23/04/2026
ခုလိုပူအိုက်တဲ့ ရာသီဆို သစ်ရိပ်ဝါးရိပ်လေးတွေကို တမ်းတမိဖူးကြမှာပါ..
ဒီလို ခံစားချက်မျိုးကို ကျွန်တော်တို့ မြို့ပြက အိမ်တွေမှာလည်း ခံစားနိုင်ပါတယ်...လိုနေတာကတော့ Biophilic Design နည်းပညာ ပါ...✨
Biophilic Design ဆိုတာ အပင်စိုက်ရုံတင်မဟုတ်ဘဲ လေ၊ အလင်း၊ ရေ နဲ့ သဘာဝအရောင်အသွေး တွေကို အိမ်ရဲ့အစိတ်အပိုင်းတစ်ခုအဖြစ် စနစ်တကျ ပေါင်းစပ်ဖန်တီးတာ ဖြစ်ပါတယ်...
အိမ်တစ်အိမ်ကို သဘာဝအတိုင်း အေးမြစေဖို့ သဘာဝနဲ့ပေါင်းစပ်ဖန်တီးနိုင်ဖို့အတွက် ကျွန်တော်တို့ ဒီအချက်တွေနဲ့ ဖန်တီးနိုင်ပါတယ်ဗျ...
✅ ၁။ သဘာဝလေဝင်လေထွက်ကို ကောင်းမွန်အောင်လုပ်ခြင်း (Natural Ventilation)
အိမ်ထဲမှာ အပူအောင်းမနေစေဖို့ လေဝင်လေထွက်လမ်းကြောင်း (Cross Ventilation) က အရေးကြီးဆုံးပါ....
ပြတင်းပေါက်နည်းတဲ့ အိမ်နဲ့ များတဲ့ အိမ် ဘယ်အိမ်က ပိုပြီး အေးမယ်ထင်သလဲဗျ...
အိမ်ရဲ့ မျက်နှာချင်းဆိုင် နံရံတွေမှာ ပြတင်းပေါက်တွေ Direaction မှန်မှန်ထားရှိပြီး လေကို အိမ်ထဲဖြတ်စီးစေပြီး လေပူတွေကို တစ်ဖက်ကနေ ပြန်ထွက်သွားအောင် လုပ်လို့ရပါတယ်...
မြန်မာမှာ သိပ်မတွေ့ရတတ်တဲ့ အိမ်ရဲ့ အပေါ်ဘက် (မျက်နှာကျက်နား) မှာ လေဝင်ပေါက်လေးတွေ ထားရှိခြင်းကလည်း အပူလှိုင်းက အပေါ်ကိုတက်ပြီးထွက်သွားတာမို့ အောက်ဖက်ကနေ အေးမြတဲ့လေကိုခံစားရစေမှာပါ...
✅ ၂။ အစိမ်းရောင် နံရံများနှင့် အိမ်တွင်းဥယျာဉ် (Greenery & Vertical Gardens)
အပင်တွေဟာ သဘာဝ Air-con တွေပါပဲ...
အပင်တွေကနေ ထွက်တဲ့ ရေငွေ့ပျံခြင်းက ပတ်ဝန်းကျင် အပူချိန်ကို ၂ ဒီဂရီကနေ ၄ ဒီဂရီအထိ လျှော့ချပေးနိုင်ပါတယ်....
ဒါကြောင့် အိမ်အပြင်ဘက် နေပူဒဏ်တိုက်ရိုက်ကျတဲ့ နံရံတွေမှာ နွယ်ပင်တွေ ဒါမှမဟုတ် ပိတောက်ပင်၊ ကုက္ကိုပင် တို့လို အပင်ကြီးမျိုးတွေကို စိုက်ထားရင်လည်း အေးမြမှုကို အပြည့်အဝခံစားနိုင်ပါတယ်...
အိမ်တွင်းမှာဆိုရင်တော့ လေထုသန့်စင်ပေးတဲ့ အပင်မျိုးတွေ (ဥပမာ- Snake Plant, Peace Lily) ကို အိမ်ထဲမှာ ထားရှိခြင်းက အေးမြတဲ့ ခံစားချက်ကို ပေးပါတယ်....
✅ ၃။ သဘာဝအလင်း အဝင်အထွက်ကို အသုံးချခြင်း (Shading Strategies)
အလင်းရရမယ်၊ ဒါပေမဲ့ အပူမပါရဘူးဆိုတာမျိုးပေါ့...
ပြတင်းပေါက်တွေအပေါ်မှာ အမိုးစွန်း (Eaves) တွေကို ရှည်ရှည်ထုတ်ထားတာ ဒါမှမဟုတ် နေကာဇကာတွေ တပ်ဆင်တာက နေရောင်ခြည် တိုက်ရိုက်ဝင်ရောက်မှုကို တားဆီးပေးပါတယ်....
အိမ်ရဲ့ အနောက်ဘက် ဒါမှမဟုတ် တောင်ဘက်မှာ အရွက်ဖားဖား အပင်ကြီးတွေ စိုက်ထားခြင်းက သဘာဝအတိုင်း အရိပ်ရစေပြီး အိမ်ကို အေးမြစေပါတယ်...
✅ ၄။ ရေကန်အသေး ဒါမှမဟုတ် ရေတံခွန် အသေးလေးများ တည်ဆောက်ခြင်း (Water Features)
ဘယ်လောက်ပဲ ပူပူ...ကျွန်တော်တို့ ရေရှိတဲ့နေရာနားရောက်ရင် အေးမြမှုကို ခံစားမိဖူးမှာပါ...
ရေရဲ့ အေးမြမှုက Biophilic Design မှာ အဓိကကျပါတယ်....
လေဝင်ပေါက်နားမှာ ရေကန်ငယ်လေး ဒါမှမဟုတ် ရေပန်းလေး ရှိနေရင် အပြင်ကဝင်လာတဲ့ လေပူဟာ ရေနဲ့ထိတွေ့ပြီး အေးမြတဲ့လေအေးအဖြစ် အိမ်ထဲကို ရောက်ရှိလာမှာပါ...
ဒါကို Evaporative Cooling လို့ ခေါ်ပါတယ်.....
✅ ၅။ သဘာဝပစ္စည်းများကို အသုံးပြုခြင်း (Natural Materials)
အိမ်ဆောက်တဲ့အခါ ဒါမှမဟုတ် အလှဆင်တဲ့အခါ အပူတွေကို မထိန်းထားမယ့် ပစ္စည်းတွေကို ရွေးချယ်ပါ....
သစ်သား၊ ဝါး၊ ကျောက်ပြားနဲ့ ရွှံ့အုတ် (Terracotta) စတဲ့ ပစ္စည်းတွေဟာ ကွန်ကရစ်ထက်စာရင် အပူစုပ်ယူမှု နည်းပါတယ်....
နံရံတွေကို အဖြူရောင် ဒါမှမဟုတ် ပေါ့ပါးတဲ့ အရောင်နုတွေ သုတ်ခြင်းက နေရောင်ကို ပြန်ကန်စေပြီး အိမ်ကို အေးမြစေတာကြောင့် အိမ်ဆောက်တော့မယ်ဆို လျှပ်စစ်မီတာခလည်းသက်သာ သဘာဝအတိုင်း အေးမြတဲ့ ခံစားချက်လေးကိုလည်း ရ၊ ကျန်းမာရေးလည်း ပိုကောင်းစေမယ့် ဗိသုကာ နည်းပညာတစ်ခုမို့ Save ထားပြီး ကိုယ်ပိုင်အိမ်လေးကျ ဆောက်ဖို့မမေ့ပါနဲ့နော်....
ကောင်းမွန်တဲ့ နည်းပညာတွေနဲ့ လူကြီးမင်းတို့အတွက် သာယာလုံခြုံမှုအပြည့်ရှိစေမယ့် အိမ်ဒီဇိုင်းတွေကို ဖန်တီးချင်ပါတယ်ဆိုရင်တော့ iCRAVE ကိုသာ ဆက်သွယ်လိုက်ပါခင်ဗျ...
📞 သင့် စိတ်ကူးကို အကောင်အထည်ဖော်ဖို့ ICRAVE နဲ့ ခုပဲ ဆွေးနွေးလိုက်ပါ...
📲 09 401 961 113 (Myanmar)
📲 09 854 659 74 (Thailand)
📲 09772444691 ( YGN )
📧 [email protected]
📱 LINE ID – icrave.th