20/10/2026
🛑🛑🛑🛑🛑🛑🛑 نقطة نظام:
والله انا نحشم و ما نحبش نحكي فيهم الحاجات هاذم اما سعات لازم توضيح صغير باش كل واحد يعرف حدودو...
-انا انسانة ناخو بالخاطر ياااااااااسر و نوسع بالي يااااسر و موش مزية خاطر هاذي خدمتي و "خبزتي" اما ما فيها باس زادا تحترموا و تقدروا تعب غيركم
-كي تبدى تقرى عندي من غير ما تبدى تسأل و تبتبت على المدارس لخرين كيفاش يعلمو و تجي تعملي مقارنات خاطر tt simplement كل واحد و طريقتو
-قبل ما نقصلك لأي امتحان نشاورك على date سبحان الله بالك عندك ارتباطات و مانطيحوش في لبس و بعد ما نقصلك و نخرج convocation نزيد نقلك راني قصيتلك في النهار الفلاني و نعطيك الوقت يظهرلي فماش بهاوة أكثر من هكا أما تنسى date امتحانك و إلا تمشي بش تعدي النظري و ظهرلك تهز روحك و تروح من غير ما تعلمني و تعملي فيها متغشش كيفاش ما نسألش عليك منيش شمس ☀️ بش نزرق على الناس الكل و تتحمل مسؤوليتك
-تغيب على دروس النظرية زادا كيف كيف ما يهمنيش خاطر الحضور ماهوش إجباري تتحمل مسؤوليتك ماتقليش "شبيك ما سألتش عليا؟" مكش فرد من عايلتي
-مشيت تعدي نظري و صارتلك اشكال في الوكالة الفنية للنقل البري تعلمني بالوقت نجي نحللك المشكل أما تروح و إلا تطلب السكريتيرة تفرغ فيها غشك فهذا مرفوض رفضا تاما أنا صاحبة المدرسة و أنا لي قادرة نحللك الإشكال ما طلبتنيش زادا كيف كيف تتحمل مسؤوليتك
-بالنسبة لمرحلة السياقة لازمك تعلمني قبل 12 ساعة بغيابك بش نحط شكون في بلاصتك ما يساعدنيش تعلمني في آخر لحظة و إلا تسكر علينا التليفون وقتها عداني العيب و نحسبها عليك الحصة لي غبت فيها
-ما تحبش تخلصني و تاقف حياتك على حقي إلي هو تعبي و شقايا ناخو بخاطرك و نصبر عليك تخلينا بالأشهر نستناو راو ما يجيش عيب و حرام و حتى كلمة سامحني ما فماش!!!!
-نجاوبك على الف ميساج و الف سؤال و فلخر تخليلي VU على الاقل قول مرسي،باي،فيلامان...
-راجلك و خوك و جارتكم و بنت اختك و حماتك و مديرة مدرسة بنتك و بنت عم امك و لوزتك و سلفتك و بنت خال بوك شاورهم لكل قبل ما تجي تقرى عندي 👌
🛑انا راني نحبها خدمتي على هاكا مازالت لتو شادة فيها صحيح و زادا على خاطر عندي تلامذة حطهم على الجرح يبرى الله يرحم والديهم اما النوع الي حكيت عليه من الاول تعرفوا رواحكم بربي لاعاد تجيوني👌
اللهم اشهد اني بلغت مع تحيات فريق
