27/07/2026
Monday Devotion
Exhorter : Rochelle
Sa gitna ng takot at pangamba, si Lord ang kakampi ko
“Hindi ang kawalan ng takot ang nagbibigay ng kapayapaan. Ang tunay na kapayapaan ay ang katiyakang kasama mo ang Diyos kahit may kinatatakutan ka.”
May mga araw…
Na puno ng takot ang isip natin
Takot sa mangyayari bukas.
Takot na baka hindi natin kayanin.
Takot na baka mawalan.
Takot na baka mabigo.
Pero sa bawat sandaling iyon…
May isang katotohanang pinanghahawakan tayo
Si Lord ang kakampi natin
Sabi sa Awit 118:6,
“Ang Panginoon ay kakampi ko; hindi ako matatakot. Ano ang magagawa sa akin ng tao?”
Pansinin po natin...
Hindi sinabi ng salita
“Wala akong kinatatakutan.”
Ang sinabi niya…
“Ang Panginoon ay kakampi ko.”
Ibig sabihin…
Hindi nawawala ang mga pagsubok.
Pero nagbabago ang paraan ng pagharap natin sa mga ito.
Kapag alam mong kasama natin ang Diyos…
May lakas tayong magpatuloy.
May kapayapaang hindi kayang ibigay ng mundo.
May pag-asang hindi kayang nakawin ng anumang sitwasyon.
Sabi rin sa Isaias 41:10,
“Huwag kang matakot, sapagkat Ako’y kasama mo… Palalakasin kita, tutulungan kita, at aalalayan kita ng Aking matuwid na kanang kamay.”
Hindi ka nangakong magiging madali ang laban.
Pero nangako ang Diyos…
Na hindi ka Niya hahayaang lumaban nang mag-isa.
Kung may kinatatakutan ka ngayon…
Huwag mong hayaang ang takot ang manguna sa mga desisyon mo.
Hayaan mong ang pananampalataya sa Diyos ang manguna.
Lumapit ka kay Jesus.
Ipanalangin mo ang bawat alalahanin.
At ipagkatiwala mo sa Kanya ang hindi mo kayang kontrolin.
Dahil kapag ang Diyos ang kakampi mo…
Hindi ibig sabihin na mawawala ang lahat ng laban.
Ibig sabihin, may Kasama kang mas makapangyarihan kaysa sa anumang kinakaharap mo.
Verse of the Day
Awit 27:14
Ang pananampalataya ay nagsasabing, “Kasama mo ang Diyos kahit anong mangyari.”
