Mill-kċina ta’ Pawlina

11/09/2026

Jekk tfittxu riċetti tiegħi fuq il-paġna ser issibu ħafna riċetti differenti ta' kif insajjar il-fenek, għax huwa laħam favorit tiegħi.
Warajh tiġieġ, vitella w' ħaruf.
Iċ-ċanga l-inqas favorita miegħi imma favorita ma l-irġiel tal-familja allura nsajjarha wkoll.

Illum il-fenek qlejtu bi ftit butir u żejt fuq nar baxx...umbad
Żidt basla u ftit tewm sew
Tadama mqatta', piżelli tal-friża, dada mfarrka tal-laħam, bżar iswed midħun frisk u tursin niexef
Ksejtu bil-għatu u tektikt għal 30 minuta u sar tebqa kif jgħid il-Malti, jiġifieri għartab ħafna u tajjeb.
Servejt miegħu ftit patata moqlija ta' Malta u ħobża tal-Malti friska
Mmmmmmm.... xi tjubija!!

07/09/2026

Tal-lampuki
Min irid jista jagħmel spinaċi mqattra tal-friża flok zucchini u jqalliha normali

Għamilt dawn it-torti fejn użajt zucchini flok spinaċi, għal dawk li ma jistgħux jieħdu ħaxix aħdar li jqawwi d-demm. Żidt zalza msajjra li għamlet togħma ħafna differenti mis-soltu, u ġew tajbin immens.
Min ma jistax jieħu x’ingridjent partikolari jista jeliminah, skond il-ħtieġa tiegħu.

Torti żgħar tal-Lampuki u Zucchini

6- 8 torti tondi 12cm

Għaġina tat-torti

500 g dqiq plejn
150 ml żejt veġetali
Bajda mħabbta
Niskata melħ
Ilma kemm hemm bżonn
Bajda oħra mħabbta apparti

Daħħal iż-żejt mad-dqiq mgħarbul u l-melħ sakemm jiġi qisu frak tal-ħobż
Żid il-bajda u ilma kemm hemm bżonn biex tagħmel għaġina lixxa.
Iksi bil-plastik u ħalliha sagħtejn fil-fridge

Lampuka kbira mnaddfa u mqatta u moqlija ħafif bi ftit żejt, wara li tiksaħ neħħu x-xewk kollu u farrkuha ġo skutella
3 zucchini maħkuka
Basla kbira mqatta
Zalza tat-tadam msajjra

Qalli z-zucchini u l-basla ħafif u żid mal-lampuki

Zalza
4 tadamiet mismuta, mqaxxra, u mqattgħin
4 sinniet tewm mqattgħin
2 mgħaref kappar
2 mgħaref żebbuġ mqatta mħallat
Ftit inċova
Mgħarfa ħwawar friski mqatta jew nofs kuċċarina ħwawar nixfin
Ponta ta’ kuċċarina zokkor
Kuċċarina żejt taż-żebbuġa
100 g piżelli tal-friża
Tektek dawn l-ingridjenti flimkien għal madwar 45 minuta, ħawwad min ħin għal-ieħor
Żid din iz-zalza mat-taħlita tal-ħut u ħawwad sew

Iftaħ l-għaġina rqiqa kemm tixtieq 12 cm
Dellek bil-bajda mħabbta, biex ma jirtgħabx il-qiegħ tat-torti
Għamel 2 mgħaref mili u iksi bl-għaġina u għalaq sewwa t-truf tat-torti
Dellek il-wiċċ bil-bajd u itfa ftit ġunġlien
Poġġi ġo dixx miksi bil-karta forno fejn xulxin
Aħmi ġo forn ta 200 c sakemm isiru
Servi ma nsalata friska

04/09/2026

Xiħaga tajba għal tmiem il-ġimgħa
Bla glutejina
Veru jiġu tajbin!! Ippruvawhom

Biskuttini tal-ġewż
Riċetta faċli u tajba
Toħroġ 30 waħda jew iktar skont kemm huma kbar

250 g ġewż inkaljat u mfarrak sew li jiġi trab
200 g trab taz-zokkor mgħarbul
Bajda mħabbta
Kuċċarina essenza tal-vanilla
Kuċċarina essenza tal-lewż
Trab taz-zokkor biex iżżejjen

Ħallat it-trab taz-zokkor mat-taħlita tal-ġewż
Żid l-essenzi mal-bajda mħabbta u bil-mod il-mod itfa ftit ftit mal-lewż sakemm ikollok għaġina ftit twaħħal ( tista ma tużax il-bajda kollha imma kemm hemm bżonn)
Ifforma blalen daqs li tixtieq u uża ftit trab taz-zokkor ma jdejk biex ma jwaħħlux, u poġġi fuq dixx miksi bil-karta forno
Aħmi forn 160 grad għal 10 minuti
Oħroġ , avolja tarahom rotob għax dawn ser jissudaw u jekk taħmihom ħafna jiġu ibsin.
Ferrex ftit trab taz-zokkor fil-wiċċ

31/08/2026

Lażanja dieħla fil-forn
Inlestiha qabel għax nuża għaġin nej, inħalliha siegħat fil-fridge umbad naħmiha eżatt qabel inserviha.
Tiġi ratba, u perfetta kif suppost tkun lażanja.

Dixx ta 30 cm bi 28 cm

Għal 6 persuni
3 layers għaġin tal-lażanja
500 g irkotta
500 g ikkapuljat imħallat
500 g krema friska mħabbta
Bajda mħabbta
8 sinniet tewm
8 tadamiet imqattgħin
Dada tal-laħam
Ftit ilma
Bżar u melħ

Qalli l-ikkapuljat bla żejt xejn mat-tewm u żid it-tadam u d-dada
Għatti u tektek sagħtejn fuq nar baxx, żid ftit ilma u ħawwad min ħin għal ieħor biex ma tixxuttax
Għaffeġ l-irkotta ġo skutella oħra u żid nofs il-krema mħabbta u bajda mħabbta, bżar u melħ
Itfa ftit zalza fil-qiegħ tad-dixx u iksi bil-għaġin tal-lażanja
Żid iz-zalza tal-ikkapuljat ħalli ftit meraq għal wiċċ biss
Iksi bil-għaġin u ferrex l-irkotta
Erġa iksi bil-għaġin u ferrex iz-zalza u l-krema li fadal fil-wiċċ
Ftit bżar
Ħalliha togħqod mill-inqas 3 siegħat fil-fridge
Aħmi ġo forn sħun sakemm tara li l-għaġin sar sew
Ħalliha togħqod ftit qabel taqta u servi magħha ftit ġobon maħkuk

28/08/2026

Qarnita u ftit patata ċips tinżel tajba llum x'taħsbu?

Illum sajjartha bit-tewm iswed u flok piżelli żidt ful tal-friża biex ħloqt riċetta ftit differenti
Ġiet tajba mmens!!!

Għal 2 persuni
Kilo qarnita
100 g żebbuġ aħdar u iswed
2 imgħaref kappar
Basla mqatta
8 sinniet tewm iswed imqatta
3 tadamiet mqattgħin
Ftit ħwawar friski li għandek
Ftit ful imqaxxar kemm tiggosta
Dada tal-ħut imfarrka
Bżar iswed kemm tixtieq
250 ml ilma mill-borma tal-qarnita
4 imgħaref żejt taż-żebbuġa

Għalli l-qarnita sħiħa għal madwar 20 minuta u ħalliha tiksaħ fil-borma, tarmiex l-ilma
Qattagħha daqs li tixtieq
Qalli il-basla, tewm iswed, ħwawar, u tadam fiż-żejt taż-żebbuġa
Żid il-qarnita, żebbuġ, kappar, dada, bżar, u qalli ftit ukoll
Żid ftit l-ilma mill-borma tal-qarnita u tektek madwar 30 minuta sakemm issir ratba
Żid il-ful iffriżat u sajjar 4 minuti oħra
Servi biċ-ċips u ħobż frisk
Yummy 😋

25/08/2026

Kejk speċjali għal ħabib tagħna f'għeluq żmienu.
Jiġi artab, sempliċi u tajjeb.

Kejk taċ-ċikkulata w' ġewż
Dixx ta' 30 cm × 28 cm miksi bil-karta forn

200 g dqiq self raising mgħarbul
150 g zokkor
100 g trab taċ-ċikkulata mgħarbul
150 ml żejt veġetali
4 bajdiet imħabbtin
Kuċċarina trab tal-ħami
Kuċċarina vanilla
Nofs kuċċarina baking soda
250 ml misħun jgħali

Biex iżżejjen
150 g ġewż inkaljat
200 g ċikkulata tal-ħalib
2 imgħaref żejt veġetali

Ħallat fi skutella
Id-dqiq, zokkor, trab tal-ħami, trab taċ-ċikkulata, baking soda

Fi skutella oħra ħabbat il-bajd, żid il-vanilla u ż-żejt
Ħawwad kollox ma l-ingredjenti l-oħra
Fl-aħħar żid il-misħun jgħali u tara li t-taħlita tiġi qisha bir-rawha
Itfa' fid-dixx u aħmi għal madwar 30 minuta ġewwa forn sħun ta' temperatura ta' 180 c sakemm in-nofs joħroġ xott.
Ħallih jiksaħ
Dewweb iċ-ċikkulata maż-żejt fil-microwave, ħawwad kull 40 sekonda biex ma taqbadlekx
Iksi l-kejk u żejjen bil-ġewż inkaljat.
Kull ġewża għandek gwida ta' porzjon meta taqta l-kejk.

21/08/2026

Qatt sajjartuhom il-Pierogi?
Dawn huma tip ta ravjul oriġinat mill-polonja u llum qed insibu nixtruh ukoll.
Ikunu mimlijin ħafna drabi bil-kaboċċi immarinati ( sauerkraut ) u bejken jew b'ħafna ingridjenti differenti oħra bħal laħam, ħut, tiġieġ, ġobon, ħaxix u anke jistgħu ikunu mimlijin bl-ingridjenti ħelwin u servuti bħalha diżerta.
Skont x'ser issajjar tisserva zalza sempliċi biex ma tintilifx it-togħma tagħhom.
Jien illum kelli tip li huma tradizzjonali mimlijin bil-kaboċċi u bejken u magħhom servejt zalza sempliċi tal-faqqiegħ u ftit ġobon fil-wiċċ.
Kultant sabiħ li nippruvaw ikel differenti min pajjiżi oħra u dawn niżlu tajjeb ħafna għax jixbħu r-ravjul li aħna mdorrijin bih.
Titħajjru ssajruhom?

19/08/2026

Illum il-lampuki sajjarthom bil-mod l-antik, bid-dqiq, u imqattgħin.
Żidu ftit bżar u melħ mad-dqiq u iksu ħafif ħafif u aqlu fit-taġen bi ftit żejt jaħraq u tewm imqatta'.
Biex tkunu tafu li saru sew, baxxu n-nar u iksu bil-għatu biex jekk ikun hemm xi demm max-xewka tan-nofs jinxef u jsiru sew.
Magħhom ftit bżar aħdar biz-zalza u patata ta' Malta moqlija u tniżżel ħobża friska sħiħa!! 😋🤗

17/08/2026

Lampuki are in season!!

The best way to eat Mahi Mahi, Dolphin fish or as we Maltese call it Lampuki is seared in oil , garlic, lemon, sea salt and black pepper
Cut the heads and tails and save to make a lovely fish soup later, and slice the fish from both sides and slow fry to cook well from both sides
Serve with french fries and roast mixed vegetables

Yummy!!!!

10/08/2026

Xiħadd staqsieni għal din ir-riċetta sempliċi u tajba.
Hawn hi!!!

Good Morning!!!!!
Ooohhhh what a beautiful morning, oh what a beautiful day🌞🎶!

Cooking Maltese pork spare ribs in a pot using no oven is so easy.
I had 2 kilos of ribs serving 2/3 people. They were thick this time not the lean part of the back ribs.
And the butcher chopped them for me.

Immerse in water and boil for around and hour and a half.
Remove all water and...this removes a lot of fat too,
Brush lightly with olive oil,
Add 4 chopped garlic cloves,
1 finely chopped onion,
4 tablespoons bbq sauce,
4 tablespoons Worcester sauce,
1 teaspoon dry mixed herbs,
2 tablespoons honey,
Salt and pepper
50 ml red w**e

Simmer for 30 minutes in this sauce and serve with your favourite sides.....yummy!!!!