شيف ماما Chef Mama

شيف ماما Chef Mama بحب الطبخ والإبتكار وبحب اشارككم تجاربي وافكاري تعالوا نشتغل وننبسط شرفوني في قروبي الخاص

#العيشبلديتوستصمونبدقيق قمح ولا فينو حا انزل ليكم سرار عجن وخبز العيش في البيت بطوة او بالفرنيلا وروني بتخبزوه في البيت...
09/08/2026

#العيش
بلدي
توست
صمون
بدقيق قمح ولا فينو
حا انزل ليكم سرار عجن وخبز العيش في البيت بطوة او بالفرن
يلا وروني بتخبزوه في البيت ولا بتشتروه وبكم في منطقتكم !

عجينة العشرة دقائق الطرية لا بيض لا حليب لا لبن بودرة ولا كلام كتير...تنفع ل: بيتزا ،مناقيش، بانكيك، فطائرما بتاخد منك غ...
22/07/2026

عجينة العشرة دقائق الطرية لا بيض لا حليب لا لبن بودرة ولا كلام كتير...

تنفع ل: بيتزا ،مناقيش، بانكيك، فطائر

ما بتاخد منك غير ١٠ دقائق بس...إعتمديها
الوصفة حا نتدرب عليها في قروبنا الخاص بالدورات المجانية♡

ال٦ منقوشات ديل حجم وسط ب كوبابتين دقيق فقط...
حا تكون ضمن دورة البزنس التعاوني المجانية ان شاء الله.

عملت منها
٢ بانكيك حلو بمربي الكرز وجوز الهند
وبيتزتين
ومنقوشتين بالزعتر والجبن
والنتيجة لذاذة ما حصلت♡
البتعجبها تعلق وتورينا رائها...


"استثمارك في قروش بيتك هو أول استثمار في نجاحك كصاحبة عمل."​"التوفير هو فن اختيار الأولويات، عشان نعيش حياة كريمة ومستقر...
24/04/2026

"استثمارك في قروش بيتك هو أول استثمار في نجاحك كصاحبة عمل."
​"التوفير هو فن اختيار الأولويات، عشان نعيش حياة كريمة ومستقرة "
​تعالوا نبدأ سوا رحلة ميزانية الشهر..

حا اقسمها ليكم لتلاتة اجزاء

الجزء_الأول: كيف تعملي ميزانية شهرية "بذكاء"؟

​الميزانية ما تقييداً لحريتك !! لا.. هي "خارطة طريق" وبداية التوفير.. عشان تعرفي بتودي قروشك وين؟؟؟ وتبدئ تعملي حسابك للصرف يا غالية.

​قاعدة (50-30-20)
بتجيبي دخلك مهما كان كم..سامعاني يا السمحة وبتقسميهو زي ما بقوليك
50% نص الدخل بتختيهو في ظرف للاحتياجات الأساسية (إيجار، فواتير الكهرباء والموية وتموين البيت)

30% للطوارئ
20% توفير
يعني انا دخلي ٢٠٠ ألف جنية مثلا اقسمها كيف؟؟
١٠٠ الف جنية للإحتياجات الأساسية
٦٠ الف طوارئ
٤٠ ألف توفير

#​نظام_الظروف: قسمي القروش بنفس الترتيب حسب مبلغ الدخل ممكن تبدلي ال٦٠ ألف مكان ال ٤٠ الف حسب الحوجة.

يلا ال ١٠٠ ألف قسميها قسيم المرارة
ظرف للتموين- ظرف للخضار - ظرف للعيش وهكذا
ولما تتابعي معاي وتتعلمي توفري في قروش الخضار والعيش وووو حا تشيلي البفضل في الظرف وتختيه مع مبلغ التوفير.

ليه اخت المبالغ في ظروف او أظرف؟
ده بيمنعك تسحبي من ميزانية بند علي التاني
وبيعلمك تزيدي شنو وتنقصي شنو للشهر الجاي..

اها انا دخلي ١٠٠ الف او اقل برضو قسمي إحتياجاتك الاساسية في ظروف: ظرف الخضار ، ظرف العيش ، ظرف التموين ، ظرف الفواتير وهكذا.

#تدريب عملي بسيط جيبي ورقة وقلم وسجلي مصروفاتك لليوم واحتفظي بالورقة.
المعانا تعلق وترفع يدها فوق واعرف سيدات القوة منو؟؟ والعايزين الدهب والقروش والبزنس منو؟؟



سجم خشمي ده جنسو شنو ده يا بنات امي!!!!قلت انزل دورة للمتابعات عن الكيك لاني وعدت كيكاتي لقيت التايم لاين بتاع صفحات الط...
19/04/2026

سجم خشمي ده جنسو شنو ده يا بنات امي!!!!

قلت انزل دورة للمتابعات عن الكيك لاني وعدت كيكاتي لقيت التايم لاين بتاع صفحات الطبيخ في نفس اليوم كله نزل كيك مع إنهم كانوا شغالين خبائز العيد !!! عاد كر من جنس ده..
حذفته وقلت اعمل دورات للحابين عشان الموضوع ما كان فيه تفاعل منكم للاسف ..!!
بديت مشروع التوفير عشان نعمل بزنس الاقي الموضوع بدا يتعمل من ساعات...
انا والله بجيب افكاري من راسي لا بشوف ترندات ولا بحكاي الموجة...

المهم بالنسبة لل ١٣ الف متابعة ازيكم كيفنكم انتو كويسين!!!

المصريات والجزائريات والسعوديات بدعموا ناسهم ونحنا ناس نراقب في صمت ونمشي نتجدع ليهم في صفحاتهم ده يكون من شنو يا اخواتي..!! الله غالب.

يلا بما اني زولة بزنس قررت اطنش واكمل "وفري لبزنسك" والزولة الإيجابية حا تتفاعل وتعلق وتبدا توفر فعلا وتبدا بزنس لانه:
الفال تحت اللسان
والقرش بجيب القرش
والسلبيات حا يطلعوا براهم من الصفحة عشان عايزين جو إيجابي وعايزين نعمل بزنس ناجح ولا شنو ..!
#قلتو

17/04/2026


كباب كفتة اقتصادي (اختاري لحم أو دجاج)
المكونات:
ربع كيلو لحمة مفرومة أو صدر دجاج مفروم
2 بصلة مفرومة (نصفي مويتها ونحتفظ بيها للتتبيلة)
2 جزرة مبشورة ناعم
2 فلفلية خضراء مبشورة ناعم (نصفيها ونحتفظ بالموية)
بطاطسة مبشورة ناعم وصفي مويتها.
٢ ملعقة كبيرة بقسماط / عيش ناشف
2 ملعقة كبيرة معجون طماطم
توم + ملح + بهارات
2 ملعقة زيت
بقدونس مفروم او مقطع ناعم

التِكّة السرية :
ربع ملعقة صغيرة باكنج صودا مدوبة في شوية موية بتدي طراوة رهيبة وبتخلي الكفتة تذوب في الفم 😍

#الطريقة:
اخلطي كل المكونات كويس واعجني لحدي ما تتماسك 👌
عندك خيارين للتسوية:
🔥 في الفرن:
ادهني الصينية زيت أو سمنة كويس
افردي الكفتة ادهني وش الكباب بخليط موية البصل والفلفلية ومعجون الطماطم والبهارات وشوية زيت
دخليها فرن متوسط (فوق وتحت)
لحدي ما تتحمر وتستوي تمام

🍳 في الطوة (بدون فرن):
ادهني الطوة كويس
افردي الكفتة ووخططيها باصابعك وبالكمشة بتاعة المطبخ اعملي مستطيلات طولية.
على نار هادية
بعد حوالي 15 دقيقة اقلبيها على الجهة التانية وارجعي غطيها لحدي ما تستوي.

وبالف هناء وعافية

16/04/2026

كيكة طرية وهشة ومرتفعة بدون فرن ولا كمية بيض كثيرة!!
فقط ٢ بيض وكوباية ونص دقيق.
يلا قومي اعمليها وإستمتعي مع ناس بيتكم بأحلي كيكة..بشهادة اولادي ارهب من بتاعة الفرن مليون مرة.

"الوصفة كاملة في الصفحة"

#كراميل

كيكة "الطاسة" السحرية.. في 20 دقيقة وببيضتين بس! ​بناءً على طلب 3 من متابعاتي الغاليات حبيت اشارككم سر "الكيكة الرهيبة"....
16/04/2026

كيكة "الطاسة" السحرية..
في 20 دقيقة وببيضتين بس!

​بناءً على طلب 3 من متابعاتي الغاليات حبيت اشارككم سر "الكيكة الرهيبة".. مسامية، قطنية، وبتخلص في أقل من ساعة من التحضير للأكل.
​✨ المقادير :
​2 بيضة + رشة ملح + ملعقة صغيرة فانيليا.
​نصف كوب سكر.
​نصف كوب زيت
3/4 كوب حليب مع ربع كوب زبادي – ممكن تستبدلي الحليب بمويه عادي.
​كوب ونصف دقيق منخول بننقص 2 ملعقة دقيق و+ 2 ملعقة كبيرة نشا (ده السر في الطراوة!) + 1.5 ملعقة صغيرة باكنج باودر.
​اللمسة الأخيرة: 1 ملعقة كبيرة خل ونصف ملعقة صغيرة باكنج صودا لو متوفرة
​👩‍🍳 طريقة التحضير (سهلة ومضمونة):
​اخلطي المكونات السائلة مع السكر كويس، وبعدين ضيفي الدقيق والنشا والباكنج باودر تدريجياً.
​ادهني "الطاسة" (المقلاة) بشوية زيت أو سمنة وصبي الخليط.
​التسوية: غطي الطاسة وسيبيها على نار هادئة جداً لمدة 20 لـ 25 دقيقة.
​لما تستوي، انقليها على سطح جاف، امسحي الطاسة وادهنيها تاني، واقلبي الكيكة لمدة 3 دقائق بس تاخد لون من الناحية التانية.
​غطيها وسيبيها تهدا 5 دقائق قبل التزيين.

​ "الاقتصادي" للوجه:
​في طاسة صغيرة، ذوبي 4 ملاعق كبيرة سكر لحد ما يتكرمل، وضيفي عليهم (3/4 كوب ماء مذوب فيه ملعقة صغيرة نشا ورشة ملح). قلبي لحد ما يتقل وادهني بيه وش الكيكة.

​✨ التاتش الأخير: رشة جوز هند ناعم أو فول سوداني مجروش واستمتعي بأحلى طعم مع كوباية شاي!
​بالهناء والشفاء على قلوبكم! جربوها وقولوا لي طلعت معاكم كيف؟ ❤️

​

15/04/2026

سر كيكة الشاي الهشة الطرية🤫... السر في التفاصيل 😉

بتعملي كيك… لكن مرات بتحسي القوام ما “مضبوط”؟
خفيف لكن ناقصه نعومة؟ أو هش لكن ناشف شوية؟

تعالي لي اقوليك السر الفرق ما في المقادير بس…
الفرق في إضافات بسيطة بتغيّر النتيجة تمامًا

سر القوام الهش والناعم
✔️ الزبادي: بيدي طراوة ويخلي الكيكة رطبة وخفيفة
✔️ الخل أو عصير الليمون: بيشتغل مع الباكنج باودر ويخلي الكيكة تنتفخ وتبقى “هوائية” أكتر

النتيجة ✨ كيكة خفيفة… هشة… ومتوازنة في القوام

شوفي الطريقة كاملة في الريلز

ولو عايزة تتعلمي تعملي كيك “صح” من الأساس:
تابعي شيف ماما 👩‍🍳
خبرة سنين… لكن بطريقة مودرن وبسيطة بتناسب أي مطبخ

قولي لي:
جربتي قبل كده تضيفي زبادي أو عصير ليمون او خل لكيكتك؟


#اكسبلور

؟عملنا هاشتاق جديد لسيدات البيوت والانسات البطبخوا وبحتاروا يعملوا شنو بكرة علي الغداء!!تابعي الصفحة واضغطي علي الهاشتا...
11/04/2026

؟
عملنا هاشتاق جديد لسيدات البيوت والانسات البطبخوا وبحتاروا يعملوا شنو بكرة علي الغداء!!
تابعي الصفحة واضغطي علي الهاشتاق أو اكتبيه في تعليق عشان الفيسبوك يجيبه ليك طوالي..

صينية دجاج بالبطاطس ومعاها رز وسلطة خضراء وعصير كركدي بالفيمتو والماء الفوار.
وبألف عافية.

عجينة البيتزا الطرية الرهيبةتنفع ميني بيتزا وممكن تعملي ٢ بيتزا حجم متوسط.المقادير:٢.٥ كوب دقيق منخول١ ملعقة كبيرة خميرة...
10/04/2026

عجينة البيتزا الطرية الرهيبة
تنفع ميني بيتزا وممكن تعملي ٢ بيتزا حجم متوسط.
المقادير:
٢.٥ كوب دقيق منخول
١ ملعقة كبيرة خميرة
١/٢ ملعقة صغيرة باكنج باودر او ملعقة ممسوحة (بيهشش العجين)
١ ملعقة كبيرة سكر
١ كوب دافئ ( ما سخن عشان بيوقف عمل الخميرة)
٢ ملعقة كبيرة زيت او سمنة
٢ ملعقة كبيرة زبادي ( إختياري بيخليها طرية ودسمة)
١ ملعقة صغيرة خل او عصير ليمون
خليها تختمر ساعة وافرديها وبالف هناء وعافية


#بيتزا

Address

بري الدرايسة
Khartoum
11111

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+249907506979

Website

Alerts

Be the first to know and let us send you an email when شيف ماما Chef Mama posts news and promotions. Your email address will not be used for any other purpose, and you can unsubscribe at any time.

Shortcuts

Share