13/05/2026
وقيت سردينة توة .. متوفرة بارخس سوم ..
السردينة توة بكامل قيمتها الغذاىية وفيها الزيت
نودوكم بوصفات طبيعية وحاجات في المتناول تنجمو تعولو منها بطريقة طبيعية ...
وكيف ما تعرفو السردينة هي ارخص ما يكون من بين الحوت الكل لكن علميا هي اغنى قيمة من الانواع الاخرى وغنية بالomega3..تقوي الذاكرة والذكاء ...
🔷🐟🐟طريقة التصبير الاولى :
تاخذ كمية السردينة الي شريتها تنظفها بالباهي وتغسلها .. بعد تمسحها بالقماش باش تنشف مالماء ..
ترصفها في دبوزة بلار ... وتصب عليها زيت زيتونة وزيت عادي وشوية ملح وفلفل اكحل ... وتسكر الدبوزة بالباهي ...
تحطها تغلي في الماء 40دقيقة .. تهبطها ... خليها تبرد وحطها في بقعة في الظلام دون هواء ورطوبو ....
🔷🐟🐟الطريقة الثانية :
هذي طريقة تخلي السردينة طيب بطريقة طبيعية ... فقط للإستهلاك اليومي ... بعد ما تنظف السردينة تنحيلها الشوك ... تصبح filet .. وبعد ترصفها في علبة مسطحة .. وبقعة الشوكة هي الي تكون مقابلة ... تعصر فوقها القارص بالباهي .. مع شوية هريسة وملح .. تعاود الصفة الثانية كيف كيف لين تكمل تسكر عالعلبة .. وتخليها ليلة كاملة السردينة طيب بالقارص عال العال ...
❌تستعملها في السلاطة وفي لمجة الصغيرات ..مع الهريسة
❤صحة وبالشفاء
