Xogo de fios

01/09/2026

Se Goku tivo a súa aventura, non podía faltar Bulma 💙

Hai uns meses era el quen pasaba polo obradoiro e, desta volta, tocoulle á súa compañeira de viaxe.

Fiada a fiada, con moito tacto e paciencia, Bulma foi collendo forma ata chegar ao resultado final 🧵✨

E agora que xa está rematada… que vos parece?

🧵 Fíos, dende o meu obradoiro ata o teu fogar.

31/08/2026

28/08/2026

🧵 Seguimos creando con fío na Asociación Algaria de Xinzo.

Esta vez tocou poñerse mans á obra cunha personaxe que non precisa presentación: Hello Kitty 🎀 Un novo tapizado feito con moito fío, paciencia e agarimo 🧶✨

Grazas á Asociación Algaria por seguir contando con nós para compartir estes momentos e continuar aprendendo xuntas 💚

24/08/2026

Unha caixiña nunca é só unha caixiña.

Pode gardar xoias, recordos, moedas, mensaxes especiais... ou simplemente decorar un recuncho con algo feito para ti.

Estas tres foron feitas con deseños completamente diferentes porque cada persoa ten a súa idea do que quere gardar. Eu só lle poño os fíos para darlle forma 🧵✨
E ti, como personalizarías a túa?

🧵 Fíos, dende o meu obradoiro ata o teu fogar.

19/08/2026

Xogo de Fíos foi recoñecido como un dos proxectos gañadores de Terra de Oportunidades 2026, unha iniciativa de Fundación "la Caixa" en colaboración cos distintos GDR, entre eles Limia Arnoia GDR 10 , para promover o emprendemento nas áreas rurais 💚

É un premio que valora o traballo, a creatividade e o emprendemento no rural, e que para min supón un impulso enorme para seguir creando e facendo medrar este proxecto.

Moitas grazas por contar con Xogo de Fíos e por poñer en valor o traballo que hai detrás de cada peza 🥰

E grazas tamén a todas as persoas que confiades no meu traballo e que facedes que este proxecto siga medrando cada día.

🧵 Fíos, dende o meu obradoiro ata o teu fogar.

14/08/2026

🪵🧵 Dous muiñeiros, moita madeira e un agasallo con nome propio.

O alumnado da Agrupación de Baile Barallocas quixo pechar o curso 2025-2026 cun detalle moi especial para a súa profesora: estes dous pratos de madeira personalizados, feitos para gardar un anaquiño do que compartiron durante todo o curso 💛

🧵 Fíos, dende o meu obradoiro ata o teu fogar.

14/08/2026

🧶 Cada creación conta unha historia de superación, talento e artesanía.

Felicitamos a Xogo de fios, o proxecto de Lorena Quintas, recoñecido como un dos gañadores de Terra de Oportunidades 2026, unha iniciativa de CaixaBank e o GDR Limia-Arnoia.

A través do tacto e da súa creatividade, Lorena elabora pezas únicas sobre tea, papel e madeira, demostrando que o talento non entende de límites e que a artesanía segue sendo unha fonte de innovación no rural 🥰.

Parabéns por este máis que merecido recoñecemento! 💚.

Podedes consultar máis detalles sobre os premios nesta ligazón: https://limia-arnoia.gal/o-gdr-limia-arnoia-xa-ten-os-catro-proxectos-ganadores-da-convocatoria-2026-de-tierra-de-oportunidades/

10/08/2026

Hai nomes que xa che din por onde vai a historia.

No caso de Lucas, estaba claro: Tigger e Winnie tiñan que estar presentes 🧡💛

Cada letra desta tablilla foi tapizada unha a unha para crear unha peza que non só identifica a súa habitación, senón que fala del desde o primeiro momento. Porque cando un detalle está pensado para unha persoa en concreto, deixa de ser decoración para converterse en parte do seu espazo.

🧵 Fíos, dende o meu obradoiro ata o teu fogar.

05/08/2026

Dúas irmás. Dúas caixiñas. Dúas personalidades 💙🩷

Non hai dous pedidos iguais cando se fan pensando en quen os vai recibir. Nesta ocasión, preparei estas dúas caixiñas tapizadas de forma totalmente personalizada e feitas con todo o mimo.

Se ti tamén tes unha idea, eu podo convertela nunha peza única 🤝

🧵 Fíos, dende o meu obradoiro ata o teu fogar.

30/07/2026

Hai só uns días contábavos que as miñas pezas chegaban a Saborea Mondoñedo , en Foz.

Pois ben... a acollida foi tan boa que voaron! 🥹

Estes son algúns dos novos traballos que xa volven encher de novo os seus andeis.

Non podo estar máis agradecida por todo o agarimo co que estades recibindo o meu traballo e, por suposto, a Saborea Mondoñedo por seguir confiando en min 🤍

Se quedastes con ganas dalgunha peza, agora tedes unha nova oportunidade de atopalas.

🧵 Fíos, dende o meu obradoiro ata o teu fogar.