22/12/2025
Зовсоны эцэст Зовдог.
Хүмүүс зовсоны эцэст жаргадаг гэж боддог, гэтэл зовсоны эцэст улам зовдог санагддаг. Зовлонгоосоо салъя гэж бодож байгаа бол одоо л өөртэйгөө тэмцэх. Тэрнээс одоо зовоод л ирээдүйд жаргана гэсэн үг биш. Гэнэт л жаргал хаанаас ч юм гараад ирэх юм шиг санадаг хүмүүстээ зориулж энэ түүхийг бичлээ. Гэнэт л өвчин эдгэчих юм шиг, гэнэт нэг архичин ухаарчих юм шиг, гэнэт нэг эм уугаад л хүүхэдтэй болох, гэнэт л хавдар үгүй болох, гэнэт л бүх зүйл сайхан болчих юм шиг хийсвэр бодлоо болиорой гэж энэ түүхийг бичлээ. Жаргал, зовлон бүгд өр төлөөстэй байдаг. Эмчлүүлэгчид дунд маань үнэгүй эм тан ууж эмчилгээ хийлгэдэг нилээд олон хүмүүс байдаг. Мөнгө байхгүй байсан ч надаас зээлж болох уу гэж асууж байгаад нь баярладаг. 👍 өөртөө хайртай байж өөрийгөө хайрладаг хүнийг өрөөл хайрладаг. Өөртөө хайргүй хүнийг үр хүүхэд, хань ижил ч хайрладаггүй шүү.
Та нартаа нэг түүх ярьж өгье. Бүсгүйчүүд минь эрхээ хамгаалах өдрөө эрхэлж өнжөөрэй😁
Нэг эмээ улсын эмнэлэгийн гадна уйлаад сууж байсан. Одоогоос 6 жилийн өмнө. Маш туранхай бөгтөр ядруухан хөл гар тахийж майжийсан хөгшин байсан. Үе мөч их өвддөгөөс болж өвчин намдаах хүчтэй эмүүдийг өдөр болгон бараг 7 жил маш их хэмжээгээр ууснаас болж ходоод дурандуулсан битүү шарх, хоол унд идэж ууж чадахгүй үхлээ хүлээхнээ гэж тэр эмээ над ярив. Настны жин 38кг нэг зээ охин нь эмнэлэгээр авч яваа. Сургуулиас нь дуудаад явчихсан намайг ирж авахыг хүлээж сууна гээд уйлж байсан саяхан санагдаж байна. За тэгээд ямарч байсан хөгшинд хоол идэж чаддаг болох уу? Та тан ууж байсан уу гэсэн үнэхээр хоол цайгаа идэж ууж чадаж байвал ядаж үхтэлээ өвчин намдаахаа уугаад үхэхсэн гэв. Өдрийн эмчилгээнд авч дотроос эм тан уулгав. Эгч овоо дээрдэж зээ охин авчирч өгөөд явна 5 хоноод нэг өдөр намайг эмнэлэг авч явах хүн байдаггүй, би эмчилгээгэж таслах нь гээд над утас ирэв. За та яаж ийж байгаад ирэхийг бодоорой гэв. Би дотроо үр хүүхэд цөөн хүн бна гэж бодсон боловч 8 хүүхэдтэй ээж байв. Хар бага наснаас өнчин өрөөсөн байж, зовж зовж насанд хүрэв, ганцаараа байхын зовлон хэцүү тул 8 хүүхэдтэй болов нөхөр залуугаараа өнгөрсөн. Одоо л жаргах нь мөн ч их зовлоо доо гээд бодсон, эмч нурууны мрай авхуулаад ир гэхэд ээждээ мөнгө өгөх надад нэг ч хүүхэд байсангүй. Нэг нь ч намайг тоосонгүй. Тэтгэвэрээ зээлээд бага хүүдээ машин авахад тусалсан. Том охины энэ муу охин над тусалж надтай байдаг ухаантай. Дуртайдаа биш хойд аавтайгаа таардаггүй. Хүүхдүүддээ төвөг удахгүй гэж хажуу айлын охин Эрээн хот явахад нь үе мөчний ногоон эм байнга захиж уусан хоолны оронд хоол болгож өдий хүрлээ. Одоо нэг зовохгүй л үхчихмээр санагдах. Бас барж дуусгаагүй үйл байгаа бололтой гэж хэлэв. За ингээд эгч бид хоёр 8 хоног эм тангаа ууж эмчилгээнд явж арай дээрдээд эм тангаа дуусгаад эргээд ирэхээр тохирч салав. Эгч улиралдаа нэг ирж эм тан ууна, зүү шавар тавиулна. Ингээд бараг жил шахуу эгч халуун хайлмагтай ирнэ, банштай цайтай ирнэ, над юу бна өгөх гээд л хайгаад байна, нэг удаа шилэн трико авчирч өгөв. Жил гаруй бид хоёр ямарч үнэ төлбөр авсангүй 4 удаа ирж эмчилгээ 5 удаагийн давтамжтай эм тан ууж хамаагүй сайжирч аваад нэг хэсэг алга болов. 2024 оны 8 сард нэг дуудлага ирсэн нь том охин нь байв. Ээж маань өнгөрсөн тантай намайг уулзаж заавал үзүүлээрэй гэж захисан юм гээд яриа тасрав тэр эмэгтэй ч ирсэнгүй. Тэгээд саяхан санаанд оров. Тэр эгч ингэж хэлсэн зовсоны эцэст жаргана гэж их худлаа үг байна. Зовсоны эцэст бүр зовдог юм байна гэж хэлсэн үг🥲
