01/08/2025
Титан дээр гар аргаар сийлбэр хийх нь маш өндөр ур чадвар, цаг хугацаа шаардсан туйлын ажилбартай процесс юм. Энэ нь ердийн төмөр, ган эсвэл алт, мөнгө, зэс, гууль гэх мэт металлуудаас хамаагүй хатуу, уян чанар багатай тул боловсруулахад онцгой анхаарал, ур чадвар, тусгай багаж хэрэгтэй болдог бөгөөд урлахад илүү нарийн төвөгтэй, боловсруулалтын зардал өндөр гэдгээрээ ялгардаг. Титан нь алтнаас 20 дахин, мөнгөнөөс 13 дахин илүү, төмрөөс 5-8 дахин хатуу тул урлалд хэрэглэснээр илүү удаан эдэлгээтэй, үнэ цэнтэй, өвөрмөц бүтээл гардаг.
🛠 Ажилбартай талууд:
1. Материалын хатуулаг:
Титан нь маш хатуу, бат бөх материал тул сийлбэр хийх багаж хурдан мохох, элэгдэлд орох нь элбэг. Тиймээс хатуу карбид, алмазан үзүүртэй багаж ашигладаг. Гар ажиллагаагаар гүн сийлбэр хийхэд 1 хээний цэгийг л зурахад хэдэн минут шаардагдах нь бий.
2. Уян хатан биш:
Сийлбэрлэх явцад хэт их хүч шаарддаг, нягт нямбай гар ажиллагаа хэрэгтэй. Мөн л багаж түргэн элэгдэх, эвдрэх нь элбэг.
3. Дулаан дамжуулалт багатай:
Халааж зөөлрүүлэхэд бусад металл шиг амархан хэлбэрждэггүй. Зүлгэх, хөрөөдөх, тасдах, өрөмдөх, сийлэх гэх мэт механик ажиллагааны үед тухайн хэсэгт халалт үүсэн хатуурах (work hardening) шинж чанарай тул багажыг хурдан элээх, өөрийн гадаргуу гэмтэх эрсдэлтэй.
4. Алдаа засах боломж муу:
Хэт бат бөх тул алдаа гарвал засах бараг боломжгүй, бүтээлийг дахин эхлэх шаардлага гардаг.
5. Сөрөг нөлөө:
Титан өөрөө хортой металл биш боловч түүнийг боловсруулах явцад үүсэх тоос, утаа, үнэр нь удаан хугацаанд өртсөн тохиолдолд уушги, арьс, хараанд сөрөг нөлөөтэй
🌟 Давуу талууд:
✔️Маш бат бөх, зэврэлтэнд тэсвэртэй:
Ус, хөлс, хүчил, зэвэнд тэсвэртэй тул олон зуун жил хадгалагдана.
✔️Хүний биед элдэв харшил, сөрөг нөлөө үзүүлдэггүй.
Титан нь никель, хром, хар тугалга гэх мэт харшил өдөөдөг элемент агуулаагүй. Мөнгө, зэс, ган зэрэг металлууд зарим хүмүүст арьсны харшил үүсгэдэг бол титанд ийм тохиолдол бараг байдаггүй.
Ялангуяа арьс мэдрэмтгий хүмүүс, арьсны өвчтэй хүмүүс титанан гоёл, цаг, бугуйвч гэх мэт эдлэлүүд сонгох нь хамгийн зөв сонголт.
✔️Өнгөний тогтвортой байдал:
Цаг хугацаа өнгөрөхөд гялалзалт, өнгө алдахгүй, өнгөлөг хэвээр үлддэг.
✔️ Титан исэлдэх чадвартай тул цахилгаан аноджуулалт (anodizing) хийснээр олон төрлийн өнгө (цэнхэр, нил ягаан, алтлаг, ногоон гэх мэт) гаргаж болдог.
Энэ нь будаг биш, титаны гадаргууд нөлөөлсөн байгалийн гэрэл хугаралтаас үүдэлтэй өнгө тул тогтвортой, элэгдэхгүй.
✔️Орчин үеийн технологийн металл:
Агаарын болон сансрын технологид хэрэглэгддэг ховор металл учир бүтээл үнэ цэнтэй болдог.
✔️Титанаар урласан бүтээлийн амьдралын хугацаа хэдэн зуунаар яригдах боломжтой.
💎 Дүгнэлт:
Титан дээр сийлбэр хийх нь зөвхөн гоёл биш шинжлэх ухаан, гар урлал, гоо зүйн цогц нэгдэл юм. Энэ нь тухайн дарханы сэтгэлгээ, мэдрэмж, тэвчээрийг илэрхийлдэг, дахин давтагдашгүй урлагийн үнэ цэнэтэй нэгэн төрөл болсон. Сансрын болон агаарын хөлөгт хэрэглэгддэг титаныг урлагт ашиглана гэдэг бол технологи, уламжлалт урлалын хослол бөгөөд тухайн бүтээл олон арав зуун жилийн эдлэгээ дааж үеэс үе дамжин эдлэгдэх боломжтой гайхалтай үр дүн юм.
