20/09/2026
🎣 Kjempekveld med fiskekurs!
Torsdag hadde me fiskekurs med Endre Hopland – og det vart ein skikkeleg suksess! Rundt 40 personar møtte opp for å lære meir om fisking. Nokre var drevne fiskarar, medan andre var nybegynnarar, men me er ganske sikre på at alle gjekk heim med mykje ny kunnskap.
Endre heldt det gåande i nesten tre timar og tok oss gjennom alt frå takkel, havbommar og slukar til kva storleik og vekt har å seie. Me fekk også ein god gjennomgang av stenger, sneller og ulike typar snøre og knutar.
I tillegg lærte me om dei vanlegaste fiskeslaga i området, kva artar ein lettast får med agn, og korleis ein kan lese sjøkart og ta omsyn til vind og straum for å finne ut kvar fisken står.
Og så var det dette med å fiske med agn … Det kan fort bli ein «gamechanger» for fleire av oss!
På den andre sida ante eg ikkje at eg kunne så lite om fisking, sjølv om eg har vakse opp ved sjøen og fiska i 40 år 😅
Det var ein svært fornøgd gjeng som gjekk heim etter kurset. No håpar me den nye kunnskapen gir storfangst framover!
Ein stor takk til Endre Hopland for eit lærerikt, engasjerande og svært vellukka kurs! 👏🎣
