25/06/2025
اس ایک سٹریٹجی نے میرے بزنس میں دس گناہ کلائینٹس بڑھادیے ہیں!
جب بھی آپ کسی بھی آن لائن سروس یا کاروباری ماڈل کا آغاز کرتے ہیں، تو سب سے اہم چیز یہ ہوتی ہے کہ آپ خود کو ہر جگہ بکھیرنے کے بجائے ایک مخصوص سمت میں قائم رکھیں۔
یعنی ایک niche چنیں ایسا میدان جس میں آپ کو سب سے زیادہ تجربہ، سمجھ اور مہارت حاصل ہو۔
شروع میں میں بھی یہی غلطی کرتا رہا کہ جو بھی کلائنٹ ملتا، جس بھی انڈسٹری سے ہوتا، میں pitch کر دیتا۔
بس یہی سوچ کر کہ کام مل جائے تو سہی، باقی سب سیکھ لوں گا۔ لیکن اس طریقہ کار نے مجھے کسی ایک میدان میں ماہر بننے ہی نہ دیا۔
میرے پاس ہر انڈسٹری کا تھوڑا تھوڑا تجربہ تو ضرور تھا، لیکن کسی ایک کا solid proof یا strong portfolio نہیں تھا۔
وقت کے ساتھ جب میں نے اپنے پچھلے کاموں کا جائزہ لیا، تو مجھے اندازہ ہوا کہ میں نے سب سے زیادہ، اور سب سے مؤثر کام home improvement کے businesses اور ecommerce stores کے ساتھ کیا ہے۔
ان کے ساتھ کام کرتے ہوئے نہ صرف مجھے اچھے نتائج ملے بلکہ کلائنٹس بھی مطمئن رہے۔
یہی وہ مقام تھا جہاں مجھے سمجھ آیا کہ اب ہر طرف بھاگنے کے بجائے ایک سمت میں دوڑنا زیادہ فائدہ مند ہے۔
میں نے فیصلہ کیا کہ اب صرف ecommerce stores کو ہی target کروں گا۔
جب بھی کسی نئے ecommerce کلائنٹ کو pitch کرتا ہوں تو اپنے پرانے کلائینٹس کی case studies، کیس سٹدیز اور حاصل کردہ نتائج دکھاتا ہوں۔
میری بات میں وزن آجاتا ہے کیونکہ میں ان کے بزنس کو سمجھتا ہوں۔ مجھے پتا ہوتا ہے کہ ان کے مسائل کیا ہیں، اور ان کا حل کیسے دینا ہے۔
اس طریقہ کار نے میری freelancing کی دنیا بدل دی۔ اب میں جسے بھی pitch کرتا ہوں، وہ فوراً دلچسپی ظاہر کرتا ہے۔
میرا client closing rate پہلے کے مقابلے میں دس گنا بڑھ چکا ہے۔ اور یہ سب صرف اس وجہ سے ممکن ہوا کہ میں نے ایک niche چنی، اسی پر فوکس کیا، اور اپنی ساری توانائی اسی میں لگا دی۔
ہر نئے فریلانسر کو میری یہی نصیحت ہے کہ ابتدا میں ہی اپنے آپ کو پہچانیے۔
اپنے کاموں کا جائزہ لیجیے اور دیکھیں کہ آپ کو سب سے زیادہ مزہ، سمجھ، اور تجربہ کس فیلڈ میں ہے۔
پھر بس اسی niche پر جم جائیں۔ اسی کے اندر کلائنٹس ڈھونڈیے، اسی کے لیے پورٹفولیو بنائیے، اور آہستہ آہستہ اسی میں authority بن جائیے۔
یہ طریقہ کار میں نے Wali Ullah Shah بھائ سے سیکھا ہے ان کی پوسٹ کو پڑھ پڑھ کر اور وہ ہمیشہ یہی کہتے ایک ہی نیچ میں کام کرو اس سے زیادہ مثبت نتائج ملینگے
اور مجھے واقعی میں حاصل بھی ہوئے ہیں جب سے اس پر عمل درآمد کیا ہے۔
یاد رکھیں، جو انسان ہر کام میں لگا رہتا ہے، وہ کسی ایک کام میں کمال نہیں کر پاتا۔ لیکن جو ایک کام میں کمال حاصل کر لیتا ہے، دنیا اُسی کے پاس آتی ہے
