပေ ဆောင်ရွက်ပြီး (Gf: Level) မှစ၍ (Total Height) ၆၂ပေ ကျော်လွန်ပါကဓာတ်လှေခါး တပ်ဆင်ရမည်။

၄။ (၄)ထပ်နှင့် အထက်အဆောက်အအုံများ လျှောက်ထားရာတွင် ယာဉ်ရပ်နားရန်နေရာ ထည့်သွင်းတင်ပြ၍ မပျက်မကွက်ဆောင် ရွက်ရမည်။

၅။ (၄)ထပ်နှင့် အထက်အဆောက်အအုံများတွင် အရှေ့ဘက်ပင်မလှေခါးအပြင် အရေးပေါ် အသုံးပြုနိုင်ရေးအတွက် မီးသတ်လှေခါးအား အလွယ်တကူတက်/ဆင်းနိုင်ရန်အတွက် ထည့်သွင်း ဆောက်လုပ်ရမည်။

၆။ အဆောက်အအုံ၏အုတ်ခုံအား အနီးကပ်ဆုံး လမ်းမျက်နှာပြင်အထက် အနည်းဆုံး ၁ပေ-၆လက်မမြှင့်၍ ဆောက်လုပ်ရမည်။

၇။ အဆောက်အအုံ၏ ကျောရပ်အမြင့်အား မြေညီထပ်(၁၂ပေ)နှင့် အပေါ်ထပ်အား (၁၀ပေ) စီဆောက်လုပ်ရမည်။

၈။ အိမ်ခန်း၏ ပန္နက်ဧရိယာသည် (၁ဝဝစ/ပေ)ရှိ၍ လေဝင် /လေထွက် ပြူတင်းပေါက်တံခါးများ ဧရိယာသည် အနည်းဆုံး အခန်းနံရံဧရိယာ၏ သုံးပုံတစ်ပုံရှိရမည်။

၉။ ရေမိလ္လာစနစ်အား ရေနှင့်သန့်ရှင်းမှုဌာန၏ ခွင့်ပြုချက်ရရှိမှသာ ဆောင်ရွက်ရမည်။

၁၀။ မည်သည့်မြို့နယ်တွင်မဆို (Pile Foundation) ဆောင်ရွက်မည် ဆိုပါက မိမိပိုင်နယ်နိမိတ်အတွင်း အနည်းဆုံး ၂ပေခွာ၍ ဆောင်ရွက်ရမည်။ (သို့) အဆောက်အအုံနှင့် ကုန်ဌာန၏ သတ်မှတ်ညွန်ကြားချက်အတိုင်း ဆောင်ရွက်ရမည်။

၁၁။ မိလ္လာကန် (Septic Tank)အတွက် မိမိပိုင်မြေအတွင်းအနည်းဆုံး ၆ပေ ချန်၍ ဆောက်လုပ်ရမည်။ မိလ္လာပိုက်လိုင်းများအတွက် အနောက်ဖက်တွင် အသားတင်၄ပေ ချန်ရမည်။ သို့တည်းမဟုတ် ရေနှင့်သန့်ရှင်းမှုဌာန၏ သတ်မှတ်ညွန်ကြားချက်အတိုင်း ဆောင်ရွက်ရမည်။

၁၂။ အရေးပေါ်ထွက်ပေါက်လှေခါးကို မိမိပိုင်မြေအတွင်းတပ်ဆင်ရမည်။

၁၃။ (၂)ထပ် ထက်ပိုသောအဆောက်အအုံများကို သံကူကွန်ကရစ် (သို့) သံထည်အဆောက်အအုံ (Steel Structure) ဖြင့် ဆောက်လုပ်ရမည်။

၁၄။ အဆောက်အအုံဆောက်လုပ်ရာတွင် မိမိပိုင်နယ်နိမိတ်အတွင်း ဆောက်လုပ်ရမည်။ စည် ပင်မြေဖြစ်သည့် နောက်ဖေးလမ်းကြား၊ ဘေးလမ်းကြား၊ လမ်းနယ်များနှင့် ဘေးကပ်လျက် မြေကွက်များသို့ ကျူးကျော်ဆောက်လုပ်ခြင်းမပြုရ။

၁၅။ ကော်မတီမှ အခါအားလျော်စွာ သတ်မှတ်သည့်နေရာများတွင် သတ်မှတ်သည့် အမြင့်အထိသာ ဆောက်လုပ်ရမည်။

Credit

12/08/2023

(၃)ထပ်နှင့်အောက် အဆောက်အအုံ ဆောက်လုပ်ရာတွင် လိုအပ်သည့်စာရွက်စာတမ်းများ

၁။ ဌာနသတ်မှတ်လျှောက်လွှာ (က) ဆောက်လုပ်ခွင့်လျှောက်လွှာပုံစံ

(ခ) အဆောက်အအုံကြီးကြပ်ဆောက်လုပ်မည်ဖြစ်ကြောင်းမှတ်ပုံတင်လက်မှတ်ရ အင်ဂျင်နီယာ/ ဗိသုကာမှ တင်ပြရန်

(ဂ) ခွင့်ပြုချက်မရမီ ကြိုတင်ဆောက်လုပ်ခြင်းနှင့်မြေပိုင်ဆိုင်မှု ပြဿနာပေါ်ပေါက်ခြင်းတို့အတွက် ဌာန၏ ညွှန်ကြားချက်ကို လိုက်နာဆောင်ရွက်မည်ဖြစ်ကြောင်း မြေရှင်မှ ခံဝန်ကတိတင်ပြရန်

(ဃ) အိမ်ရှင်/အိမ်ငှား ပြဿနာအရှုပ်အရှင်းကင်းရှင်းကြောင်း ရပ်ကွက်အုပ်ချုပ်ရေးမှူး၏ ထောက်ခံချက် တင်ပြရန်

(င) ဘေးကပ်လျက် မြေကွက်ပိုင်ရှင်များ၏ သဘောထားတင်ပြရန်

(စ) အဆောက်အအုံခိုင်ခံ့မှုနှင့်ပတ်သက်၍ မှတ်ပုံတင်လက်မှတ်ရ အင်ဂျင်နီယာမှ တာဝန်ယူကြောင်း ခံဝန်ကတိတင်ပြရန်

(ဆ) အဆောက်အအုံဟောင်းဖျက်သိမ်းခွင့်လျှောက်လွှာပုံစံ

(ဇ) အဆောက်အအုံဟောင်းဖျက်သိမ်းရာတွင် ဘေးကပ်လျက်ရှိသော အဆောက်အအုံ ပျက်စီးမှုမရှိစေရန် ဖျက်သိမ်းပါမည့်အကြောင်း မှတ်ပုံတင်လက်မှတ်ရ အင်ဂျင်နီယာ/ ဗိသုကာနှင့်မြေရှင်တို့မှ ခံဝန်ကတိတင်ပြရန်

(ဈ) ကန်ထရိုက်တိုက်ပုံစံဖြစ်ပါက လျှောက်ထားသူ၊ လိုင်စင်ရကန်ထရိုက်တာ (LC) နှင့် မှတ်ပုံတင်လက်မှတ်ရ အင်ဂျင်နီယာ/ဗိသုကာတို့မှ သတ်မှတ်ထားသည့်စည်းကမ်းချက်များအားလိုက်နာဆောင်ရွက်မည်ဖြစ်ကြောင်း ခံဝန်ကတိတင်ပြရန်

၂။ လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ (မြေရှင်၊ GP/SP) (A4 Size တစ်မျက်နှာ တည်းတွင်အပေါ် / အောက်ကူးရန်)

၃။ မြေပိုင်ဆိုင်မှုအထောက်အထားမိတ္တူ

၄။ မိသားစုလုံးချင်းနှင့် စီးပွါးရေးလုပ်ငန်းသုံး အဆောက်အအုံပုံစံဖြစ်ပါက လျှောက်ထားသူနှင့် မှတ်ပုံတင် လက်မှတ်ရအင်ဂျင်နီယာ/ဗိသုကာတို့မှ လက်မှတ်ရေးထိုး ထားသော အဆိုပြု ပုံစံ(၃)စုံ (A3 Size)

၅။ ကန်ထရိုက်တိုက်ပုံစံဖြစ်ပါက လျှောက်ထားသူ၊ လိုင်စင်ရကန်ထရိုက်တာ (LC) နှင့် မှတ်ပုံတင် လက်မှတ်ရ အင်ဂျင်နီယာ/ဗိသုကာတို့မှ လက်မှတ်ရေးထိုး ထားသော အဆိုပြု ပုံစံ(၃)စုံ (A3 Size)

၆။ ဖျက်သိမ်းမည့် အဆောက်အအုံဟောင်း၏ဓါတ်ပုံ နှင့်ဘေးနှစ်ဖက်ရှိ အဆောက်အအုံများ၏ ဓါတ်ပုံ

၇။ ကန်ထရိုက်တိုက်ပုံစံနှင့် စီးပွါးရေးလုပ်ငန်းသုံး အဆောက်အအုံပုံစံများ ဖြစ်ပါက မီးသတ်ဦးစီးဌာန၏ အကြံပြုချက် စသည်တို့ဖြစ်ပါသည်။

(၄)ထပ်မှ (၈)ထပ်အထိ အဆောက်အအုံများဆောက်လုပ်ခွင့်လျှောက်ထားရာတွင် ပါဝင်ရမည့် စာရွက်စာတမ်းများ ပဏာမအဆို

(၄)ထပ်မှ (၈)ထပ်အထိ အဆောက်အအုံများဆောက်လုပ်ခွင့်လျှောက်ထားရာတွင် ပါဝင်ရမည့် စာရွက်စာတမ်းများ ပဏာမအဆိုပြုပုံစံ(Proposal)

၁။ ဌာနသတ်မှတ်လျှောက်လွှာ (က) ဆောက်လုပ်ခွင့်လျှောက်လွှာပုံစံ

(ခ) အဆောက်အအုံကြီးကြပ်ဆောက်လုပ်မည်ဖြစ်ကြောင်း မှတ်ပုံတင်လက်မှတ်ရ အင်ဂျင်နီယာ/ ဗိသုကာမှ တင်ပြရန်

(ဂ) ခွင့်ပြုချက်မရမီ ကြိုတင်ဆောက်လုပ်ခြင်းနှင့်မြေပိုင်ဆိုင်မှု ပြဿနာပေါ်ပေါက်ခြင်း တို့အတွက် ဌာန၏ ညွှန်ကြားချက်ကိုလိုက်နာဆောင်ရွက်မည်ဖြစ်ကြောင်း မြေရှင်မှခံဝန်ကတိတင်ပြရန်

(ဃ) အိမ်ရှင်/အိမ်ငှား ပြဿနာအရှုပ်အရှင်းကင်းရှင်းကြောင်း ရပ်ကွက်အုပ်ချုပ်ရေးမှူး၏ ထောက်ခံချက် တင်ပြရန်

(င) ဘေးကပ်လျက် မြေကွက်ပိုင်ရှင်များ၏ သဘောထားတင်ပြရန်

(စ) လမ်းအတွင်း ၄ထပ်နှင့်အထက် အဆောက်အအုံမရှိပါက အဆိုပြုအဆာက်အအုံ ဆောက်လုပ်ခြင်းနှင့် ပတ်သက်၍ မြေကွက်ပိုင်ရှင်များ (ဘေးဝဲဘက်(၂)ဦး၊ ယာဘက်(၂)ဦး၊ ရှေ့ဘက်(၃)ဦး၊ နောက်ဘက်(၃)ဦး၊ စုစုပေါင်း (၁၀)ဦး၏ ထောက်ခံချက်)မှ ကန့်ကွက်ရန်မရှိကြောင်း ထောက်ခံချက် တင်ပြရန်

(ဆ) စီးပွါးရေးလုပ်ငန်းသုံး အဆောက်အအုံဆောက်လုပ်ခြင်းနှင့်ပတ်သက်၍ ဘေးပတ်ဝန်းကျင်ရှိ မြေကွက ပိုင်ရှင်များ (ဘေးဝဲဘက်(၂)ဦး၊ ယာဘက်(၂)ဦး၊ ရှေ့ဘက် (၃)ဦး၊ နောက်ဘက်(၃)ဦး ၊ စုစုပေါင်း (၁၀)ဦး၏ ထောက်ခံချက်)မှ ကန့်ကွက်ရန်မရှိကြောင်း ထောက်ခံချက်တင်ပြရန်

(ဇ) အဆောက်အအုံဟောင်းဖျက်သိမ်းခွင့်လျှောက်လွှာပုံစံ

(ဈ) အဆောက်အအုံဟောင်းဖျက်သိမ်းရာတွင် ဘေးကပ်လျက်ရှိသော အဆောက်အအုံ ပျက်စီးမှုမရှိစေရန် ဖျက်သိမ်းပါမည့်အကြောင်း မှတ်ပုံတင်လက်မှတ်ရ အင်ဂျင်နီယာ/ ဗိသုကာနှင့်မြေရှင်တို့မှ ခံဝန်ကတိတင်ပြရန်

(ည) မြေရှင်၏ GP/SPမှ တင်ပြမည်ဆိုပါက မြေရှင်သက်ရှိထင်ရှားရှိကြောင်းနှင့် ကိုယ်စားလှယ် လွှဲအပ်ထားသည်မှာ မှန်ကန်ကြောင်း မြေရှင်မှတင်ပြရန်

(ဋ) အဆောက်အအုံခိုင်ခံ့မှုနှင့် ပတ်သက်၍ မှတ်ပုံတင်လက်မှတ်ရအင်ဂျင်နီယာ၏ တာဝန်ယူကြောင်း ခံဝန်ကတိတင်ပြရန်(ပုံစံကြီးတွင် ပူးတွဲတင်ပြရန်)

(ဌ) အဆောက်အအုံဆောက်လုပ်ခြင်းနှင့် စပ်လျဉ်း၍ လျှောက်ထားသူ၊ လိုင်စင်ရကန်ထရိုက်တာ (LC) နှင့် မှတ်ပုံတင်လက်မှတ်ရအင်ဂျင်နီယာ/ဗိသုကာတို့မှ သတ်မှတ်ထားသည့် စည်းကမ်းချက်များအား လိုက်နာ ဆောင်ရွက်မည်ဖြစ်ကြောင်း ခံဝန်ကတိတင်ပြရန် (ပုံစံကြီးတွင် ပူးတွဲတင်ပြရန်)

၂။ လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ (မြေရှင်၊ GP/SP) (A4 Size တစ်မျက်နှာတည်း တွင်အပေါ် / အောက်ကူးရန်)

၃။ သက်ဆိုင်ရာဌာနမှ (၁)နှစ်အတွင်း ထုတ်ပေးထားသော အဆောက်အအုံဆောက်လုပ်ရန် မြေပုံ၊မြေရာဇဝင် မူရင်း(C/Map)

၄။ ဂရန်မိတ္တူနှင့်နယ်နိမိတ်တိုင်းတာသတ်မှတ်သည့်မြေပုံ (D/Map)မိတ္တူ

၅။ ဘေးဝဲ/ယာကပ်လျက်တွင် ၄ထပ်နှင့်အထက် အဆောက်အအုံများရှိပါက လိုင်စင်ရတိုင်းတာရေး အင်ဂျင်နီယာ၏ အဆောက်အအုံတိုင်းတာချက်(Theodolite Reading)

၆။ လျှောက်ထားသူ၊ မှတ်ပုံတင်လက်မှတ်ရအင်ဂျင်နီယာ/ဗိသုကာတို့မှ လက်မှတ်ရေးထိုးထားသော Foundation Plan ပါဝင်သည့် အဆိုပြု ဗိသုကာပုံစံ(၁)စုံ(A3 Size)

၇။ ဖျက်သိမ်းမည့် အဆောက်အအုံဟောင်း၏ဓါတ်ပုံ နှင့်ဘေးနှစ်ဖက်ရှိ အဆောက်အအုံများ၏ ဓါတ်ပုံ ပုံစံကြီး

၈။ မြေခံနိုင်အား စမ်းသပ်မှု (Soil Test) မူရင်း(၂)စုံနှင့် Soft Copy ၊ CD

၉။ မှတ်ပုံတင်လက်မှတ်ရအင်ဂျင်နီယာမှ တွက်ချက်တင်ပြထားသည့် အဆောက်အအုံခိုင်ခံမှုဆိုင်ရာ တွက်ချက်မှုပုံစံ(၁)စုံ

၁၀။ လျှောက်ထားသူ၊ လိုင်စင်ရကန်ထရိုက်တာ(LC)၊ မှတ်ပုံတင်လက်မှတ်ရ အင်ဂျင်နီယာ /ဗိသုကာ လက်မှတ်ရေးထိုးထားသော အဆိုပြုပုံစံ(၃)စုံ(A3 Size)

၁၁။ မီးသတ်ဦးစီးဌာန၏ အကြံပြုချက်

၁၂။ အင်ဂျင်နီယာဌာန(ရေနှင့်သန့်ရှင်းမှု)၏ မိလ္လာကန်တည်ဆောက်ရန် ခွင့်ပြုမိန့်(သို့မဟုတ်) သဘောထား စသည်တို့ဖြစ်ပါသည်။

(၉)ထပ်နှင့်အထက် အဆောက်အအုံများဆောက်လုပ်ခွင့် လျှောက်ထားရာတွင် ပါဝင်ရမည့်စာရွက်စာတမ်းများပဏာမအဆိုပြုပုံစံ(Proposal)

၁။ ဌာနသတ်မှတ်လျှောက်လွှာ

(က) ဆောက်လုပ်ခွင့်လျှောက်လွှာပုံစံ

(ခ) အဆောက်အအုံကြီးကြပ်ဆောက်လုပ်မည်ဖြစ်ကြောင်းမှတ်ပုံတင်လက်မှတ်ရ အင်ဂျင်နီယာ/ ဗိသုကာမှ တင်ပြရန်

(ဂ) ခွင့်ပြုချက်မရမီ ကြိုတင်ဆောက်လုပ်ခြင်းနှင့်မြေပိုင်ဆိုင်မှု ပြဿနာပေါ်ပေါက်ခြင်းတို့အတွက် ဌာန၏ ညွှန်ကြားချက်ကို လိုက်နာဆောင်ရွက်မည်ဖြစ်ကြောင်း မြေရှင်မှ ခံဝန်ကတိတင်ပြရန်

(ဃ) အိမ်ရှင်/အိမ်ငှား ပြဿနာအရှုပ်အရှင်းကင်းရှင်းကြောင်း ရပ်ကွက်အုပ်ချုပ်ရေးမှူး၏ ထောက်ခံချက် တင်ပြရန်

(င) ဘေးပတ်ဝန်းကျင်ရှိ ထိစပ်မြေကွက်ပိုင်ရှင်များအပါအဝင် အနည်းဆုံး မြေကွက် (၁၀)ကွက်မှ ကန့်ကွက်ရန်မရှိကြောင်းထောက်ခံချက် တင်ပြရန် (ဘေးဝဲ/ယာ (၂)ကွက်စီ၊ ရှေ့/နောက် (၃)ကွက်စီ ဖြင့် စုစုပေါင်း (၁၀)ကွက်၏ ထောက်ခံချက်)

(စ) အဆောက်အအုံဟောင်း ဖျက်သိမ်းခွင့်လျှောက်လွှာပုံစံ

(ဆ) အဆောက်အအုံဟောင်းဖျက်သိမ်းရာတွင် ဘေးကပ်လျက်ရှိသော အဆောက်အအုံ ပျက်စီးမှုမရှိစေရန် ဖျက်သိမ်းပါမည့်အကြောင်း မှတ်ပုံတင်လက်မှတ်ရ အင်ဂျင်နီယာ/ ဗိသုကာနှင့်မြေရှင်တို့မှ ခံဝန်ကတိတင်ပြရန်

(ဇ) မြေရှင်၏ GP/SPမှ တင်ပြမည်ဆိုပါက မြေရှင်သက်ရှိထင်ရှားရှိကြောင်းနှင့် ကိုယ်စားလှယ်လွှဲအပ် ထားသည်မှာ မှန်ကန်ကြောင်းမြေရှင်မှတင်ပြရန်

(ဈ) အဆောက်အအုံခိုင်ခံ့မှုနှင့် ပတ်သက်၍ မှတ်ပုံတင်လက်မှတ်ရအင်ဂျင်နီယာ၏ တာဝန်ယူကြောင်း ခံဝန်ကတိတင်ပြရန် (ပုံစံကြီးတွင် ပူးတွဲတင်ပြရန်)

(ည) အဆောက်အအုံဆောက်လုပ်ခြင်းနှင့် စပ်လျဉ်း၍ လျှောက်ထားသူ၊ လိုင်စင်ရကန်ထရိုက်တာ(LC)နှင့် မှတ်ပုံတင်လက်မှတ်ရ အင်ဂျင်နီယာ/ ဗိသုကာတို့မှ သတ်မှတ်ထားသည့် စည်းကမ်းချက်များအား လိုက်နာ ဆောင်ရွက်မည်ဖြစ်ကြောင်း ခံဝန်ကတိတင်ပြရန် (ပုံစံကြီးတွင် ပူးတွဲတင်ပြရန်)

၂။ လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ (မြေရှင်၊ GP/SP) (A4 Size တစ်မျက်နှာတည်းတွင်အပေါ် / အောက်ကူးရန်)

၃။ သက်ဆိုင်ရာဌာနမှ (၁)နှစ်အတွင်း ထုတ်ပေးထားသော အဆောက်အအုံဆောက်လုပ်ရန် မြေပုံ၊ မြေရာဇဝင်မူရင်း(C/Map)

၄။ ဂရန်မိတ္တူနှင့် နယ်နိမိတ်တိုင်းတာသတ်မှတ်သည့်မြေပုံ (D/Map) မိတ္တူ

၅။ ဘေးဝဲ/ယာကပ်လျက်တွင် ၄ထပ်နှင့်အထက် အဆောက်အအုံများရှိပါက လိုင်စင်ရတိုင်းတာရေး အင်ဂျင်နီယာ၏ အဆောက်အအုံတိုင်းတာချက် (Theodolite Reading)

၆။ လျှောက်ထားသူ၊ မှတ်ပုံတင်လက်မှတ်ရအင်ဂျင်နီယာ/ဗိသုကာတို့မှ လက်မှတ်ရေးထိုးထားသော အဆိုပြု ဗိသုကာပုံစံ(၁)စုံ(A3 Size)

၇။ ဖျက်သိမ်းမည့် အဆောက်အအုံဟောင်း၏ ဓါတ်ပုံနှင့် ဘေးနှစ်ဖက်ရှိ အဆောက်အအုံများ၏ ဓါတ်ပုံပုံစံကြီး

၈။ မြေခံနိုင်အား စမ်းသပ်မှု (Soil Test) မူရင်း (၂) စုံနှင့် Soft Copy

၉။ မှတ်ပုံတင်လက်မှတ်ရ အင်ဂျင်နီယာ/ဗိသုကာတို့မှ တွက်ချက်တင်ပြထားသည့် Structural Calculation (၂)စုံ၊ M & E Calculation (၂)စုံနှင့် Soft Copy

၁၀။ လျှောက်ထားသူ၊ လိုင်စင်ရကန်ထရိုက်တာ(LC)၊ မှတ်ပုံတင်လက်မှတ်ရ အင်ဂျင်နီယာ /ဗိသုကာတို့မှ တွက်ချက်ရေးဆွဲထားသည့် Architectural Drawing (၄)စုံ၊ M & E Drawing(၄)စုံ၊ Pile Foundation ဖြစ်ပါက Pile Load Test (Method of Statement) (၄)စုံ

၁၁။ မီးသတ်ဦးစီးဌာန၏ အကြံပြုချက်စသည်တို့ဖြစ်ပါသည်။

အဆောက်အအုံ ဆောက်လုပ်ခွင့်တင်ခြင်းအတွက် ပုံစံစစ်ဆေးခများမှာ မိသားစုလုံးချင်းနေအိမ်/ဘာသာရေးဆိုင်ရာ/ဌာနဆိုင်ရာအဆောက်အအုံများဆိုလျှင် (တိုက်/Steel ၁ စတုရန်းပေ - ၅၅ကျပ်)၊ (အုတ်ညှပ် ၁ စတုရမ်းပေ- ၃၅ကျပ်)၊ (ပျဉ် ၁ စတုရန်းပေ- ၂၅ကျပ်) ဖြစ်ပြီး၊ အများသုံးလူနေ/စီးပွားရေးသုံးအဆောက်အအုံများ ဆိုလျှင် (တိုက်/Steel ၁ စတုရန်းပေ - ၈၅ကျပ်)၊ (အုတ်ညှပ် ၁ စတုရမ်းပေ- ၈၅ကျပ်)၊ (ပျဉ် ၁ စတုရန်းပေ- ၈၅ကျပ်)ဖြင့် ပေးဆောင်ရမှာဖြစ်ပါသည်။

(၃)ထပ်နှင့်အောက်အဆောက်အဦဆိုလျှင် သက်ဆိုင်ရာမြို့နယ်စည်ပင်တွင်လျှောက်ထားနိုင်ပြီး (၄) ထပ်မှစ၍ အထပ်မြင့်များကို မြို့တော်ခန်းမ၊ အဆောက်အအုံဌာနတွင် အမှုတွဲဖွင့်လှစ်လျှောက်ထားရမှာဖြစ်ပါကြောင်း ဖော်ပြလိုက်ပါသည်။

Credit to original writer

03/06/2023

1. Peg out -ပန္နက်
2. Stake /peg -တိုင်ငုတ်ချွန်၊ပန္နက်တိုင်
3. Pole/Column -တိုင်
4. Concrete Pole-ကွန်ကရစ်တိုင်
5. Pillar -​ဖောင်းအလှတိုင်
6. Wall -နံရံ
7. Beam -ထုတ်/ယက်မ
8. Floor -ကြမ်းခင်း /ကြမ်းပြင်
9. Balcony Floor -လသာ​ဆောင်ကြမ်းခင်း
10. Toilet Floor - အိမ်သာကြမ်းခင်း
11. Polished Concrete -​​ချောမွတ်ပြောင်လက်​နေ​​သော ကွန်ကရစ်နံရံကြမ်းပြင်
12. Brick - အုတ်
13. Lime -ထုံး
14. Sand lime brick -သဲအုတ်
15. Paving brick -လမ်းခင်းအုတ်
16. Ventilation brick -ပန်းအုတ်
17. Concrete brick -ဘိလပ်​မြေအုတ်(​ဘောက်အုတ်)
18. Joint -နှာ(အုတ်စီ)
19. Raking back -​နောက်ဆုတ်အုတ်စီနည်း
20. Stretcher -အုတ်လျား
21. Plinth level -အုတ်ခုံမျက်နှာ
22. Cement -ဘိလပ်​မြေ
23. Water -​ရေ
24. Sand -သဲ
25. Sand Coarse-သဲကြမ်း
26 . Sand fine -သဲနု
27. Gravel -​ကျောက်စရစ်
28. Stone chipping -​ကျောက်ဆန်ကွဲ
29. Marble -စကျင်​ကျောက်
30. Shingle -​ကျောက်စရစ်
31. Steel bar -၃မူးနှင့်အထက်ကြီး​သောသံ​ချောင်းများ
32. Steel Round Bar -​ပြောင်​ချောသံ​ချောင်း
33. Steel plate -သံပြား
34. Steel flat bar -သံပြားအရှည်
35. Steel wire rod -သွတ်ကြိုး
36. Angle steel bar -ကျင်တွယ်သံ​ချောင်း
37. Welded panels -သံဇကာ
38. Welded net -သံဇကာအ​သေး
39. Iron nail -သံမှို
40. Concrete nail -စတီးသံမှို
41. Bamboo -ဝါး
42. Timber -သစ်
43. Plastic rope-ပလတ်စတစ်ကြိုး
44. Nylon rope -နိုင်လွန်ကြိုး
45. Hardwood Squares -ပျဥ်(သစ်မာ)
46. Plywood -သစ်သားပြား
47. Lumber -သစ်ပွ
48. Earth -​မြေကြီး
49. Dig earth -​​မြေကြီးတူး
50. Earth leveling construction-​မြေကြီးညှိ
51. Cement earth -ဘိလပ်​မြေညှိ(မျဥ်းတိုက်)
52. Construction site clearing -​နေရာဌာနရှင်းလင်း
53. Hall -​ဟောခန်း
54. Bedroom -အိပ်ခန်း
55. Living room -ဧည့်ခန်း
56. Shrine /Buddha room -ဘုရားခန်း
57. Dinning room -ထမင်းစားခန်း
58. Kitchen -မီးဖိူ​ချောင်
59. Pantry -စားနပ်ရိပ်ခါထားရာအခန်း
60. Bathroom -​ရေချိုးခန်း
61. Lounge room/sitting room-အပန်း​ဖြေခန်း
62. Basement -​မြေ​အောက်ခန်း
63. Garage -ကား ထားရန်
64. Study -စာကြည့်ခန်း
65. Balcony -လသာ​ဆောင်
66. Verandah -ဝရန်တာ
67. Path -​လျှောက်လမ်း
68.Roof -အမိုး
69. Ceiling -မျက်နှာကျက်
70. Sheds -အဖီများ
71. Gate -ဝိုင်းဝင်တံခါး
72. Fence - ခြံစည်းရိုး
73. Letter box-အိမ်ဝန်း​ရှေ့စာတိုက်ပုံး
74. Door bell -အိမ်ဝန်း​ရှေ့ အချက်​​​​ပေးဘဲ
75. Ditch - ​ရေ​မြောင်း
76. Water tank -​ရေ​လှောင်ကန်
77. Wattle -ဝါးကပ်
78. Metal -သတ်တု
79. Brass -​ကြေးဝါ
80.Aggreate -​ရောစာ
81. Marble tile -စကျင်​ကျောက်ပြား
82. Marble chipping-စကျင်​ကျောက်ဆန်ကွဲ
83. Abutment wall -​မြေကာနံရံ
84. Chimney -မီးဖို​ခေါင်းတိုင်
85. Gypsum - စကျင် သလင်း​ကျောက်
86. Lodedtone -သံလိုက်​ကျောက်
87. Bismuth(cast iron) -သံကြွပ်
88. Chowket /door&window frame -ကျည်း​ဘောင်
89. Formwork -​ကျောက်ပုံး
90. Flooring tile- ​ကျောက်ပြား
91. Span -ခန်းဖွင့်အကျယ်
92. ridge -​ခေါင်ရိုး
93. ridge piece-​ခေါင်ချုပ်
94. Folding door -​ခေါက်တံခါး
95. Hollw brick -​ခေါင်းပွအုတ်
96. Pudlog -ငြမ်းဆင့်
97. Puglog hole-ငြမ်းဆင့်ထိုး​ပေါက်
98. Scaffolding -ငြမ်းဆင်ခြင်း
99. Binder -ထိန်းချုပ်​ဆေး
100. Ledged&battened door-ပျဥ်​ထောင်တံခါး
101. Putty -​ထေး​ဆေး
102.Turpentine -ထင်းရူးဆီ
103.Tallow -အမဲဆီ
104.Angle bracket -​ထောင့်ချိုးသံပြား
105.Angle -​ထောင့်မှန်ချိုး
106.Corner -​ထောင့်ချိုး
107.Header-ထိပ်စီ​ကျောက်
108.Lime concrete -ထုံးကွန်ကရစ်
109. Binder/stirrup -ထိန်းကွင်း
110.Collar truss -ဒိုင်းငယ်
111.Truss -ဒိုင်းငယ်
112.Cavity tie -နံရံချုပ်
113.Gutter -​ရေတ​လျှောက်
114.Parapet gutter -နံရံကပ်​ရေတ​လျှောက်
115.Valley -​ရေလိမ်
116.Valley rafter -​ရေလိမ်ဒိုင်း
117.Valley gutter -​ရေလိမ်​ရေတံ​လျှောက်
118.Flat or flush pointing -နှာပြည့်
119.Nosing -နှာစွန်း
120.Coping -နံရံထိပ်စီး
121.Batter -နံရံ​​စောင်း
122.Layout plan - ပန္နက်ရိုက်ပုံစံ
123. Bond - ကွန်ကရစ်သိပ်သည်း
124.Stencil -ပုံ​ဖော်ပြား
125.Eave board -ပန်းဆွဲ
126.Moulding (plaster)-​ပြော့​ကြောင်းထိုးခြင်း
127.Formwork -ပုံစံခွက်
128.Plastic emulsion paint -ပလပ်စတစ်ဆီ​ဆေး
129.Main rod-ပင်မသံ​ချောင်း
130.Cleat -ဖားတုံး
131.Mixing -​ဖျော်စပ်ခြင်း
132.Gable -မြင့်မိုရ်
133.Glazed door -မှန်တံခါး
134.Glazed window -မှန်ကွက်ပြတင်း
135.Centre hung fanlight -မှန်လည်​လေဝင်ပြတင်း​ပေါက်
136.Fixed fanlight -မှန်အ​သေတပ်ပြတင်း​ပေါက်
137.Barbed wire -သံဆူးကြိုး
138.Mortar -သရိုး
139.Plaster -သရွတ်
140.Plastering -သရွတ်ကျံခြင်း
141.Metal lath -သံဇကာဘိလပ်​မြေ
142. Quick setting cement-အအိပ်မြန်ဘိလပ်​မြေ
143.Slow setting cement -အအိပ်​နှေးဘိလပ်​မြေ
144.Rapid hardening cement -အမာမြန်ဘိလပ်​မြေ
145. Reinforcement rod -အားကူသံ​ချောင်း
146.Deformed reinforcement rod- အရစ်ပါသောအားကူသံ​ချောင်း
147.Plywood -အထပ်သား
148. Balancing reservoir -ထိန်းညှိ ​ရေ​​​လှောင်ကန်
149. Balanced cantilever -အစွန်းထွက်ယက်မ
150. ballast - ​အောက်ခံ​ကျောက်များ
151. base line -အ​ခြေခံမျဥ်း
152. base plate -တိုင်​အောင်ခံပြား
153. batten or reeper -အုတ်ကြွပ်တန်း
154. bed of pier -တိုင်​ခြေ
155. bedding plate- ခံ​ဆောင်ပြားများ
156. bond -အုတ်စီနည်း
157. bonder -တွဲဆက်​ကျောက်
158.cement motar -ဘိလပ်​မြေသရွတ်
159. cement sand screed -ဘိလပ်​မြေ သဲ သရွတ်ခင်း
160.column footings -တိုင်ဖိနပ်
161. combined footing -တွဲဖိနပ်
162. commode step -ကမုဒ်အနင်း
163. copings -ထိပ်အုပ်
164. corble -အစွန်းထွက်
165. cornices -ပန်းကလပ်
166. corrosive -သတ္တုစားခြင်း
167. cross hair -ကန့်လန့်ဖြတ်အမှတ်
168. cross -section -ကန့်လန့်ဖြတ်အပိုင်း
169. Curved roofs -အမိုးခုံး
170. efflorescence -ဆားပွင့်ခြင်း
171. Filter bed -​ရေစစ်ကန်
172. final setting of cement -ဘိလပ်​မြေအပြီးသတ်အိပ်ချိန်
173. fine aggregate -​ရောစာနု
174. flag stone -​ကျောက်ပြား
175. fl**ge -ဖလန်းပြား
176. flat arch -ခုံးပြား
177. flight -​လှေကား​ပြေး
178. Gypsum -ဂျစ်ပဆန်​ကျောက်
179. Precast -ကြိုတင်သွန်း​လောင်းခြင်း
180. rain water pipe -မိုး​ရေပိုက်
181.septic tank -မိလ္လာကန်
182. service reservior -​ရေ​​ဝေကန်
183. setting tank -အနည်ထိုင်ကန်
184. sump -​ရေစုကန်
185. spill way -​ရေပိုလွှဲ
186. surplus works -​ရေပိုလွှဲပိုက်
187. waste pipe -စွန့်ပစ်​ရေလွှဲပိုက်
188. waste weir -​ရေလွှဲဆည်
189. water seal -​ရေခံ
190. wearing course-အပွန်းခံလွှာ
191. vent pipet -​လေထွက်ပိုက်
192. filter bed -​ရေစစ်ကန်
193.fish plate -ပိုးပြား
194. flag -stone ​ကျောက်ပြား
195. sun shade -​နေကာမိုး
196. super -structure အထက်ပိုင်းအ​ဆောက်အအုံ
197. support beam -​​ထောက်ရက်မ
198. surveying -​မြေတိုင်းပညာ
199. suspended floor -အလွတ်ကြမ်းခင်း
200. suspended span -ဆိုင်းထား ခန်းဖွင့်ခြင်း။

27/05/2023

အိမ်သာကျင်းတခု စနစ်မှန်အောင်ဆောက်ဖို့ ဘယ်လောက်ခက်လဲလေ့လာကြည့်ပြီးမှ ပြောပါ • •

Septic Tank & Soak Pit (Septic Action)
***************************************
အရင်တုန်းက အိမ်သာကျင်းဆောက်တယ်ဆိုတာ မြေတူး၊ 4ခွဲအုတ်စီပြီး အ၀င်ပိုက်၊ လေထွက်ပိုက် နဲ့ ပြည့်ရင်စုတ်ထုတ်ဖို့ 4 လက်မပိုက်အကျယ် အဖုံးတစ်ခုစာတွေထည့်ပြီးလောင်းရုံပါ။

နောက်ပိုင်းတော့ အနှစ်ကန်၊ အရည်ကန်ဆိုပြီး အလယ်မှာ အကန့်တစ်ခုကန့်ပြီး ဆောက်လာကြပေမယ့် သူ့ရဲ့အလုပ်လုပ်ပုံကို သေချာနားမလည်ကြတာကြောင့် မိလ္လာစုစည်းကန် (sewage storage tank)သက်သက်သာ ဖြစ်နေတာတွေ့ရပါတယ်။

တကယ်က septic tank မှာ Septic Action ဆိုတဲ့ သူ့ဟာသူဓါတ်ပြုစေပြီး လျှော့နည်းသွားစေနိုင်တဲ့စနစ်(ဖြစ်စဉ်)လေးရှိပါတယ်။ တနည်းအားဖြင့် လူကစွန့်ပစ်လိုက်တဲ့ မိလ္လာ(sewage) ကို bacteria ပေါက်ပွားစေပြီး ဓါတ်ပြုစေတဲ့ဖြစ်စဉ်ပါ။

အကျဉ်းအနေနဲ့ပြောရရင် မိလ္လာအ၀င်ပိုက် (inlet) က အနှစ်ကန်ထဲ၀င်မယ်။ အဲ့ဒီအနှစ်တွေကနေ Anaerobic bacteria ဆိုတဲ့ပိုးတစ်မျိုးပေါက်းပွာလာပြီး အဲ့ဒီအနှစ်တွေကို စားပြီး အနယ်ထိုင်စေမယ်။ အဲ့ဒီအနှစ်ကန်က အလယ်မှာကန့်ထားတဲ့အုတ်ရိုးအပေါက်ကို ကျော်လာတဲ့ချိန် အရည်တွေက အရည်ကန်ဘက်ကို စီး၀င်မယ်။ အဲ့ဒီအရည်ကန်မှာလည်း Aerobic
Bacteria ဆိုတဲ့ ပိုးတစ်မျိုးပေါက်ပွားပြီး Anaerobic bacteria တွေရဲ့ စွန့်ပစ်ပစ္စည်းတွေကိုစားပြီး အနည်ထိုင်စေမယ်။ အဲ့ကမှတဆင့် အရည်ကန်ကနေ soak pit (ရေစုပ်ကန်) ဆီကို အရည်တွေလွှဲပြောင်းပေးပို့ပြီး မြေကြီးထဲပြန်စိမ့်၀င်စေမယ်။ ဒါက septic action ရဲ့အလုပ်လုပ်ပုံအကြမ်းဖျင်းပါ။

ဒီ Septic Action ရဖို့သတိပြုရမှာက -

(၁) Chamber (1) (အနှစ်ကန်) က လေလုံ၊ အလင်းလုံ နေရပါမယ်။ (Vent pipe) မရှိရပါဘူး။ ဒါမှ လေလုံ၊ နေလုံမှရှင်သန်နိုင်တဲ့ Anaerobic bacteria တွေပေါက်ပွားပြီး sewage (မိလ္လာ) တွေကိုစားသုံးပါမယ်။ (အဲ့မှာတစ်ခုရှိတာက အနှစ်ကန်အတွင်း အောက်ဆုံးမှာ အနှစ်လွှာ၊ အလယ်မှာ ရေဆိုးလွှာ၊ အပေါ်ဆုံးမှာ အဆီလွှာ ဆိုပြီးဖြစ်ပေါ်ပါတယ်။ အဲ့ဒီအဆီလွှာက လေနဲ့အလင်းရောင်ကို ရေထဲမ၀င်ရောက်အောင်လည်း ကာကွယ်ပေးပါတယ်။)

(၂) Chamber (2) (အရည်ကန်) မှာ လေနဲ့ အလင်း၀င်နိုင်အောင် 4" ပိုက် (swan pipe) တစ်ချောင်းထည့်ပေးရပါမယ်။ ဒါမှ လေနဲ့အလင်းရှိမှ အသက်ရှင်နိုင်တဲ့ Aerobic
Bacteria တွေရှင်နိုင်ပါမယ်။

(၃) အလယ်က အနှစ်ကန်နဲ့အလယ်ကန်ကို ကန့်ထားတဲ့အုတ်ရိုး (Baffle Wall) က အပေါ်ဆုံးထိ မစီရဘဲ အနည်းဆုံး 6" or 1 ပေလောက် ချန်ထားရပါမယ်။ ဒါမှ အနှစ်ကန်မှာ ဓါတ်ပြုမှုဖြစ်စဉ်အတွင်းထွက်လာတဲ့ gas တွေက အရည်ကန်ပေါ်မှာ ထည့်ထားတဲ့ swan neck & vent pipe မှတဆင့်ထွက်သွားနိုင်ပါမယ်။

(၄) ဓါတ်ပြုမှုဖြစ်စဉ်မြန်ဆန်လွယ်ကူအောင်လို့ အိမ်သာကနေ၀င်လာတဲ့မိလ္လာတွေကို inlet ပိုက်အဆုံးမှာ Tee ခံခြင်းအားဖြင့် မိလ္လာတွေကို အလွယ်တကူချေဖျက်စေနိုင်ပါတယ်။ အလားတူဘဲ အဲ့ဒီ Tee ကနေ အဆီလွှာ (scum layer) ရဲ့အောက် 3 လက်မမြှပ်လောက် ပိုက်သွယ်တန်းစီးဆင်းစေခြင်းဖြင့်လည်း အနှစ်ကန်အတွင်း လေ (အောက်စီဂျင်) နဲ့အလင်းရောင်၀င်ရောက်ခြင်းမှ ကာကွယ်နိုင်ပါတယ်။ (septic action ရဖို့ cover slab မလောင်းခင် ရေထည့်ပြီး ရေလုံမလုံစစ်ရပါတယ်။ အားလုံးပြီးပြီဆိုတဲ့ချိန် (စသုံးတော့မယ်ဆိုတဲ့ချိန်) အရင်ဆုံး inlet ပိုက် Tee ကနေချထားတဲ့ ပိုက် level အပေါ် 3လက်မထိ ရေဖြည့်ပေးရပါတယ်။ ရေဖြည့်ထားမှ Septic action ရပါမယ်။)

(၅) Septic Action အတွက် septic ကန်က ရေလုံနေရပါမယ်။ ဒါကြောင့် အောက်ကြမ်းခင်းလောင်းရပါမယ်။ plastering လုပ်ရပါမယ်။

(၆) အနှစ်ကန်(chamber 1)ထဲမှ အနှစ်များ (sewage) အရည်ကန်ထဲသို့ရောက်မသွားစေရန် အောက်ကြမ်းခင်းကို အနှစ်ကန်ဘက်တွင်နှိမ့်ပြီး slope လေး (1:10 to 1:20) လေး လုပ်ပေးရပါမယ်။

(၇) အနှစ်ကန်ကနေ အရည်ကန်ကို Baffle wall ကနေဖြတ်စီးဆင်းရာနေရာမှာ scum layer တွေ အရည်ကန်ထဲရောက်မသွားအောင် Tee လေးခံထားပေးရပါမယ်။

(၈) အလျားနဲ့ အကျယ်အချိုးက 2:1 ထက်မနည်း၊ အလျားနဲ့အနက်အချိုးလည်း 2:1 ထက်မလျော့စေရပါ။ (ဥပမာ - အလျားက 10 ပေဆိုရင်၊ အကျယ်က 5 ပေရှိရမယ်။ အနက်လည်း အနည်းဆုံး 5 ပေရှိရမယ်။)

(၉) မြေကြီးထဲမှရေများ ကန်ထဲစိမ့်မ၀င်နိုင်အောင်၊ ဘေးမှမြေတွန်းကန်အားကြောင့် Retaining wall အနေနဲ့သော်လည်ကောင်း ကန်ကို အနည်းဆုံး 9လက်မအုတ်ရိုးအနေနဲ့ဘဲ စီသင့်ပါတယ်။

(10) manhole ဟာ လူတစ်ယောက်ကောင်းကောင်းမွန်မွန်ဆင်းနိုင်ဖို့ အနည်းဆုံး 1.5' x 1.5' ကျယ်၀န်းပြီး အနှစ်ကန်နဲ့အရည်ကန်နှစ်ကန်လုံးပေါ်မှာ ရှိရပါမယ်။

အားလုံးဘဲအဆင်ပြေကြပါစေ။

04/01/2023

လွပ်လပ်ရေးနေ့
🚩2023ခုနှစ်၊ ဇန်နဝါရီလ၊ (4)ရက်
ယနေ့တွင်ကျရောက်သော (၇၅)နှစ်ပြည့် လွတ်လပ်ရေးနေ့ အခါသမယမ စ၍ မြန်မာ နိုင်ငံသူ နိုင်ငံသားများအားလုံး ကိုယ် စိတ် နှလုံး သုံးပါးစလုံး ချမ်းမြေ့သာယာကြပြီး ဘေးဘရာများဝေးကွာ၍ ကျန်းမာ ပျော်ရွှင်သောဘဝများကို
ထာဝရပိုင်ဆိုင်နိုင်ပါစေကြောင်း D T H COMPANY LIMITED(CONSTRUCTION, RENOVATION AND HOME DECORATION) မှ ဆုတောင်းမေတ္တာများ ပို့သအပ်ပါသည်....
# Photo credit

30/03/2022

Work hard သည်သာ
စီးပွားနယ်ပယ်မှာပဲ ကြည့်ကြည့် စီမံနယ်ပယ်မှာပဲ ကြည့်ကြည့် အားကစားနယ်ပယ်မှာပဲ ကြည့်ကြည့် ထိပ်တန်းရောက်နေတဲ့ အောင်မြင်သူတွေ အားလုံးဟာ ကျားကုတ်ကျားခဲ ကြိုးစားပြီးမှ အောင်မြင်ပြီး ထိပ်ဆုံးကို ရောက်လာခဲ့ကြတာပါ။ ဖတ်မိသမျှ ကမ္ဘာကျော် စီအီးအိုကြီးတွေ လုပ်ငန်းရှင်ကြီးတွေ စွန့်ဦးတီထွင်သမားတွေ ရဲ့ အထုပ္ပတ္တိတွေမှာ အားလုံးဟာ အလွယ်တကူနဲ့ ထိပ်ဆုံးကို ရောက်လာတာ တစ်ယောက်မှ မတွေ့မိဘူး။ ကိုယ်ပဲ မဖတ်မိလို့လားတော့ မသိဘူး .. အဲဒီလူတွေဟာ ထိပ်ဆုံးရောက်မှသာ Work smart ဖြစ်ချင်ဖြစ်လာတာ… မအောင်မြင်ခင် မှာတော့ ဘယ်သူမှ Work smart ဆိုတာကို ယောင်လို့တောင် မပြောခဲ့ကြဘူး။ သူတို့အားလုံးဟာ မအိပ်နိုင်မစားနိုင်လောက်အောင်ကို ပြင်းပြင်းထန်ထန် Work hard ခဲ့ကြရတာပါ။
သေကောင်ပေါင်းလဲ ကြိုးစားပြီးခါမှ ကမ်းမမြင် လမ်းမမြင် အခြေအနေကနေ လမ်းစကို ပြပြလေး တွေ့လာကြတာ။ အဲဒီလမ်းစနောက်ကို မမှိတ်မသုန် အံကြိတ်ပြီး နေ့မအား ညမနား ကြိုးစားလျှောက်လိုက်တဲ့ အခါကျမှ လူးလူးလိမ့်လိမ့်နဲ့ ဒဏ်ရာဒဏ်ချက်တွေ ဗလပွနဲ့ ရှေ့ ကို တဖြည်းဖြည်း ရောက်လာကြတာ။
အဲဒီလိုလူစားမျိုးတွေ အောင်မြင်လာပြီ ကြီးပွားလာပြီ ချမ်းသာလာပြီ ဆိုတော့ ဝိုင်းဝန်းကြ မြှောက်ပင့်ကြပေါ့လေ။ အားကစားနယ်ပယ်မှာ ထိပ်ဆုံးရောက်နေတဲ့ ကြေးအကြီးဆုံး အားကစားသမား ဘဝဟာလည်းပဲ Work smart နဲ့ ဖြစ်လာတာ မဟုတ်ဘူးလေ။ အသက်ထွက်မတတ် သေကောင်ပေါင်းလဲ လေ့ကျင့်ပြီးမှသာ ထိပ်ဆုံးကို လှမ်းနိုင်တာကိုး .. သူလိုကိုယ်လို ခြေမြှောက်လက်မြှောက် တတ်ရုံနဲ့ကတော့ ပြိုင်ဖက်ကို ဘယ်ကျော်နိုင်လိမ့်မလဲ…။ ပြိုင်ဖက်ပေါင်းများစွာကို လှည့်မကြည့်စတမ်း ကျော်နိုင်အောင် အလဲလဲ အကွဲကွဲ လေ့ကျင့်ပြီးခါမှသာ အောင်ပွဲဆင် ကြေးတန်းထိုးနိုင်တာလေ..။ သူတို့ကို သွားပြီး Work smart လို့ ပြောရင် ရယ်လိမ့်မယ်။
လေ့ကျင့်ရေးကွင်းကို ကမ္ဘာ့စျေးအကြီးဆုံး ပြိုင်ကားကို မောင်းပြီးလာလိမ့်မယ်။ ဒါပေမယ့် လေ့ကျင့်ရေးကွင်းထဲ ရောက်ပြီဆိုတာနဲ့ ဆရာခိုင်းသမျှ နဖူးကချွေး ခြေမတင်မက အဝိစိပဲ ရောက်ရောက် လုပ်ပေတော့ပဲ။ အဲဒီလို ပြင်းပြင်းထန်ထန် မလေ့ကျင့်ရင် သူ့အတွက် မနက်ဖန် ဆိုတာ မရှိနိုင်တော့ဘူး။ နောက်တစ်ယောက်က သူ့နေရာကို အစားဝင်ယူသွားမှာ။
ဒါကြောင့် Work hard ကို ယုံကြည်ပါ။ ပြင်းပြင်းထန်ထန် လေ့ကျင့်ပါ။ ပြင်းပြင်းထန်ထန် ကြိုးစားပါ။ မခိုမကပ်ပဲ အလုပ်လုပ်ပါ။ ညာမနေပါနဲ့ .. ညှာမနေပါနဲ့ .. အပြော မှာ မျော မနေပါနဲ့..။ သိုက်စာဖတ်ရာ နားထောင်ကာ ဥစ္စာရနိုးနိုး.. ဆေးစာဖတ်ရာနားထောင်ကာ ရောဂါပျောက်နိုးနိုး မဖြစ်ပါစေနဲ့ ..။ ဘယ်အခြေအနေမှာ မဆို ပြင်းပြင်းထန်ထန် ဇွဲကောင်းကောင်းနဲ့ မတွန့်မဆုတ် အလုပ်လုပ်သူများသာ အောင်မြင်နိုင်ပါတယ်။
to original up loader.

26/03/2022

အရောင်းအဝယ်စရန်ပေး ကတိစာချုပ် မချုပ်ခင် သိထားသင့်သောအချက်များ
အိမ် ခြံ မြေ အရောင်းအ၀ယ်ပဲဖြစ်ဖြစ်၊ အခြားအရောင်းအ၀ယ်ပြုလုပ်ချိန်မှာ ခိုင်မာမှု၊ စျေးကွက်အခြေအနေ ပေါ်မူတည်ပြီးတော့ ပိုင်ရှင်ဘက်က ငွေပြန်မအမ်းနိုင်တဲ့ အခြေအနေမျိုးအထိ ၀ယ်ယူသူအနေနဲ့ စရန်ငွေချထားသင့်တယ်လို့ သိရပါတယ်။
စရန်ငွေကို အရောင်းအ၀ယ်ပြုလုပ်တဲ့ တန်ဖိုးငွေစုစုပေါင်းရဲ့ မည်ရွေ့မည်မျှပေးရမယ်လို့ ပုံသေသတ်မှတ်ထားတာ မရှိသလို မည်မျှပေးရမယ်လို့ အစဉ်အလာ အတိအကျမရှိပါဘူး။
စရန်ငွေပေးခြေရာမှာ ၀ယ်သူအနေနဲ့ သတိပြုရမယ့် အချက်မှာ အရောင်းအ၀ယ် ပြုလုပ်တဲ့ မြေကွက်၊ အဆောက်အုံကို မိမိစရန်ငွေပေးထားစဉ်ကာလအတွင်းမိမိထက်စျေးပိုပြီး စျေးကောင်းပေးသူ၊ စျေးပိုပေးသူ ပေါ်ပေါက်လာရင် ဖော်ပြပါစရန်ငွေရဲ့ နှစ်ဆကိုလျော်နိုင်အောင် လုံလောက်စိတ်ချရတဲ့စရန်ငွေကို ပေးချေဖို့ ဖြစ်ပါတယ်။
ရောင်းသူအနေနဲ့လည်း လုံလောက်ခိုင်မာတဲ့၊ စိတ်ချရမယ့် စရန်ငွေကိုသာ လက်ခံသင့်ပါတယ်။ မဖြစ်စလောက် မပြောပလောက်တဲ့ စရန်ငွေကို လက်ထဲပိုက်ပြီး အကြောင်းကြောင်းကြောင့် မ၀ယ်ဖြစ်တော့တဲ့၀ယ်သူကို လူမှုရေးငဲ့တဲ့ အနေနဲ့ စရန်ငွေကိုလည်း အဆုံးခံစေပြီး မသိမ်းပဲ ကာလရှည်စွာ စောင့်မျှော်နေရင် အဲ့သည့် အရောင်းအ၀ယ်လည်းမဖြစ်၊ တခြား၀ယ်လက်ကောင်းကိုလည်း ဆုံးရှုံးပြီး အချိန်ကုန်လူပန်း ဖြစ်မှာကို သတိပြုဖို့ လိုအပ်ပါတယ်။
အလားတူ တချို့ရောင်းသူအနေနဲ့ ရောင်းချမယ့် အဆောက်အအုံရှိ အိမ်ငှားတွေရဲ့ အိမ်လခတွေ၊ စပေါ်ငွေတွေ ပြန်အမ်းဖို့ မြေကိစ္စတွေ ရှင်းလင်းဖို့စတဲ့ ငွေကြေးလိုအပ်ချက်တွေ ရှိနိုင်တာကြောင့် ရောင်းသူအနေနဲ့ စရန်ငွေကို လက်ခံရာမှာ မိမိ အခြေအနေအလျှောက် အဲသည် စရိတ်စကတွေကိုလည်း ထည့်သွင်းစဉ်းစားပြီးမှ စရန်ငွေကို လက်ခံဖို့ လိုအပ်ပါသည်။
၀ယ်သူအနေနဲ့ စရန်ငွေမပေးချေမီ အစစအရာရာ အသေးစိတ်လေ့လာ ဆုံးဖြတ်ပြီးမှ ပေးချေသင့်ပါတယ်။ စရန်ငွေပေးချေပြီးမှ အရောင်းအ၀ယ် သဘောတူစာချုပ်ပါ စည်းကမ်းတချို့ကိုမကြိုက်လို့ ဖြစ်စေ၊ ထပ်မံ ဖြည့်စွက်စရာရှိလို့ ဖြစ်စေ ထပ်မံဆွေးနွေးဖို့ ရှိလာရင် စရန်ငွေပေးထားပြီး ဖြစ်တာကြောင့် ၀ယ်သူအနေနဲ့ အားနည်းချက် ရှိနေမှာဖြစ်ပါတယ်။
အိမ်ခြံမြေ ၀ယ်ယူရာမှာ အရေးကြီးတဲ့ အချက်အခြားတစ်ခုမှာ မြေအကျယ်အ၀န်း စာချုပ်ပါအတိုင်း အမှန်အကန် အတိအကျရှိမရှိကို စစ်ဆေးပြီးမှ စရန်ငွေပေးခြေဖို့ လိုအပ်ပါတယ်။
Crd #ဥပဒေရေးရာ

23/03/2022

ချမ်းသာ ကြွယ်ဝ ခြင်းကို ဘာနဲ့ တိုင်းတာပါသလဲ ........
တရတီ, နှစ်ရတီကိုက် စိန်နားကပ်ကြီး ဝတ်ပြထားပြီးတော့လား .....
သိန်းထောင်ချီတန်တဲ့ ကားတွေ တနေ့တမျိုး စီးပြပြီးတော့လား .....
ရွှေတွေကွပ်ထားတဲ့ အိမ်အကြီးကြီးမှာ နေပြီးတော့လား .......
အဂ်လန် , အမေရိကား နိုင်ငံတွေ ၆ လ တခါလောက် shopping ထွက်ပြနိုင်တာကို ခေါ်တာလား .....
လူတွေ တဦးနဲ့တဦး အဓိပ္ပါယ်ဖွင့်ပုံတွေ မတူကြပေမဲ့ ချမ်းသာကြွယ်ဝခြင်းဆိုရင် ဘယ်သူမဆို ငွေကြေးအင်အားကို ပြေးမြင်ကြမှာ အမှန်ပဲ ...... စိတ်ပိုင်းဆိုင်ရာကို မေ့နေကြတယ် ..... ပိုက်ဆံရှိရင် ဘာမဆိုဖြစ်တယ် ဆိုတဲ့ materialistic ခေတ်ကြီးထဲ ရောက်နေကြတာလေ........
အခုလို တကမ္ဘာလုံးအနှံ့ ကပ်ရောဂါကြီးဖြစ် , ပိုက်ဆံရှိရင်တောင် ပြေးစရာ မြေမရှိတဲ့ အချိန်မှာ ချမ်းသာကြွယ်ဝခြင်းဆိုတာ ကိုယ့်မှာ ရှိတဲ့ ငွေကြေး ပိုင်ဆိုင်မှုတွေကို မခေါ်နိုင်တော့ပါဘူး ...... ငွေရှိလဲ ဘာမှ လုပ်လို့မရဘူး ..... ငွေတွေ အပုံလိုက်ရှိနေလဲ ရောဂါမကူးနိုင်တာ မဟုတ်ဘူးလေ ..... ကပ်ရောဂါဖြစ်ပြီဆိုမှတော့ သူဌေးပဲဖြစ်ဖြစ် လမ်းဘေးက လက်လုပ်လက်စားပဲဖြစ်ဖြစ် တန်းတူကူးစက်နိုင်ခြေရှိတဲ့ အခြေအနေကိုး .......
ဒီလိုအချိန်မျိုးမှာမှ အမှန်တရားဆိုတာ ပေါ်တာ .... အမှန်တကယ်တော့ ချမ်းသာကြွယ်ဝခြင်းဆိုတာ စိတ်လုံခြုံနေမှူ , နွေးထွေးတဲ့ အသိုက်အမြုံ နဲ့ နေထိုင်ရမှု , ကိုယ်ဘာပဲဖြစ်ဖြစ် ဘေးမှာ ရှိနေမဲ့ ချစ်ခင်သူတွေ ရှိနေခြင်းကို ခေါ်ဆိုတာပါ .......
တနေ့ ထမင်းသုံးနပ် မှန်မှန်စားရရင် .....
မနက်မိုးလင်း မျက်လုံးနစ်လုံးဖွင့်တာနဲ့ ကြွေးမြီကင်းကင်းနဲ့ စိတ်အေးအေးနေထိုင်နိင်ရင် ......
ပျော်စရာရှိလဲ လွတ်လွတ်လပ်လပ် ရီမောပျော်ရွှင်နိုင်ရင် .....
ကျန်းမာတဲ့ ခန္ဓာကိုယ်ကို ပိုင်ဆိုင်ထားရင် .....
ညတွေ နစ်နစ်ခြိုက်ခြိုက်နဲ့ အိပ်ပျော်တယ်ဆိုရင် .....
ကိုယ့်အတွက် ဘာမဆို လုပ်ပေးမဲ့ မိသားစုရှိနေရင်....
ကိုယ်ဘာပဲဖြစ်ဖြစ် ရပ်တည်ပေးမဲ့ သူငယ်ချင်းကောင်းတွေ ရှိနေရင် .........
ဒီလူတယောက်ဟာ ချမ်းသာ ပြည့်စုံလို့ နေပါပြီ .......
တချို့သော အရာတွေဟာ ပိုက်ဆံ ဘယ်လောက်ရှိရှ်ိ ငွေကြေးနဲ့ ဝယ်လို့ မရပါဘူး .......
ငွေကြေးနဲ့ ဝယ်လို့မရတဲ့ အရာတွေထဲမှာ ....
စေတနာ , ချစ်ခြင်းမေတ္တာ နဲ့ ကိုယ်ချင်းစာတရားတွေ ပါဝင်နေပါတယ်......

23/03/2022

ယုံကြည်မှုရရှိအောင် ဘယ်လို တည်ဆောက်မလဲ? 💯💯
စီပွားရေးကိစ္စတွေမှာပဲဖြစ်ဖြစ်၊ လူမှုရေးကိစ္စတွေမှာပဲဖြစ်ဖြစ် လူတစ်ယောက်နဲ့တစ်ယောက်ကြားမှာ အရေးကြီးဆုံးက ယုံကြည်မှုရှိဖို့ပါ 💢💢
လူတစ်ယောက်ဆီကနေ " ငါ သူ့ကိုယုံတယ်" ဆိုတဲ့ စကားတစ်ခွန်းကြားရဖို့ဆိုတာ လွယ်ကူလှတဲ့ကိစ္စတော့မဟုတ်ပါဘူး... ယုံကြည်မှုဆိုတာ တခါ ဆုံးရှုံးသွားပြီးရင် အရင်လို ပြန်မဖြစ်နိုင်တော့တဲ့ အရာတစ်ခုဆိုလည်း မမှားပါဘူး ✅✅
အဲ့ဒါကြောင့် လူတစ်ယောက်နဲ့တစ်ယောက်ကြားမှာ ယုံကြည်မှုရရှိအောင် ဘယ်လို တည်ဆောက်ရမလဲဆိုတာ မျှဝေပေးလိုက်ပါတယ်။
to Original up loader.