Ātua Creatives

31/05/2026

Tēnā tātou, e te whānau,

Kua āta peitapeita haere au i tēnei pikitia. Arā, ko te whakaahua tuarua o taku raupapatanga pikitia hai whakatairanga i ngā kupu whakarite.
Ānei te kāhu. Nā, ko te mahi ngahau kai te haere — arā, ko te tā i ngā hoahoa, me te tapiri i ngā kupu whakarite.

Heoi anō, kai te mōhio rānei koutou ki ētahi kupu whakarite e hāngai ana ki te kāhu?
Ina mōhio koutou, tēnā, tohaina mai ki ngā tākupu.

---Translation---
I’ve been slowly working away on this piece, the second image in my picture series promoting kupu whakarite. This one is a kāhu.

Now comes the fun part — adding the design work. And kupu whakarite (Similes)

Do any of you know of some kupu whakarite that relate to the kāhu?
If so, share them in the comments.

Mauri ora 🌀

17/05/2026

Kia ora anō rā, e te whānau.

Anei te otinga o te patu nei me tōna tūnga. Ko te tūnga nei, e taea ana te whakairi ki te pakitara. Nā, ko te patu nei, kua whakairohia ki te rākau kānuka, ā, ko te tūnga, ki te rākau rimu.

Kāti rā, ki te whakaaro ake koe, ka taea e koe te kite i tēnei taonga e whakairi ana ki tētehi pakitara o tōu whare, tēnā, tukua mai he karere. Ka taea pea e tāua te kōrero mō te hoko atu.

Ina hiahia rānei koe ki tētehi taonga māu, mā tō whānau, mā tētehi kaupapa motuhake rānei, kaua e whakamā ki te PM mai. Kai te wātea au ki te āta wānanga i tāu e hiahia nā.

---Translation---

Here is the completion of this patu and its stand. The stand is designed so it can be hung on the wall. The patu has been carved from kānuka, and the stand from rimu.

If you can picture this taonga hanging on a wall in your home, send a message. We may be able to discuss purchase

Or, if you are wanting a taonga for yourself, your family, or for a special occasion, don’t hesitate to message me. I am available to discuss what it is you are wanting.

Mauri ora. 🌀

26/04/2026

Anei te otinga o tetehi anō pūtātara, e te whānau.
Kua whakairohia te ngutu ki te rākau rātā, waihoki, kua whakanikoniko, kua whakareia ki ngā huruhuru manu.

Mauri ora 🌀

08/01/2026

Tēnā tātou,

A bit of a change in content e te whānau. Engari, he tuatahitanga tēnei māku, arā, ko te piki ake i tōku maunga, i Ngongotaha kia whakawhenua anō i tōku anō Whakauetanga.

23/12/2025

Kia ora rā e te whānau,
Kua roa te wā māku hei whakamahi nei i āku whao. Inarā, ko tēnei wāhanga o te tau. Heoi anō, ānei rā tētehi pātītī kua oti i a au ki te rākau maire.

28/10/2025

05/10/2025

Tēnā rā, e te whānau,

Nā, kua huraina e tēnei hīrau tōna anō rerehua, me ōna anō kōrero hei pūrākau mō te kaiwhiwhi.

Ā tua kura huna
Ā tua whakairo kōrero
Ā tua pupuri taonga

22/08/2025

Tena tātou e te whānau.
Kua roa tonu te wā, hoinō, kua oti i a au tēnei tiripou te whakairo ki te rākau kānuka.
Kati rā, ka huri nei taku titiro i āianei kia whakairohia nga kupu whakawhetai ki te kaitono, ki a Raun Makirere-Haerewa .

E hika, nōku te maringanui kia whakairohia tēnei tiripou māu hei taonga whakanui i tōu pāpā. Katahi te whakaaro rangatira ko tēnei. Ka mutu, nā koutou ko āu tamariki anō i whakawhiti kōrero, i whakawhiti mahara kia tapaina te ingoa hirahira nei, arā, ko Te Hono-Uri-ki-Taiao — he ingoa e kōrero ana i te hononga o tōu pāpā ki te taiao, i ōna pūkenga mahinga kai, me aua tautohito katoa kua whāngaihia koutou e ia; kaore e kore ko aua maumaharatanga ka toko ake hei tiripou anō i ō koutou rau mahara, ā, ka kawea tonutia aua pukenga e koutou ko ōna uri whakaheke mō te āke ake.

Ā tua whāngai pūkenga.
Ā tua takoha mauri.
Ā tua toko i te ora.

27/07/2025

Kua pari ngā tai o mahara kia whati anō ngā tai o aumihi.
Ka pupū ake te puna o whakamānawa ki a koe, e te pou whakakōkiri i Ngā Tai o te Āke Āke,

I te marama o Āperira koe i hokona ai he taonga nāku,
he pou herenga, he kaitiaki nō ngā tai a Tangaora.
He taonga hei whakamarumaru i a koe i te ao o āu nā mahi tapu rawa.
He mahi mutunga kore āu hei tiaki i te manawa ora.
He kākahu tūpore mō te hā ora o rātou e rere atu ana ki tua o te ārai,
mō ngā wairua kua timata kē te whai i Te Ara-whānui-a-Tāne.

Nā reira, e te rangatira,
Kia rongo te tangi aroha o ngā tai o te ao,
ka horapa te mana o āu nā mahi ki ngā pae tawhiti.
Me he toka tū moana koe i waenga i ngā tai hurihuri -
kia ū, kia pūmau, kia toitū tōu kaha ki te iwi.
Whakamaua tonutia te kahu o te maungārongo
kia ekea ngā ngaru whakaū o manawanui.
Ko ngā au kaha o te wairua e kawea nā koe ki ngā taumata hou,
ki ngā pae tawhiti o Ngā Tai o te Āke Āke.

Ā tua manaaki whānau
Ā tua poipoi wairua
Ā tua mahi rangatira

23/07/2025

Te Hāurutapu

He hei tiki nō te rei parāoa — he taonga hei pupuri i te hā, i te tapu, i te mauri taketake o te tangata.

I hua mai i te riu o te parāoa — te wāhi tiaki i te manawa.
Nā te moana i tuku, nā ōku ringa i whakahoki ki tōna anō orokohanga taketake kia huri hei Te Hāurutapu.
He taonga hei hiki i te hā, hei whakamāmā i te wairua, hei whakaoho i te mauri moe.

Ko ngā niho taniwha e whakareia ana ki tōna tinana he tohu whakamarumaru, he tohu whakakaha — he ārai i ngā hau kino, he paepae hoki mō te mauri kia kore ai e whakararu.

Mā Te Hāurutapu koe e whakahoki ki tō tapu taketake, ki te pū o tō mauri — i mua i ngā whakararu, i mua i te rerekē o te ao, i mua i tō wareware i a koe anō.
He hā nō tua whakarere, he manawa ora ō nāianei.

Ā tua whakaoho mauri
Ā tua whakaora wairua
Ā tua whakatau hā