24/05/2026
Өнөөдөр 05.24 Ням гариг зуны эхэн сарын шинийн найман буюу Бурхан багшийн гэрээс гарч тойн хуврага болсон их дүйчэн өдөр тохиож байна.
Бурхан багш гэгээрснийхээ дараа Анхны номын хүрдээ эргүүлж, дараах суурь сургаалуудыг номлосон байдаг.
* Хутагтын дөрвөн үнэн:
1. Зовлон үнэн: Орчлонгийн амьдрал зовлонтой.
2. Зовлонгийн шалтгаан үнэн: Зовлонгийн үндэс нь хүсэл тачаал, мунхаг харанхуй юм.
3. Зовлонг гэтлэх үнэн: Хүсэл шуналыг дарвал зовлонгоос ангижирч (Нирваанд) хүрнэ.
4. Зовлонг гэтлэх зам мөр үнэн: Зовлонгоос ангижрах найман гишүүнт хутагтын зам мөр.
* Мөрний найман гишүүн: Зөв үзэл, зөв бодол, зөв үг, зөв үйл, зөв амьдрал, зөв хичээл зүтгэл, зөв дурсамж, зөв бясалгал.
Бурхан багшийн энэ их дүйчэн өдөр хилэнцэт идээ ундааг тэвчиж цагаан хоол хүртэж буян номдоо шамдаж өнгөрүүлбэл хураасан буян түм түмээр арвидан дэлгэрэх болно хэмээн монголчууд эртнээс хичээж ирсэн билээ.
Энэ өдөр Хүрээ хийдүүдэд номын мөрд орогчид ангид тонилох сахил болон тэгчэн сожон хүртэх тэргүүтэй номын үйлс бүтээж шамддаг юм 🙏.
